కొత్త ఏడాది మొద‌టి నెల‌తోనే పవ‌న్ క‌ల్యాణ్ ముగింపు!

ప‌వ‌ర్ స్టార్ ప‌వ‌న్ క‌ళ్యాణ్ హీరోగా న‌టిస్తోన్న `హ‌రిహ‌ర వీర‌మ‌ల్లు`..`ఓజీ` సినిమాలు ఆన్ సెట్స్ లో ఉన్న సంగ‌తి తెలిసిందే. రెండు చిత్రాల షూటింగ్ కూడా ముగింపు ద‌శ‌లోనే ఉంది. ప‌వ‌న్ క‌ళ్యాణ్ కి సమ‌యం దొరికి స‌వ్యంగా డేట్లు కేటాయించి ఉంటే? ఇప్పటికే వాటి షూటింగ్ కూడా పూర్త‌య్యేది. కానీ రాజకీయం-సినిమా అనే రెండు ప‌డ‌వ‌ల ప్ర‌యాణం నేప‌ధ్యంలో ఎంత వేగంగా పూర్తి చేయాలి? అన్న సాధ్య‌ప‌డ‌టం లేదు.

అయితే జ‌న‌వ‌రి ముగింపుకు రెండు సినిమా షూటింగ్ పూర్త‌వుతుంద‌ని స‌మాచారం. ప‌వ‌న్ క‌ల్యాణ్ పోర్ష‌న్ మొత్తం పూర్త‌వుతుందన్న‌ది తాజా అప్ డేట్. `హ‌రిహ‌ర వీర‌మ‌ల్లు`కు సంబంధించి ప‌వ‌న్ నాలుగు నుంచి ఐదు రోజులు గ్యాప్ లేకుండా డేట్లు ఇస్తే చాలా ముగించ‌డానికి రెడీగా ఉంది టీమ్. అందుకు త‌గ్గ‌ట్టు ప‌వ‌న్ డేట్లు ఇచ్చిన‌ట్లు తెలుస్తోంది. దీంతో ప‌వ‌న్ పోర్ష‌న్ పూర్త‌వుతుంది.

ఇక `ఓజీ` సినిమా కోసం 15 రోజులు కేటాయిస్తే చాలు ముగించ‌డానికి సుజిత్ రెడీగా ఉన్నాడు. అందుకు త‌గ్గ‌ట్టే ప‌వ‌న్ డేట్లు కేటాయించిన‌ట్లు స‌మాచారం. జ‌న‌వ‌రి నుంచి ప‌వ‌న్ `ఓజీ` షూటింగ్ లో పాల్గొంటార‌ని స‌మాచారం. దీంతో ఓజీకి సంబంధించి ప‌వ‌న్ పోర్ష‌న్ మొత్తం కంప్లీట్ అవుతుంది. అంటే జ‌న‌వ‌రి చివ‌రిక‌ల్లా వీర‌మ‌ల్లు..ఓజీ ల ప‌వ‌న్ పోర్ష‌న్ మేక‌ర్స్ పూర్తి చేయ‌నున్నారు. `ఓజీ` త‌దుప‌రి షెడ్యూల్ బ్యాంకాక్ లో జ‌రుగుతుంది.

ఇక్క‌డ ప‌వ‌న్ స‌హా కీల‌క న‌టులపై యాక్ష‌న్ స‌న్నివేశాలు చిత్రీక‌రించ‌నున్నారు. బ్యాంకాక్ ఫైట్ మాస్ట‌ర్ల ఆధ్వ‌ర్యంలో ఈ స‌న్నివేశాల చిత్రీక‌ర‌ణ ఉంటుంది. ఇప్ప‌టికే `ఓజీ` లో చాలా యాక్ష‌న్ స‌న్నివేశాల్ని పీటెర్ హెయిన్- విజ‌య్ మాస్ట‌ర్ ద్వ‌యం కంపోజ్ చేసింది. డిసెంబ‌ర్ మొద‌టి వారంలోనే ఓజీటీమ్ బ్యాంకాక్ వెళ్తుంద‌ని స‌మాచారం.