బైర‌వ కోన‌కి సీక్వెల్..ప్రీక్వెల్ కూడా!

యంగ్ హీరో సందీప్ కిష‌న్ కి స‌రైన స‌క్సెస్ ప‌డి చాలా కాల‌మ‌వుతోంది. కొన్నాళ్ల‌గా యంగ్ హీరోకి విజ‌యం అనేది అంద‌ని ద్రాక్ష‌లాగే మారింది. చేస్తోన్న ప్ర‌య‌త్నాలేవి ఫ‌లించ‌డం లేదు. దీంతో లాభం లేద‌నుకు న్న యంగ్ హీరో ఇత‌ర హీరోల చిత్రాల్లో కీల‌క పాత్ర‌లు చేయ‌డం మొద‌లు పెట్టాడు. వాటిద్వారానైనా స‌క్సెస్ అవుతున్నాడా? అంటే అదీ క‌నిపంచ‌డం లేదు. అయినా తాను చేయాల్సిన సోలో ప్ర‌య‌త్నాలు మాత్రం ఏనాడు ఆప‌లేదు.

ఈ క్ర‌మంలో సందీప్ కిష‌న్ కి..వి.ఐ ఆనంద్ మ‌రోసారి తోడ‌య్యాడు. గ‌తంలో ఇద్ద‌రి కాంబినేష‌న్ లో `టైగ‌ర్` అనే సినిమా తెర‌కెక్కింది కానీ అది పెద్ద‌గా ఆడ‌లేదు. అటుపై `ఊరు పేరు భైర‌వ‌కోన` అంటూ మ‌రోసారి చేతులు క‌లిపిన సంగ‌తి తెలిసిందే. ఇప్ప‌టికే రిలీజ్ అయిన ప్ర‌చార చిత్రాలు బాగానే హైప్ తీసుకొస్తున్నాయి. మ‌రోవైపు సినిమాని ముందుగానే తెలుగు రాష్ట్రాల్లో స్పెష‌ల్ షోలు కూడా వేస్తున్నారు.

మౌత్ టాక్ పాజిటివ్ గానే క‌నిపిస్తుంది. మ‌రి సినిమా ఎలా ఉంది అన్న‌ది తెలియాలంటే పూర్తి రివ్యూ రావాల్సిందే. ఈ చిత్రాన్ని 16వ తేదీన రిలీజ్ చేస్తున్నారు. అప్ప‌టివ‌ర‌కూ సినిమా ఎలా ఉంది? అన్న‌ది క్లారిటీ వ‌చ్చే అవ‌కాశం లేదు. ఆ సంగ‌తి ప‌క్క‌న‌బెడితే తాజాగాఈ సినిమాకి ప్రీక్వెల్..సీక్వెల్ కూడా ఉంద‌ని నిర్మా త రాజేష్ దండా ఓ ఇంట‌ర్వ్యూలో రివీల్ చేసారు. ప్రీక్వెల్..సీక్వెల్ చేసే అవ‌కాశం ఉంద‌ని కానీ.. సినిమా చివ‌ర్లో ఎలాంటి లీడ్ మాత్రం ఇవ్వ‌లేద‌న్నారు.

డిస్ట్రిబ్యూట‌ర్ గా 12 ఏళ్లు ప‌నిచేసిన త‌ర్వాత నిర్మాణం వైపు వ‌చ్చాన‌న్నారు. హీరో సందీప‌..డైరెక్ట‌ర్ వి.ఐ ఆనంద్ చాలా కాలంగా స్నేహితుల‌మ‌ని ఈ కారణంగానే ముగ్గురి కాంబినేష‌న్ లో సినిమా సాధ్య‌మైంద‌ని తెలిపారు. ఇప్ప‌టికే ఈ సినిమా స్టోరీ లైన్ ద‌ర్శ‌కుడు రివీల్ చేసిన సంగ‌తి తెలిసిదే. పురాణ‌ల‌తో ఈ క‌థ‌ని ముడిపెట్టి తెర‌కెక్కించిన‌ట్లు..ఓ కొత్త అంశాన్ని సినిమాలో చ‌ర్చించిన‌ట్లు తెలిపారు.