OGలో యాక్షన్ డోస్.. కావాల్సినంత కిక్కు..

పవర్ స్టార్ పవన్ కళ్యాణ్ హీరోగా సుజిత్ దర్శకత్వంలో రెడీ అవుతున్న మూవీ OG. ముంబై మాఫియా బ్యాక్ డ్రాప్ లో పిరియాడిక్ జోనర్ లో ఈ చిత్రాన్ని సుజిత్ సిల్వర్ స్క్రీన్ పై ఆవిష్కరించే ప్రయత్నం చేస్తున్నారు. ఇప్పటికే మూవీ మాక్సిమమ్ షూటింగ్ కంప్లీట్ అయిపోయింది. 20 శాతం షెడ్యూల్ మాత్రమే ఇంకా పెండింగ్ లో ఉందంట.

ఎన్నికల రిజల్ట్ తర్వాత పవన్ కళ్యాణ్ డేట్స్ బట్టి ఈ మూవీ షూటింగ్ కంప్లీట్ చేయాలని డైరెక్టర్ సుజిత్ ప్లానింగ్ లో ఉన్నారు. సెప్టెంబర్ లో ఓజీ మూవీ రిలీజ్ డేట్ కూడా ఫిక్స్ చేశారు. ఇదిలా ఉంటే ఇప్పటికే ఈ మూవీ గ్లింప్స్ ను చిత్ర యూనిట్ రిలీజ్ చేసింది. దీనికి అద్భుతమైన రెస్పాన్స్ రావడం విశేషం. ఈ గ్లింప్స్ ద్వారానే ఓజీ మూవీ ఎలా ఉండబోతుంది అనేది డైరెక్టర్ సుజిత్ ఒక క్లారిటీ ఇచ్చేశారు.

ఈ మూవీ బిగ్గెస్ట్ బ్లాక్ బస్టర్ కావడం గ్యారెంటీ అని పవర్ స్టార్ అభిమానులు బలంగా నమ్ముతున్నారు. మూవీలో ఫ్యాన్స్ తో పాటు రెగ్యులర్ ఆడియన్స్ ని అలరించడానికి పవర్ ఫుల్ యాక్షన్ సీక్వెన్స్ ని సుజిత్ డిజైన్ చేశాడంట. రెగ్యులర్ ఫార్మాట్ లో కాకుండా మార్షల్ ఆర్ట్స్ నేపథ్యంలో యాక్షన్ సన్నివేశాలను చిత్రీకరించినట్లు ప్రచారం నడుస్తోంది.

అకిడో, కర్వ్ మగా బ్యాక్ డ్రాప్ యాక్షన్ సీక్వెన్స్ ల కోసం గన్స్ తో పాటు మార్షల్ ఆర్ట్స్ వెపన్స్ కూడా ఉపయోగించారంట. నాంచాక్, కటన, నకల్ డస్టర్ లతో పవన్ కళ్యాణ్ విలన్ గ్యాంగ్స్ తో ఫైట్ చేస్తాడంట. ఈ యాక్షన్స్ సన్నివేశాలు గూస్ బంప్స్ క్రియేట్ చేయడం గ్యారెంటీ అనే మాట సోషల్ మీడియాలో వినిపిస్తోంది. అత్తారింటికి దారేది సినిమా తర్వాత పవన్ కళ్యాణ్ నుంచి బ్లాక్ బస్టర్ ఆనికించుకున్న మూవీ ఇప్పటివరకు రాలేదు.

చివరిగా వచ్చిన బీమ్లా నాయక్, బ్రో చిత్రాలు కూడా ఒక ఫ్యాన్స్ ని తప్ప రెగ్యులర్ ఆడియన్స్ ని మెప్పించలేదు. ఓజీ మూవీ మాత్రం అందరి అంచనాలను అందుకోవడం గ్యారంటీ అని మాట వినిపిస్తోంది. ఓజీ చిత్రాన్ని సుజిత్ రెండు భాగాలుగా తెరకెక్కించాలని అనుకుంటున్నారు. మొదటి పార్ట్ ని ఈ ఏడాదిలో రిలీజ్ చేయబోతున్నారు. పవన్ కళ్యాణ్ ఓజీ తర్వాత ఉస్తాద్ భగత్ సింగ్ మూవీని హరీష్ శంకర్ దర్శకత్వంలో చేయనున్నాడు. అలాగే హరిహర వీరమల్లు మూవీ కూడా కంప్లీట్ చేయాల్సి ఉంది. వీటి తర్వాత మరల ఓజీ పార్ట్ 2 ఉండొచ్చని టాక్ వినిపిస్తోంది.