గజినీ అవ‌తారంలో అమీర్‌ఖాన్‌కే ఝ‌ల‌కిచ్చాడు
అత‌డు ఈవెంట్ల‌కు అటెండ‌వుతూ ల‌క్ష‌ల్లో సంపాదిస్తుంటాన‌ని తెలిపాడు.
By: Tupaki Desk | 31 Oct 2024 4:35 PM GMT
ఓర్రీ అలియాస్ ఓర్హాన్ అవ్ర‌త‌మ‌ణి ప‌రిచ‌యం అవ‌స‌రం లేదు. బాలీవుడ్ స్టార్ కిడ్స్ తో అత్యంత స‌న్నిహితంగా ఉండే అత‌డంటే చాలామందికి జెల‌సీ. ఓర్రీ ఏం చేస్తుంటాడు? ఉపాధి ఏమిటీ? అంటూ ప్ర‌శ్నిస్తారు. అత‌డు ఈవెంట్ల‌కు అటెండ‌వుతూ ల‌క్ష‌ల్లో సంపాదిస్తుంటాన‌ని తెలిపాడు. అదంతా అటుంచితే అత‌డు రిల‌య‌న్స్ సంస్థ‌లోను ఉద్యోగి.
ఇక ఓర్రీ స్టార్ నైట్ పార్టీల్లో ఎప్పుడూ ప్ర‌త్యేక ఆక‌ర్ష‌ణ క‌లిగిన అతిథి. ఇటీవ‌ల కొంత‌కాలంగా పార్టీల్లో హాలోవీన్ వేషాల‌తో ర‌క్తి క‌ట్టిస్తున్నాడు. ఓర్రీ గత సంవత్సరం ముంబైలోని తన ఇంటి వద్ద హాలోవీన్ పార్టీని నిర్వ‌హించాడు. ఈ సంవత్సరం కూడా హాలోవీన్ వీక్ జరుపుకుంటున్నాడు. అత‌డు ఇప్ప‌టికే విభిన్న రూపాలలో క‌నిపించాడు. తారే జమీన్ పర్, గజినీ సహా ర‌క‌ర‌కాల వేషాల‌తో అత‌డు అల‌రించాడు. అమీర్ ఖాన్ న‌టించిన గ‌జిని బాలీవుడ్ లో ఎంత పెద్ద బ్లాక్ బ‌స్ట‌ర్ అయిందో తెలిసిందే. సౌత్ లో సూర్య న‌టించిన గ‌జినీకి ఇది రీమేక్. ఇప్పుడు అమీర్ ఖాన్ ని ఇమ్మిటేట్ చేస్తూ ఈ కొత్త వేషంతో ఓర్రీ అల‌రించాడు. ప్ర‌స్తుతం ఈ గెట‌ప్ అంత‌ర్జాలంలో వైర‌ల్ గా మారుతోంది.
ఓర్రీ హాలోవీన్ థీమ్ గురించి చాలా చ‌క్క‌గా మాట్లాడాడు. ``భయం కంటే ఆకర్షణీయంగా ఏదీ లేదు. మీరు పాదరక్షలు లేకుండా ప్రాణాల కోసం పరిగెడుతున్నారని ఊహించుకోండి, ఎవరో మిమ్మల్ని వెంబడించి చంపడానికి ప్రయత్నిస్తున్నారని ఊహించుకోండి.. ఇది సినిమాల్లో కనిపించే అత్యంత ఆకర్షణీయమైన విషయం కదా. నేను చనిపోనంత కాలం నా జీవితం కోసం పరిగెత్తడానికి ఇష్టపడతాను`` అని ఓర్రీ చెప్పాడు.
ఓర్రీ దెయ్యాలను నమ్ముతాడా? అంటే తాను నమ్మనని కూడా ఓర్రీ అన్నాడు. బోర్డింగ్ స్కూల్‌లో నాకు పారానార్మల్ ఎన్‌కౌంటర్లు ఎదుర్కొన్నాను. కాని దానికి శాస్త్రీయ వివరణ ఉందని నేను గ్రహించాను. ఓర్రీ డ్రాకులా రూపంతోను హాలోవీన్ పార్టీల్లో అల‌రించాడు.
అమీర్ ఖాన్ ఫాలోవ‌ర్ గా..ఓర్రీ ఇన్ స్టాలో ఈ విధంగా అమీర్ సినిమాలు అందుబాటులో ఉన్న ఓటీటీ వివ‌రాలు షేర్ చేసాడు.
నా పేరు ఖాన్.....
గజ్నీ: అమెజాన్ ప్రైమ్
తారే జమీన్ పర్ : యూట్యూబ్
లగాన్: యూట్యూబ్
దిల్ చాహ్తా హై : నెట్‌ఫ్లిక్స్
రంగ్ దే బసంతి : నెట్‌ఫ్లిక్స్
తలాష్: నెట్‌ఫ్లిక్స్
త్రి ఇడియట్స్: అమెజాన్ ప్రైమ్
మంగళ్ పాండే: జియో సినిమాస్
PK: నెట్‌ఫ్లిక్స్
దంగల్: అమెజాన్ ప్రైమ్
రాజా హిందుస్తానీ: జియో సినిమాస్
#హాలోవీన్2024
