అసలు ఆ సినిమా కోసం పవన్ ఎన్ని రోజులు వర్క్ చేయాలి?

సాహో మూవీ తర్వాత యంగ్ టాలెంటెడ్ డైరెక్టర్ సుజిత్ పవర్ స్టార్ పవన్ కళ్యాణ్ తో OG మూవీ చేస్తోన్న సంగతి తెలిసిందే. పాన్ ఇండియా లెవల్ లో భారీ బడ్జెట్ తో డివివి దానయ్య ఈ చిత్రాన్ని నిర్మిస్తున్నారు. ఇదిలా ఉంటే ఇప్పటికే OG మూవీ మెజారిటీ షూటింగ్ కంప్లీట్ అయిపొయింది. మూవీ గ్లింప్స్ కూడా రిలీజ్ చేశారు. దీనికి అదిరిపోయే రెస్పాన్స్ వచ్చింది. కచ్చితంగా పవన్ కళ్యాణ్ కెరియర్ లో బెస్ట్ మూవీగా OG మూవీ ఉంటుందని ఫ్యాన్స్ ఎక్స్ పెక్ట్ చేస్తున్నారు.

గత కొద్ది రోజులుగా OG మూవీ రిలీజ్ వాయిదా పడే అవకాశం ఉందనే ప్రచారం సోషల్ మీడియాలో నడుస్తోంది. ఏపీ ఎన్నికల ఫలితాల తర్వాత పవన్ కళ్యాణ్ మూడు నెలల పాటు సినిమాలకి దూరంగా ఉండనున్నారంటూ టాక్ నడిచింది. అయితే ఇందులో వాస్తవం లేదని మరో ప్రచారం తెరపైకి వచ్చింది. పవన్ కళ్యాణ్ ఈ సినిమా కోసం ఇప్పటికే డేట్స్ ఇచ్చినట్లు సమాచారం. జూన్ 3వ వారం నుంచి OG షూటింగ్ లో పవన్ కళ్యాణ్ పాల్గొనే అవకాశం ఉందంట.

ఒక వేళ అప్పుడు కాకుంటే జులైలో ఈ మూవీ షూటింగ్ స్టార్ట్ కావడం ఖాయం అనే మాట వినిపిస్తోంది. 20 రోజులు పవన్ కళ్యాణ్ మూవీ కోసం కాల్ షీట్స్ ఇచ్చారంట. అందులో హైదరాబాద్ లో ఓ చిన్న షెడ్యూల్ కంప్లీట్ చేసుకొని మిగిలినదంతా ఫారిన్ లో షూట్ చేయనున్నారంట. కథలో ముంబై మాఫియా నుంచి బయటకొచ్చిన తర్వాత ఓజాస్ గంభీర లైఫ్ కి సంబందించిన సీక్వెన్స్ ని చిత్రీకరించనున్నారంట.

ఈ షూటింగ్ షెడ్యూల్ అనుకున్న విధంగా కంప్లీట్ చేసుకొని సెప్టెంబర్ 27న సినిమాని రిలీజ్ చేయడానికి చిత్ర యూనిట్ ప్రణాళిక చేసుకుంటుందంట. ఇప్పటికే ఈ మూవీ థియేట్రికల్ బిజినెస్ డీల్స్ నడుస్తున్నాయని సమాచారం. ప్రముఖ నిర్మాణ సంస్థ ఆంధ్రాకి సంబందించిన థీయాట్రికల్ రైట్స్ కోసం భారీగా ఆఫర్ చేసినట్లు తెలుస్తోంది. నైజాం, ఓవర్సీస్ డీల్స్ అయితే ఇప్పటికే క్లోజ్ అయ్యాయంట.

ఓజాస్ గంభీర క్యారెక్టరైజేషన్ పై ఒక గ్యాంగ్ స్టార్ సాంగ్ ని తమన్ డిజైన్ చేసారంట. ఈ సాంగ్ పవన్ కళ్యాణ్ కెరియర్ లో బెస్ట్ వన్ గా ఉంటుందనే మాట వినిపిస్తోంది. పాన్ ఇండియా లెవల్ లో పవన్ కళ్యాణ్ నుంచి వస్తోన్న ఫస్ట్ మూవీగా OG ఉంది. పవన్ కళ్యాణ్ స్టామినా OG ద్వారా ఏ స్థాయిలో వరల్డ్ వైడ్ గా ఇంపాక్ట్ క్రియేట్ చేస్తుందో చూడాలని ఆసక్తి అందరిలో ఉంది.