ఈ వేవ్ లో ఓజీ వస్తే జాతర జాతరే..!

ప్రస్తుతం సోషల్ మీడియాలో ట్రెండింగ్ లో ఉన్న పేరు ఎవరిది అంటే అది పవర్ స్టార్ పవన్ కళ్యాణ్ మాత్రమే అని చెప్పొచ్చు. హీరోగా ఆయన స్టార్ క్రేజ్, బాక్సాఫీస్ స్టామినా తెలిసిందే ఐతే పొలిటీషియన్ గా కూడా ఈసారి అదరగొట్టేశాడు పవన్ కళ్యాణ్. ఏపీలో కొత్త ప్రభుత్వం ఏర్పాటుకు పవన్ కళ్యాణ్ చేసిన శ్రమ అంతా ఇంతా కాదు. పవర్ స్టార్ ఫ్యాన్స్ మాత్రమే కాదు సాధారణ జనాలు కూడా పవన్ స్పీచ్ లతో ఊగిపోయారు. ఏపీ లో అలా ఎలక్షన్ ఫలితాలు తేలడమే ఆలస్యం పవన్ ని రకరకాల ఎడిట్స్ తో ఫ్యాన్స్ తమ సంతోషాన్ని వ్యక్తపరుస్తున్నారు.

తన వల్ల ఏమవుతుందిలే అనుకున్న రాజకీయాల్లో కూడా తన మార్క్ చూపించిన పవన్ కళ్యాణ్ ఇక తనకు బాగా తేలికైన సినిమాల విషయంలో ఏ రేంజ్ సెన్సేషన్స్ క్రియేట్ చేస్తాడో తెలిసిందే. పవన్ కళ్యాణ్ ఇప్పుడు కేవలం స్టార్ హీరో మాత్రమే కాదు పిఠాపురం ఎమ్మెల్యే. ఇప్పటికే సోషల్ మీడియాలో పిఠాపురం ఎమ్మెల్య్యే గారి తాలుకా అంటూ హంగామా మొదలైంది.

పవన్ కళ్యాణ్ అనుకున్నది అనుకున్నట్టుగా సాధించిన ఈ టైం లో ఈ సూపర్ వేవ్ లో ఓజీ సినిమా వస్తే మాత్రం రికార్డులను కేరాఫ్ అడ్రస్ గా మారుతుందని చెప్పొచ్చు. అసలే పవర్ స్టార్ ఫ్యాన్స్ అంతా కూడా మంచి ఊపు మీద ఉన్నారు. ఈ టైం లో ఓజీ వస్తే మాత్రం వీర లెవెల్ లో చూసేస్తారు. సుజిత్ డైరెక్షన్ లో పవన్ కళ్యాణ్ గ్యాంగ్ స్టర్ గా నటిస్తున్న ఓజీ సినిమా అసలైతే సెప్టెంబర్ 27న రిలీజ్ అనుకున్నారు. కానీ ఈ సినిమా డిసెంబర్ కి వాయిదా వేస్తున్నట్టు తెలుస్తుంది.

ఓజీ సినిమా రిలీజ్ విషయంలో క్లారిటీ రావాల్సి ఉంది. ఐతే సినిమా ఎప్పుడొచ్చినా సరే పవర్ స్టార్ ఫ్యాన్స్ దాన్ని బ్లాక్ బస్టర్ హిట్ చేసేందుకు సిద్ధంగా ఉన్నారు. సుజిత్ సాహో సినిమా తర్వాత ఏరికోరి చేస్తున్న ఈ ప్రాజెక్ట్ పై ఇప్పటికే ఫస్ట్ లుక్ టీజర్ తోనే అంచనాలు పెరిగాయి. పవన్ కళ్యాణ్ ఓజీ రిలీజ్ ఎప్పుడైనా సరే నెవర్ బిఫోర్ రికార్డులను సృష్టించడం పక్కా అనేస్తున్నారు పవర్ స్టార్ ఫ్యాన్స్. సో పవన్ వేవ్ తో మరి ఎలాంటి ప్రభంజనం సృష్టిస్తారో చూడాలి.