ఓజీ.. మరో క్రేజీ బజ్

పవర్ స్టార్ పవన్ కళ్యాణ్ హీరోగా సుజిత్ దర్శకత్వంలో ఓజీ మూవీ తెరకెక్కుతోన్న సంగతి తెలిసిందే. భారీ బడ్జెట్ తో పాన్ ఇండియా లెవల్ లో సిద్ధం అవుతోన్న ఈ సినిమాని డివివి దానయ్య నిర్మిస్తోన్నారు. ఇప్పటికే 50 శాతం షూటింగ్ కంప్లీట్ అయ్యింది. ప్రస్తుతం పవన్ కళ్యాణ్ ఏపీ రాజకీయ వ్యవహారాలలో బిజీగా ఉన్నారు. ఎన్నికలు సమీపిస్తూ ఉండటంతో షూటింగ్ వాయిదా వేశారు.

మే లేదా జూన్ నెలల్లో ఓజీ మూవీ షూటింగ్ మళ్ళీ స్టార్ట్ అయ్యే అవకాశం ఉందనే టాక్ వినిపిస్తోంది. గ్యాంగ్ స్టార్ నేపథ్యంలో ఈ మూవీ కథ తెరకెక్కుతోంది. ఇదిలా ఉంటే ఈ సినిమా రిలీజ్ పై ప్రస్తుతం ఆసక్తికర ప్రచారం జరుగుతోంది. ఈ సినిమాని ఆగష్టు 15న రిలీజ్ చేసే ప్లాన్ లో చిత్ర యూనిట్ ఉందనే టాక్ నడుస్తోంది. నిజానికి ఆ రోజు పుష్ప 2 మూవీ రిలీజ్ డేట్ కన్ఫర్మ్ చేశారు.

పుష్ప 2 మూవీ షూటింగ్ ప్రస్తుతం జరుగుతోంది. ఈ సినిమాని ఆగష్టు 15న రిలీజ్ చేస్తున్నట్లు ఇప్పటికే ప్రకటించారు. అయితే ఈ మూవీ రిలీజ్ లేట్ అయ్యే అవకాశం ఉందని ప్రచారం జరిగింది. దీనిపై తాజాగా చిత్ర యూనిట్ మరోసారి క్లారిటీ ఇచ్చింది. ఆగష్టు 15న మూవీ రిలీజ్ అవుతుందని కన్ఫర్మ్ చేశారు. అయితే ఇప్పుడు ఓజీ కూడా రేసులోకి వచ్చిందని టాక్ వినిపిస్తోంది.

మరి వీటిలో ఏది ముందుగా రిలీజ్ అవుతుందనేది ఇప్పుడు చర్చనీయాంశంగా మారింది. ఈ రెండు సినిమాలు కూడా మెగా ఫ్యామిలీ హీరోల నుంచి వస్తున్నావే. మరి వీటిలో ఏది ముందు వస్తుందనేది చూడాలి. పుష్ప సినిమాపై దేశవ్యాప్తంగా ఆసక్తి నెలకొని ఉంది. అలాగే ఓజీ సినిమా కూడా పవన్ కళ్యాణ్ కెరియర్ లోనే భారీ బడ్జెట్ మూవీగా రాబోతోంది.

సుకుమార్, సుజిత్ ఇద్దరూ కూడా పాన్ ఇండియా దర్శకులే. రెండు సినిమాలు ఒకే సారి వచ్చే అవకాశం అయితే ఉండదు. పుష్ప మూవీ వాయిదా పడితే ఓజీ రిలీజ్ అయ్యే అవకాశం ఉంటుంది. లేదంటే రెండు సినిమాలు వారాల గ్యాప్ లో రిలీజ్ కావడానికి ఛాన్స్ ఉంది.