పవర్ స్టార్ ఫ్యాన్స్ కి నిరాశతప్పదా..?

పవర్ స్టార్ పవన్ కళ్యాణ్ రీసెంట్ గా బ్రో అంటూ వచ్చి ఫ్యాన్స్ ని అలరించాడు. ఆ సినిమాలో మెగా మేనల్లుడు సాయి ధరమ్ తేజ్ కూడా నటించాడు. ఇక క్రిష్ తో చేస్తున్న హరి హర వీరమల్లు, హరీష్ శంకర్ తో చేస్తున్న ఉస్తాద్ భగత్ సింగ్, సుజిత్ తో చేస్తున్న ఓజీ ఈ 3 సినిమాలు పవన్ పూర్తి చేయాల్సి ఉంది. మాక్సిమం ఏపీ ఎలక్షన్స్ రావడానికి ముందే ఈ సినిమాలు పూర్తి చేయాలని ఫిక్స్ అయ్యాడు. అయితే ఎలక్షన్స్ ముందు ఈ 3 సినిమాల్లో ఒకటి కూడా రిలీజ్ అవుతుందా లేదా అన్న డౌట్ ఫ్యాన్స్ లో ఉంది.

క్రిష్ తో చేస్తున్న వీరమల్లు సినిమా ఇంకా చాలా షూటింగ్ చేయాల్సి ఉంది. హరీష్ శంకర్ సినిమా కూడా సగానికి పైగా షూటింగ్ చేయాల్సి ఉందని తెలుస్తుంది. సుజిత్ తో చేస్తున్న ఓజీ మాత్రం త్వరగా పూర్తి చేసే ఆలోచనలో ఉన్నారు. సో OGని పూర్తి చేసి సమ్మర్ రిలీజ్ టార్గెట్ పెట్టుకున్నా అప్పటి పరిస్థితులను బట్టి రిలీజ్ వాయిదా పడే అవకాశం ఉంటుంది. పవన్ సినిమా అది కూడా ఏపీలో ఎలక్షన్స్ టైం లో అంటే అనుకోని అడ్డంకులు వచ్చే ఛాన్స్ ఉంది.

సో OG త్వరగా పూర్తి చేసినా ఫిబ్రవరి, మార్చి రిలీజ్ అయితే ఓకే కానీ మే నెలలో అంటే మాత్రం ఎలక్షన్స్ మూమెంట్ కాబట్టి అడ్డు చెప్పే అవకాశం ఉంటుంది. ఇలా చూస్తే పవన్ చేస్తున్న ఈ సినిమాలన్నీ కూడా 2024 చివర్లో రిలీజ్ చేస్తారని చెప్పొచ్చు. పవన్ తో సినిమా అంటే షూటింగ్ పూర్తి చేయడం ఒక లెక్క అయితే రిలీజ్ చేయడం మరో పెద్ద థింగ్ అని చెప్పొచ్చు. ఏపీలో ఎలక్షన్స్ అనంతరం అయితే పవన్ సినిమాలు రిలీజ్ చేసే అవకాశం ఉంది.

మరి పవన్ తను చేస్తున్న సినిమాల రిలీజ్ ల విషయంలో ఆలోచన ఎలా ఉందో కానీ పవన్ కళ్యాణ్ సినిమా కోసం ఫ్యాన్స్ మాత్రం సూపర్ ఎగ్జైటెడ్ గా ఉన్నారు. తెలంగాణాలో ఎలక్షన్స్ నవంబర్ 30నే జరుగుతుండగా ఏపీలో ఏప్రిల్ లేదా మే లో జరిగే అవకాశం ఉంది. ఈ టైం లో పవన్ సినిమాలు రిలీజ్ పై ఆంక్షలు ఉండే అవకాశం ఉంటుంది. సో పవన్ కళ్యాణ్ ఫ్యాన్స్ అప్పటివరకు వెయిట్ చేయక తప్పదు.