స్టార్ డాట‌ర్‌తో స్నేహం బ్రేక‌ప్ అయింద‌న్న‌ ఓర్రీ?

ఓర్రీ అకా ఓర్హాన్ అవత్రమణి ప‌రిచ‌యం అవ‌స‌రం లేదు. అతడు ఎవ‌రు? ఏం చేస్తుంటాడు? అంటూ ఆరాలు ఇక ఆగిపోయాయి. ఎందుకంటే అత‌డు ఎవ‌రో ఇప్పుడు అంద‌రికీ తెలుసు. అత‌డు ఏం చేసి సంపాదిస్తుంటాడు? అన్న‌దానిపైనా స్ప‌ష్ఠ‌త వ‌చ్చింది. ఇటీవల రెడ్డిట్‌లో ఆస్క్ మి ఎనీథింగ్ AMA సెషన్‌ను నిర్వహించాడు ఓర్రీ. ఈ వేదిక‌పై సారా అలీ ఖాన్‌తో తన స్నేహం, బ్రేక‌ప్ వ‌గైరా విష‌యాల‌ను ముచ్చ‌టించాడు. ఒకరితో ఒకరికి ప్రస్తుత సమీకరణాలు ఎలా ఉన్నాయో మాట్లాడాడు.

సారాతో తనకు వైరం ఉంద‌ని ప్ర‌చార‌మైంది. రెడ్డిట్‌లో నకిలీ ఖాతా ద్వారా సారాను విమర్శిస్తూ రాసారని ఓర్రీ తెలిపాడు. ఒకప్పుడు కాలేజీలో తాము మంచి స్నేహితులమని, గ్రాడ్యుయేషన్ తర్వాత అకస్మాత్తుగా విడిపోయామ‌ని చెప్పాడు. తరువాత లాక్‌డౌన్ సమయంలో మళ్లీ కలిసిపోయామ‌ని కూడా వెల్ల‌డించాడు.

'సారా అలీఖాన్ నేను కాలేజ్‌లో మేం బెస్ట్ ఫ్రెండ్స్. ఆపై గ్రాడ్యుయేషన్ తర్వాత ఒక రాత్రిలోనే అకస్మాత్తుగా మేం విడిపోయాం. నేను వ్యవసాయం చేయడానికి UKకి వెళ్లిన తర్వాత (అవును నిజమే) ఆమె నటనలో తన వృత్తిని కొనసాగించడానికి భారతదేశంలోనే ఉండిపోయింది. నేను తిరిగి వచ్చినప్పుడు మేమిద్దరం వేర్వేరు వ్యక్తులమని నేను ఊహిస్తున్నాను. ఆశయాలు వేరు.. విభిన్న తరంగదైర్ఘ్యాలు.. కానీ 100 శాతం ఇప్పటికీ ప్రియమైన పాత స్నేహితులం. ఆమె నా ఫోన్ కాల్ తీయ‌ని సంద‌ర్భం ఎప్పుడూ లేదు..' అని ఓర్రీ రాశాడు.

సారా నటనపై సీరియస్‌గా ఉందా లేదా? కేవ‌లం తన తల్లిని సంతోషపెట్టడం కోసం అలా చేస్తుందా? అని ఓరీని ప్ర‌శ్నించ‌గా.. 'ఆ అమ్మాయి నటనను కెరీర్‌గా తీసుకుంటుందని, ఊపిరి తీసుకోవ‌డం మానేస్తుందేమో కానీ న‌ట‌న‌ను శ్వాసించ‌నిదే జీవించ‌లేద‌'ని తెలిపాడు. న‌ట‌న ఒక్కటే సారా మక్కువతో ఉన్న విషయం. అది 24×7 త‌న మ‌న‌సులో ఉంటుంది. ఆమె తెరపై తెర‌ వెలుపలా పూర్తి సమయం నటి. త‌న‌ తల్లి గారి లానే బలమైన స్వతంత్ర మహిళ సారా.. అని ఓర్రీ అన్నాడు.

స్టార్ల‌తో నైట్ పార్టీల గురించి ఓర్రీకి ప్ర‌శ్న ఎదురైంది. స్టార్ల‌తో పార్టీలో ఉండటానికి మీరు గదిలో అత్యంత సంబంధిత వ్యక్తిగా ఉండటానికి అంగీకరించాలి. సైన్ అప్ చేయాలి.. ఎందుకంటే నేను స్టార్‌ని కాదు. చాలా అందమైన, చక్కని, ఆసక్తికరమైన పార్టీలో ఉండటం అద్భుతమైన అనుభూతి. ప్రపంచంలోని ప్రజల‌కు క‌నెక్ట‌యి ఉంటాను! అని ఓరీ అన్నారు.