పాన్ ఇండియా సినిమాలో హ‌నీ రోజ్!

'వీర‌సింహారెడ్డి' సినిమాతో హాట్ బ్యూటీ హ‌నీరోజ్ టాలీవుడ్ లో ఎంత ఫేమ‌స్ అయిందో చెప్పాల్సిన ప‌నిలేదు. అంత‌కు ముందే ఇన్ స్టాలో హాట్ హాట్ రీల్స్ లో సంచ‌ల‌నం సృష్టించింది. ఆ క్రేజ్ సినిమాకి ప‌నికొచ్చింది. అయితే అమ్మ‌డి టాలీవుడ్ జ‌ర్నీ ఇప్పుడు కాదు చాలా కాలం క్రిత‌మే జ‌రిగింది. ప‌దేళ్ల క్రిత‌మే 'ఆల‌యం' అనే సినిమాతో ఎంట్రీ ఇచ్చింది. అటుపై 'ఈ వ‌ర్షం సాక్షిగా' అనే మ‌రో సినిమాలో న‌టించింది.

కానీ ఆ రెండు సినిమాల గురించి జ‌నాల‌కు పెద్ద‌గా తెలియ‌దు. అలా హ‌నీరోజ్ కూడా హైలైట్ కాలేదు. ప్ర‌స్తుతం సోష‌ల్ మీడియానే షేక్ చేస్తోన్న బ్యూటీగా మారిపోయింది. అమ్మ‌డి ఫోటో...వీడియో ఏది వ‌చ్చినా అది నెట్టింట వైరల్ సంచ‌ల‌నం త‌ప్ప‌నిస‌రి. ప్ర‌స్తుతం అమ్మ‌డు మాలీవుడ్ ఇండ‌స్ట్రీలో మాత్రం బిజీగానే ఉంది. ఈ నేప‌థ్యంలో హ‌నీ ఓ పాన్ ఇండియా సినిమాకి సైన్ చేసిన‌ట్లు రివీల్ చేసింది.

'రాహేలు' అనే ఓ పాన్ ఇండియా చిత్రంతో ప్రేక్ష‌కుల్ని ప‌ల‌క‌రించ‌బోతుంది. ఈ చిత్రాన్ని ఆనంది బాల తెర‌కెక్కిస్తున్నారు. ఇటీవ‌లే సినిమా పూజా కార్య‌క్ర‌మాల‌తో ప్రారంభ‌మైంది. ఈసంద‌ర్భంగా హ‌నీరోజ్ సంతోషం వ్య‌క్తం చేసింది. 'ఈ సినిమా నా జీవితంలో ఓ మైలు రాయిలా నిలిచిపోతుంది. మీరు అందించే ప్రేమ‌..మ‌ద్ద‌తు..అభిమానం నన్ను గొప్ప స్థాయికి తీసుకెళ్తాయని ఆశిస్తున్నా.

మీరు నాపై ఉంచిన న‌మ్మ‌కాన్ని నిల‌బెట్టుకోవ‌డానికి నిరంత‌రం శ్ర‌మిస్తాను' అని అంది. హ‌నీరోజ్ 'బోయ్ ప్రెండ్' అనే మ‌ల‌యాళం సినిమాతోనే తెరంగేట్రం చేసింది. ఆ త‌ర్వాత త‌మిళ్..తెలుగు సినిమాల్లోనూ అదృష్టాన్ని ప‌రీక్షించుకుంది. అలాగే క‌న్న‌డలోనూ లాంచ్ అయింది.

కానీ హ‌నీ రోజ్ ఈమూడు భాష‌ల్లోనూ బిజీగా న‌టి కాలేక‌పోయింది. మ‌ల‌యాళంలోనే ఎక్కువ‌గా సినిమాలు చేసింది. కొత్త అవ‌కాశాలు కూడా అదే ప‌రిశ్ర‌మ నుంచి వ‌స్తున్నాయి. హ‌నీ రోజ్ భావిస్తున్న‌ట్లు రాహేలు స‌క్సెస్ అయితే మాత్రం అన్ని భాష‌ల్లో అవ‌కాశాలు రావొచ్చు.