ప్రేమ కి మూల్యం..ఇది నా విధి.. అలాగే ఉండ‌నివ్వండి! రేణు దేశాయ్

ప‌వ‌న్ క‌ళ్యాణ్ మాజీ భార్య రేణు దేశాయ్ విడాకుల స‌మ‌యంలో పీకే అభిమానుల నుంచి ఎలాంటి విమ‌ర్శ‌లు ఎదుర్కున్నారో తెలిసిందే. విడాకుల ముందు వ‌ర‌కూ వ‌దిన‌మ్మా? అంటూ అభిమానంతో పిలుచుకున్న అభిమానులెంతో మంది..విడాకుల స‌న్నివేశం వ‌చ్చే స‌రికి త‌ప్పంతా రేణు దేశాయ్ దే అన్న‌ట్లు వ్య‌వ‌హ‌రించి దూషించారు. వారి వ్య‌క్తిగ‌త జీవితంలో త‌ప్పొప్పులు ఎవ‌ర‌వి అన్న‌ది ప‌క్క‌న‌బెడితే రేణుదేశాయ్ మాత్ర‌మే టార్గెట్ అయ్యారు.

ఈ క్ర‌మంలో ర‌క‌ర‌కాల దూష‌ణ‌ల‌కు గుర‌య్యారు. ఈ విష‌యంపై ఆమె ప‌వ‌న్ క‌ళ్యాణ్ కి ఫిర్యాదు చేయ‌డం జ‌రిగింది. రేణు కూడా అభిమానుల‌పై కొన్ని సందర్భాల్లో తీవ్ర స్థాయిలో విరుచుకు ప‌డ్డారు. తాజాగా ఇదే అంశాన్ని గుర్తు చేసుకుని రేణు దేశాయ్ మ‌రోసారి హాట్ టాపిక్ గా మారారు. `నా మాజీ భ‌ర్త ఎలా మోసం చేసాడు అన్న అంశాన్ని గుర్తు చేస్తే ఎలాంటి ప‌ద‌జాలంతో దూషించారో తెలుసు.

ఇప్పుడు దేశ పౌరు రాలిగా అత‌ని కి అనుకూలంగా కొన్ని వ్యాఖ్య‌లు చేసిన‌ప్పుడు అత‌న్ని ద్వేషించే వారిప్పుడు దుర్బాష‌లాడుతున్నారు. విడాకుల గురించి నా మాజీ భ‌ర్త విష‌యంలో మాట్లాడిందంతా ప‌చ్చి వాస్త‌వం. అలా మాట్లాడం తో నేను డ‌బ్బులు తీసుకుని ఆ ప‌నిచేసార‌న్నారు. తాజాగా అలాంటి స‌న్నివేశ‌మే మ‌ళ్ల చోటు చేసుకుంది. 'నా మాజీ భ‌ర్త‌కు వ్య‌తిరేకంగా ఉండే కొంత మంది నాకు డ‌బ్బులిచ్చార‌ని కొంద‌రు ఆరోపిస్తున్నారు.

అందులో ఎలాంటి నిజం లేదు. నా మాజీ గురించి రెండు సంద‌ర్భాల్లోనూ ఒకే నిజం మాట్లాడాను. అత‌నితో ప్రేమ‌లో ప‌డి నిజం మాట్లాడినంద‌కు మూల్యం చెల్లించుకున్నా. ఇది నా విధి అయితే ..అలాగే వ‌దిలేయండి. ద‌య చేసి త‌ప్పుగా మాత్రం మాట్లాడ‌కండ‌ని వేడుకున్నారు. ఆమె ఇన్ స్టాలో చేసిన కామెంట్లు నెట్టింట వైర‌ల్ అవుతున్నాయి.