పాన్ ఇండియా సినిమా తీయ‌క ముందే పాన్ ఇండియా స్టార్!

ప‌వ‌ర్ స్టార్ ప‌వ‌న్ క‌ళ్యాణ్ రీజ‌నల్ గా అత‌డి స్టార్ డ‌మ్ గురించి చెప్పాల్సిన ప‌నిలేదు. ఓపెనింగ్ రూపంలో భారీ వ‌సూళ్లు సాధించ‌గ‌ల స్టామినా ఉన్న న‌టుడు. ఈ విష‌యంలో పీకేని కొట్టే మ‌రో హీరో లేడు అన‌డంలో ఎలాంటి అతిశ‌యోక్తి లేదు. ప్రీమియ‌ర్ షోలు వేసి సినిమా పోయింది అనే టాక్ వ‌చ్చినా ప‌వ‌న్ క‌ళ్యాణ్ కోసం ఓపెనింగ్ రోజున థియేట‌ర్ కి వెళ్లి చూసే డై హార్డ్ అభిమానులు తెలుగు రాష్ట్రాల్లో కోట్లాది మంది ఉన్నారు.

అందుకే అత‌డి సినిమాలు భారీ ఎత్తున ఓపెనింగ్స్ సాధిస్తుంటాయి. మ‌రి పాన్ ఇండియాలో అంత‌టి క్రేజ్ పీకే కి సొంత‌మా? అంటే! ఆ లెక్క హ‌రి హ‌ర వీర‌మ‌ల్లు తెలుస్తుంది. మార్చి 28న వీర‌మ‌ల్లు రిలీజ్ అవుతుంది కాబ‌ట్టి అప్పుడు తేలుద్ది. ఇదే అత‌డి తొలి పాన్ ఇండియా సినిమా. దీని త‌ర్వాత `ఓజీ` రిలీజ్ అవుతుంది. అది రెండవ పాన్ ఇండియా సినిమా అవుతుంది. అయితే ప‌వ‌న్ ఇంత‌వ‌ర‌కూ పాన్ ఇండియా సినిమా తీయ‌క‌పోయినా? అత‌డి క్రేజ్ మాత్రం పాన్ ఇండియాకి ఎప్పుడో తాకేసింది.

అదెలా అంటారా? రాజ‌కీయాల ద్వారా....ప్ర‌ధాని మోదీ, అమిత్ షా లాంటి ఉద్దండులు ఇచ్చిన ప్ర‌చారం ద్వారా. ప్ర‌స్తుతం ప‌వ‌న్ పార్టీ జ‌నసేన బీజీపీ తో పొత్త‌తో ముందుకెళ్తున్న సంగ‌తి తెలిసిందే. 2024 ఎన్నిక‌ల్లో పొత్తుతోనే ప‌వ‌న్ గెలిచాడు. ఆ గెలుపు అనంత‌నం ప్ర‌ధాని మోదీ స‌హా పార్టీ పెద్ద‌లంతా అమ‌రావ‌తికి విచ్చేసిన సంగ‌తి తెలిసిందే. ఆ స‌మ‌యంలో అన్న‌ద‌మ్ములిద్ద‌రి చేతులు ప‌ట్టుకుని మోదీకి ఒక్క‌సారి అలా పైకి లేపేస‌రికి దేశ‌మంతా చిరు-ప‌వ‌న్ ల‌వైపు చూసింది.

ఆ స‌న్నివేశం చూసి చిరంజీవి ఎంతో ముచ్చ‌ట‌ప‌డ్డారు. తాను సాధించ‌లేక‌పోయింది రాజ‌కీయాల్లో త‌మ్ముడు సాధించాన‌డి ఎంతో సంతోషం ప‌డ్డారు. ప‌వ‌న్ గురించి జాతీయ మీడియా ఛానెల్స్ ప్ర‌త్యేక క‌థ‌నాలతో ఇండియాలో మ‌రింత ఫేమ‌స్ చేసాయి. రాజ‌కీయంగా అత‌డు ఫేమ‌స్ అయినా? అంత‌కు ముందు న‌టుడు. ఇప్పుడా పొలిటిక‌ల్ పాన్ ఇండియా క్రేజ్ సినిమా ప‌రంగానూ కొంత క‌లిసొచ్చే అంశమే.