హాలీవుడ్ ఆఫర్ తిర‌స్క‌రించిన ఓర్రీ!
ఓర్హాన్ అవత్రమణి అకా ఓర్రీ ప‌రిచ‌యం అవ‌స‌రం లేదు. ఓర్రీ నిరంత‌రం సెల‌బ్రిటీ పార్టీల్లో మునిగి తేల్తుంటాడు.
By: Tupaki Desk | 29 July 2024 1:30 AM GMT
ఓర్హాన్ అవత్రమణి అకా ఓర్రీ ప‌రిచ‌యం అవ‌స‌రం లేదు. ఓర్రీ నిరంత‌రం సెల‌బ్రిటీ పార్టీల్లో మునిగి తేల్తుంటాడు. నైట్ పార్టీలు అత‌డి జీవితంలో ఒక భాగం. బాలీవుడ్ యువ‌నాయిక‌ల‌తో పాటు సీనియ‌ర్ల‌తోను అతడు స‌న్నిహితంగా ఉంటాడు. దాదాపు ప్రతి బాలీవుడ్ పార్టీలో ఓర్రీ క‌నిపిస్తాడు. ఇంత‌కుముందు స‌ల్మాన్ హోస్టింగ్ చేసిన బిగ్ బాస్ సీజ‌న్‌లోను అతిథిగా క‌నిపించాడు. అతడు జీవించడానికి ఏం పని చేస్తాడు? అంటే రిల‌య‌న్స్ సంస్థ‌లో అతడు ఒక ఉద్యోగి అని కూడా తెలిసింది. దానికి తోడు నైట్ పార్టీల్లో ఎంట‌ర్ టైన‌ర్ గా చేరి ల‌క్ష‌ల్లో సంపాదిస్తాడ‌ని కూడా క‌థ‌నాలొచ్చాయి.
అదంతా అటుంచితే.. ఇప్పుడు ఓర్రీకి హాలీవుడ్ ఆఫర్ వ‌స్తే దానిని సున్నితంగా తిర‌స్క‌రించాడ‌ట. పూర్తి స్థాయి పాత్రలో చేయ‌లేన‌ని చెప్పి అలా వెళ్లి అతిథిగా చేసి వ‌చ్చేశాడ‌ట. ఈ సమాచారాన్ని ఓర్రీ స్వయంగా పాపుల‌ర్ సోషల్ మీడియా పేజీ Things2Doకి వెల్లడించారు. ఓర్రీ మాట్లాడుతూ-``మొన్న ఒక హాలీవుడ్ సినిమాలో అతిధి పాత్రలో నటించాను. ఏది అనేది నేను చెప్పలేను కానీ ఇది నా హాలీవుడ్ అరంగేట్రం (నవ్వుతూ)!``అని చెప్పాడు. సెట్లో నన్ను ఎంతగానో ప్రేమించి ఓ పాత్రను ఆఫర్ చేశారు.
వారు నాకు చెప్పారు.. ``క్యామియో చేయవద్దు, మళ్లీ రండి, మేము ఈ పాత్రను పొడిగిస్తాము`` అని త‌న‌తో అన్న‌ట్టు చెప్పుకొచ్చాడు. అయితే ఓర్రీ దానికి నిరాకరించాడు. గైస్ నేను చేయలేను. నేను నిజంగా ఎక్కువ స్క్రీన్ సమయాన్ని ఇష్టపడతాను కానీ నేను చేయవలసిన పనులు, ఉండవలసిన ప్రదేశాలు, జీవించడానికి జీవితం ఉన్నందున నేను చేయలేను. నేను అదే పని చేస్తూ నా సమయాన్ని త‌గ్గించుకోలేను... అని వారికి చెప్పాను. నేను అతిధి పాత్ర చేసాను. నేను ఒక సినిమాకి పనిచేశాను. లండన్‌లో సినిమా సెట్లో ఎలా ఉంటుందో నేను అనుభవపూర్వ‌కంగా తెలుసుకున్నాను అని అన్నాడు.
మా అమ్మ నన్ను ఎందుకు పూర్తి సినిమాలో న‌టించ‌లేదు అని అడిగారు.. ఇది మంచి సినిమా అని అన్నారు. నేను త‌న‌కు వివరించాను. ``నాకు అంత సమయం లేదు. నేను హాజరు కావాల్సిన ఈవెంట్‌లు ఉన్నాయి. ప్రజలను కలవాలి..`` అని అన్నాను. మా అమ్మ బదులిస్తూ.. `ఓరీ, నువ్వు లివ‌ర్ అయితే నీకు UK సెట్లో నటించేంత నటుడిగా పూర్తి అనుభవం రాలేదు..`` అని కోప్ప‌డింది. ``అమ్మా నువ్వేం తప్పుగా చెప్ప‌లేదు.. కానీ నువ్వు కూడా సరిగ్గా లేవు`` అని అన్నాను.
ఓర్రీ పూర్తి సమయం నటించడానికే కేటాయించ‌క‌పోవ‌డానికి కారణం `సినిమా సెట్‌లను ద్వేషించడం` అని చెప్పాడు. సినిమా సెట్లో చాలా వైర్లు ఉన్నాయి .. మీరు కేవలం ఒక ట్రిప్ కే చనిపోవచ్చు. ఎందుకు చాలా వైర్లు ఉన్నాయి? ఇది నిజంగా చిత్ర పరిశ్రమ పరిష్కరించాల్సిన విషయం.. ఆ వైర్ పై మీరు ప్రయాణిస్తున్నారని ఊహించుకోండి.. మీరు మీ బ్యాగ్‌ని తీసివేసి.. ల్యాప్‌టాప్ ఛార్జర్, ఫోన్ ఛార్జర్ .. ఇయర్‌ఫోన్‌లు అన్నీ చిక్కుకుపోయి ఉన్నట్లు మీరు చూస్తారు.
మీరు అలా అయితే సంతోషంగా ఉంటారా? ఇప్పుడు దానితో నిండిన మొత్తం సెట్‌ను ఊహించుకోండి! అంటూ స‌ర‌దాగా న‌వ్వేసాడు. ఓర్రీ మాట‌కారిత‌నం కామిక్ టైమింగ్ నిజంగా ఈ సంభాష‌ణ‌ల్లో బ‌య‌ట‌ప‌డింది. అందుకే అతడికి నైట్ పార్టీల్లో అంత క్రేజ్ ఉంద‌న్న‌మాట. వాటి కోసం ఇప్పుడు హాలీవుడ్ సినిమా ఆఫర్ నే కాద‌నుకున్నాడు!
