ఈ పాకిస్తానీ లేడీ 'యానిమల్‌' గురించి తెలుసా?

రణబీర్ కపూర్‌ హీరోగా సందీప్ వంగ దర్శకత్వంలో రూపొంది ప్రేక్షకుల ముందుకు వచ్చిన యానిమల్ సినిమా పై కొన్ని వర్గాల వారు విమర్శలు చేస్తున్నా కూడా వసూళ్ల జోరు మాత్రం మామూలుగా లేదు. ఓ రేంజ్ లో యానిమల్‌ సినిమా వసూళ్లు సాధిస్తున్న విషయం తెల్సిందే. ఇప్పటికే సినిమా దాదాపుగా రూ.600 కోట్ల మార్క్ టచ్‌ చేసిందని యూనిట్‌ సభ్యులు చెబుతున్నారు.

యానిమల్‌ సినిమాలో దర్శకుడు సందీప్ వంగ చాలా పాత్రలను చూపించాడు. ఆ పాత్రల్లో చాలా వరకు చాలా రోజులు గుర్తుండేవిగా ఉన్నాయి అంటూ టాక్ వినిపిస్తోంది. విలన్‌ అబ్రార్‌ పాత్రలో కనిపించిన బాబీ డియోల్‌ మరియు ఆయన రెండో భార్యగా కనిపించిన షఫీనా షా గురించి కూడా సినీ ప్రేక్షకులు చర్చించుకుంటున్నారు.

సినిమాలో షఫీనా షా కనిపించింది కొద్ది సమయమే అయినా కూడా అందరి దృష్టిని ఆకర్షించి గుర్తుండి పోయేలా అలరించింది. అసలు ఈ షఫీనా షా ఎవరా అంటూ ఇప్పుడు సోషల్‌ మీడియా గూగుల్‌ లో ఔత్సాహికులు వెతుకులాట మొదలు పెట్టారు. షఫీనా లండన్ లో ఉండే పాకిస్తానీ నటి. తల్లి పాకిస్తానీ కాగా, తండ్రి ఇండియన్‌.

షఫీనా షా తల్లిదండ్రులు ఇద్దరూ కూడా నటీనటులే అవ్వడంతో ఈమె కూడా నటన రంగంలో అడుగు పెట్టింది. ఇటీవల ఒక ఇంటర్వ్యూలో తన నేపథ్యం గురించి షఫీనా షా తెలియజేసింది. షఫీనా షా తండ్రి ఇండియాలోని బుట్వాడకు చెందిన వారు. ఆయన యూకే వలస వెళ్లి అక్కడ నటుడిగా స్థిర పడ్డారు. ఇక తల్లి పాకిస్తానీ. ఆమె కూడా యూకే వెళ్లి స్థిరపడ్డారు.

యూకేలోనే నటన రంగంలో ఉన్న వీరిద్దరికి పరిచయం ఏర్పడి పెళ్లి చేసుకున్నారు. షఫీనా షా లండన్‌ లోనే పుట్టింది. అయితే పాకిస్తాన్‌ లో నటిగా రాణించింది. పాకిస్తాన్‌ సినీ ఇండస్ట్రీలో లాహోర్‌ టు లండన్ సినిమాలో నటించి మెప్పించింది. ఆ తర్వాత ఇండియన్‌ ప్రేక్షకులకు కమర్షియల్ యాడ్స్ ద్వారా సుపరిచితురాలు అయింది.

షారుఖ్‌ ఖాన్‌ తో ఈమె చేసిన యాడ్స్ ద్వారా మంచి గుర్తింపు దక్కించుకుంది. ఇప్పుడు యానిమల్‌ సినిమా తో మంచి ఆధరణ దక్కించుకుంటున్న ఈ అమ్మడు ముందు ముందు బాలీవుడ్‌ సినిమాలు మరిన్ని చేసే అవకాశాలు ఉన్నాయి.