OG: అది నిజం కాదు.. అప్పుడే మొదటి మెరుపు..

పవర్ స్టార్ పవన్ కళ్యాణ్ తాజాగా బ్రో మూవీతో ప్రేక్షకుల ముందుకి వచ్చి మరో సక్సెస్ ని తన ఖాతా లో వేసుకున్నారు. మెల్లగా వీకెండ్ తర్వాత ఫ్యామిలీ ఆడియన్స్ బ్రో మూవీకి కనెక్ట్ అవుతున్నారు. మొదటి మూడు రోజుల తో పోల్చుకుంటే కలెక్షన్స్ కొంత వరకు తగ్గిన డీసెంట్ గ్రాస్ తో నడిచే అవకాశం ఉందనే మాట వినిపిస్తోంది. ఇప్పుడు పవర్ స్టార్ నుంచి నెక్స్ట్ రాబోయే ఓజీ పై అభిమానుల ఫోకస్ షిఫ్ట్ అయ్యింది.

సుజిత్ లాంటి టాలెంటెడ్ డైరెక్టర్ తో పవన్ కళ్యాణ్ పాన్ ఇండియా లెవల్ లో ఓజీ మూవీ చేస్తున్నారు. ఈ సినిమా లో బాలీవుడ్ స్టార్ ఇమ్రాన్ హస్మి విలన్ గా నటిస్తున్నారు. అలాగే అమితాబచ్చన్ కీలక పాత్రలో కనిపించబోతున్నారు అనే టాక్ ఉంది. ఇప్పటికే మూవీకి సంబంధించి కీలక షెడ్యూల్స్ ని సుజిత్ కంప్లీట్ చేసేశారు. పవన్ కళ్యాణ్ లేని సన్నివేశాలు అన్ని షూట్ చేసుకుంటూ వెళ్లిపోతున్నారు.

ఈ నెల లో పది రోజులు ఓజీ మూవీ కోసం పవన్ కళ్యాణ్ కాల్ షీట్స్ ఇచ్చే అవకాశం ఉందంట. పవర్ స్టార్స్ కాల్ షీట్స్ ఇస్తే అతనికి సంబందించిన మేగ్జిమమ్ సీక్వెన్స్ కంప్లీట్ చేసేయాల ని సుజిత్ చూస్తున్నారు. ఇదిలా ఉంటే తాజాగా ఈ సినిమాకి సంబందించిన ఒక టాక్ తెర పైకి వచ్చింది. ఆగష్టు 15న ఓజీ మూవీ నుంచి పవన్ కళ్యాణ్ ఫస్ట్ లుక్ లాంచ్ అవుతుందనే ప్రచారం నడుస్తోంది.

అయితే ఈ ప్రచారం లో ఎలాంటి వాస్తవం లేదంట. సెప్టెంబర్ 2న ఓజీ మూవీ ఫస్ట్ లుక్ ప్రేక్షకుల ముందుకి వస్తుందని తెలుస్తోంది. ఇప్పటికే వర్కింగ్ స్టిల్స్, కాన్సెప్ట్ పోస్టర్స్ తోనే ఓజీ సినిమా పై విపరీతమైన హైప్ క్రియేట్ అయ్యింది. ఫస్ట్ లుక్ లాంచ్ అయితే ఎక్స్ పెక్టేషన్స్ నెక్స్ట్ లెవల్ కి వెళ్లిపోతాయి. పవర్ స్టార్ పవన్ కళ్యాణ్ నుంచి రాబోయే మొదటి పాన్ ఇండియా ప్రాజెక్ట్ కాబట్టి నెక్స్ట్ లెవల్ లో ఉంటుందని భావిస్తున్నారు.

అన్ని అనుకున్నట్లు జరిగితే డిసెంబర్ లో క్రిస్మస్ కి ఓజీ మూవీ రిలీజ్ చేయాలని సుజిత్ ప్లాన్ చేసుకుంటున్నారు. మరి అది ఎంత వరకు సాధ్యమవుతుందనేది పవన్ కళ్యాణ్ అడ్జస్ట్ చేసే కాల్ షీట్స్ బట్టి ఉంటుంది. పవన్ ప్రస్తుతం అగ్రిసేవ్ గా రాజకీయాల లో మూవీ అవుతూ వారాహి యాత్ర చేస్తున్నారు. మూడో పేజ్ యాత్రకి సన్నాహాలు జరుగుతున్నాయి. మరి దాని తర్వాత ఓజీ మూవీ కోసం డేట్స్ ఇస్తాడేమో చూడాలి.