పవన్ 'బ్రో' ఫ్యాన్స్ కి ఊరట కలిగించే విషయం

మెగా ఫ్యాన్స్ తో పాటు తెలుగు సినీ ప్రేమికులు ఎంతో ఆసక్తిగా ఎదురు చూస్తున్న చిత్రం 'బ్రో'. ఈ సినిమా పై ఉన్న అంచనాల నేపథ్యం లో అన్ని ఏరియాల్లో కూడా భారీ ఎత్తున విడుదల కాబోతుంది. వచ్చే వారంలో ప్రేక్షకుల ముందుకు రాబోతున్న ఈ సినిమా ప్రమోషన్ కార్యక్రమాలు మెల్లగా సాగుతున్నాయి. పవన్‌ తో ఒక భారీ ప్రీ రిలీజ్ ఈవెంట్‌ ను ప్లాన్‌ చేసినట్లుగా తెలుస్తోంది.

ఈ సినిమా కోసం పవన్ చాలా తక్కువ రోజులు పని చేశాడు. దాంతో సినిమా లో పవన్ పాత్ర చాలా తక్కువ ఉంటుందనే వార్తలు వస్తున్నాయి. వినోదయ్య సీతమ్‌ సినిమా లో దేవుడి పాత్ర నిడివి చాలా తక్కువగా ఉంటుంది. కనుక ఈ సినిమా లో పవన్ పాత్ర నిడివి చాలా తక్కువగా ఉండి ఉండవచ్చు అని చాలా మంది అనుకుంటున్నారు.

పవన్ సినిమా అంటూ అంచనాలు పెంచుకున్న బ్రో సినిమా లో ఆయన కనీసం గంట కూడా లేకుంటే ఎలా అంటూ కొందరు అసహనం వ్యక్తం చేస్తున్నారు. కొందరు 40 నుంచి 50 నిమిషాలు అంటూ ప్రచారం చేస్తున్నారు. పవన్‌ స్క్రీన్‌ ప్రజెన్స్... రన్ టైం పై సాయి ధరమ్ తేజ్ తాజా ఇంటర్వ్యూలో క్లారిటీ ఇచ్చాడు.

సినిమా ప్రారంభం అయిన 15 నిమిషాల తర్వాత పవన్‌ కళ్యాణ్ గారు ఎంట్రీ ఇస్తారు. అప్పటి నుండి చివరి వరకు పవన్‌ కళ్యాణ్ గారు కనిపిస్తూనే ఉంటారు. మొత్తంగా సినిమాలో 110 నిమిషాలు కనిపిస్తూనే ఉంటారు. ఆయన లేని సననివేశాలు ఉండవు. ప్రతి సన్నివేశం లో కూడా ఆయన ఉంటారు. నాతో ఆయన అన్ని సన్నివేశాల్లో కనిపిస్తారని తేజ్ చెప్పుకొచ్చాడు.

మనిషి చావు.. పుట్టుక గురించి ఆసక్తికర విషయాలు చెప్పే దేవుడి పాత్ర లో పవన్ కళ్యాణ్‌ కనిపించబోతున్నాడు. ఈ సినిమాలో కేతిక శర్మ సాయి ధరమ్‌ తేజ్ కు జోడీగా కనిపించబోతుంది. ఇక వింక్ బ్యూటీ ప్రియా ప్రకాష్ వారియర్ ఈ సినిమాలో కీలక పాత్రలో కనిపించబోతుంది. ఇద్దరు హీరోలతో కూడా ప్రియా ప్రకాష్ వారియర్ కి కాంబో సన్నివేశాలు ఉన్నాయట. ఈనెల 28న ప్రేక్షకుల ముందుకు రాబోతున్న బ్రో సినిమా ను సముద్ర ఖని దర్శకత్వంలో పీపుల్స్ మీడియా బ్యానర్ లో నిర్మించిన విషయం తెల్సిందే.