'బ్రో'లో ప‌వ‌న్ దేవుడు ప‌దినిమిషాల‌కే ప్ర‌త్య‌క్ష్యం!

ప‌వ‌న్ క‌ళ్యాణ్‌..సాయితేజ్ ప్ర‌ధాన పాత్ర‌ల్లో తెర‌కెక్కుతోన్న 'బ్రో 'రిలీజ్ కి రెడీ అయిన సంగ‌తి తెలిసిందే. ప‌వ‌న్ కెరీర్ లోనే అత్యంత వేగంగా రిలీజ్ అవుతోన్న చిత్ర‌మిది. ఇందులో ప‌వ‌న్ క‌ళ్యాణ్ దేవుడి పాత్ర‌లో క‌నిపించ‌నున్నారు.

మ‌రి ఈ దేవుడి పాత్ర అంటే సినిమా మొత్తం ఉంటుందా? అప్పుడ‌ప్పుడు మ‌ధ్య‌లో వ‌చ్చి వెళ్లిపోతుందా? ఇలా చాలా సందేహాలు అభిమానుల్లో ఉన్నాయి. వాటిలో కొన్నింటికి చిత్ర నిర్మాత మాట‌ల్ని బ‌ట్టి నివృతి అవుతుంది.

సినిమా ప్రారంభ‌మైన ప‌ది నిమిషాల‌కే ప‌వ‌న్ పాత్ర ప్ర‌త్య‌క్ష‌మ‌వు తుందిట‌. ప‌వ‌న్ ని ప‌రిచ‌యం చేయ‌డం కోసం మ‌రీ ఎక్కువ స‌మ‌యం తీసుకోకుండా ప‌ది నిమిషాల‌కే ప‌వ‌న్ పాత్ర‌ని రివీల్ చేస్తారుట‌. అయితే అటుపై ప‌వ‌న్ పాత్ర ఎలా ఉంటుంద‌న్న‌ది మాత్రం తెర‌పైనే చూడాలంటున్నారు.

అలాగే ఈ దేవుడి పాత్ర‌ని ఎలా డిజైన్ చేసారు? అన్న‌ది స‌స్పెన్స్ లోనే పెట్టారు. అయితే ప‌వ‌న్ ఇమేజ్ కి త‌గ్గ అంశాల‌న్ని సినిమాలో ఉంటాయంటున్నారు. ఆయ‌న అభిమానులు మెచ్చే అంశాల‌కు ఏమాత్రం కొద‌వుండ‌ద‌ట‌.

సాయితేజ్ పాత్ర‌తో ప‌వ‌న్ రోల్ క‌నెక్టివిటీ బాగుంటుందిట‌. కొన్ని స‌న్నివేశాలు చాలా కొత్త‌గానూ ఉంటాయ న్నారు. ఇక ఈ సినిమా ప్రచారం ప‌వ‌న్ పాల్గొన‌డం లేదు. ప‌వ‌న్ క‌ళ్యాణ్ రాజ‌కీయ స‌మావేశాల్లో బిజీగా ఉండ‌టంతో ఆయ‌న పెద్ద‌గా ఇన్వాల్వ్ కావ‌డం లేదు. ప్ర‌చారం బాధ్య‌త‌ల‌న్ని సాయితేజ్ నెత్తిన వేసుకుని మోస్తున్నాడు. మ‌రి ప్రీ రిలీజ్ ఈవెంట్ కి అయినా ప‌వ‌న్ వ‌స్తారా? లేదా? అన్న‌ది చూడాలి.

ఇక ప‌వ‌న్ దేవుడి పాత్ర పోషించ‌డం కొత్తేం కాదు. గ‌తంలో 'గోపాల గోపాల' సినిమాలోనూ పీకే శ్రీకృష్ణుడి పాత్ర పోషించిన సంగ‌తి తెలిసిందే. అందులో వెంక‌టేష్ క‌ష్ట కాల సమ‌యంలో గోపాలుడు గా ప్ర‌త్య‌క్ష‌మ‌య్యేవాడు. మ‌రి 'బ్రో'లో ప‌వ‌న్ రోల్ ని ఎలా డిజైన్ చేసారు? ఎలా రివీల్ చేస్తారు? అన్న‌ది చూడాలి. ఈ సినిమా షూటింగ్ ని ప‌వ‌న్ కొన్ని రోజుల్లోనే పూర్తిచేసిన సంగ‌తి తెలిసిందే.