పవన్ - త్రివిక్రమ్ కాంబో.. నిర్మాత క్లారిటీ ఇచ్చేశాడు

పవన్ కళ్యాణ్ త్రివిక్రమ్ కాంబినేషన్ పై అంచనాలు ఏ స్థాయిలో ఉన్నాయో ప్రత్యేకంగా చెప్పనవసరం లేదు. మరోసారి ఈ కాంబినేషన్లో అదిరిపోయే సినిమా చూడాలని ఫ్యాన్స్ అయితే ఎంతో ఆశగా ఎదురు చూస్తున్నారు. ముఖ్యంగా అజ్ఞాతవాసి సినిమా గాయాన్ని మర్చిపోయేలా త్రివిక్రమ్ పవన్ కళ్యాణ్ కు బలమైన సక్సెస్ ఇవ్వాలి అని కోరుకుంటు ఉన్నారు. గతంలో వీరి కలయికలో వచ్చిన జల్సా - అత్తారింటికి దారేది సినిమాలు బాక్సాఫీస్ వద్ద ఊహించని రికార్డులు క్రియేట్ చేశాయి.

ఇక తర్వాత వచ్చిన అజ్ఞాతవాసి అంచనాల స్థాయిని అమాంతంగా పెంచేసింది. కానీ సినిమా మాత్రం దారుణంగా డిజాస్టర్ అయింది. ఇక ఆ బాధను ఫాన్స్ అయితే ఇంకా మర్చిపోలేదు. ఎవరైనా స్టార్ హీరో డిజాస్టర్ అందుకుంటే చాలు అప్పుడు అత్యధిక నష్టాలు కలిగించిన సినిమాలలో అజ్ఞాతవాసి ఒకటి అనే ప్రస్తావన వస్తూ ఉంటుంది.

అయితే త్రివిక్రమ్ కూడా పవన్ కళ్యాణ్ తో సినిమా చేయాలని ఆలోచనతో ఉన్నాడు. ఇక భీమ్లా నాయక్ సినిమాకు కేవలం కథ అందించిన త్రివిక్రమ్ పవన్ కళ్యాణ్ ను డైరెక్షన్ చేస్తే ఇంకా బాగుంటుంది అని ఫ్యాన్స్ కోరుకుంటున్నారు. ఇక ఈ కాంబినేషన్ పై ఇటీవల నిర్మాత విశ్వప్రసాద్ క్లారిటీ ఇచ్చే ప్రయత్నం చేశారు. రీసెంట్ గా పవన్ కళ్యాణ్ పీపుల్స్ మీడియా ఫ్యాక్టరీలో బ్రో సినిమా చేసిన విషయం తెలిసిందే.

ఆ సినిమాకు కూడా త్రివిక్రమ్ మాటలు అందించారు. అయితే ఇటీవల ఈగల్ సినిమాకు సంబంధించిన ప్రమోషన్లో నిర్మాత విశ్వప్రసాద్ పవన్ కళ్యాణ్ త్రివిక్రమ్ కాంబినేషన్ పై క్లారిటీ ఇచ్చే ప్రయత్నం చేశారు. ఇదివరకే తాము ఈ విషయంపై ప్లాన్ చేశాము అని వారి నుంచి గ్రీన్ సిగ్నల్ లభిస్తే మాత్రం వెంటనే ప్రాజెక్టును మొదలుపెట్టడానికి సిద్ధంగా ఉన్నామని కూడా ఆయన వివరణ ఇచ్చారు.

నిర్మాత అయితే సిద్ధంగా ఉన్నట్లు మరోసారి క్లారిటీ వచ్చేసింది. ఇక త్రివిక్రమ్ సరైన కథతో పవన్ కళ్యాణ్ ను పర్ఫెక్ట్ గా ప్రజెంట్ చేయగలిగితే బాక్సాఫీస్ వద్ద రికార్డులు బ్రేక్ అవ్వడం పక్క అని చెప్పవచ్చు. ఇక త్రివిక్రమ్ ఇటీవల గుంటూరు కారం సినిమాతో అనుకున్నంత స్థాయిలో సక్సెస్ అందుకోలేకపోయారు. ఇక ప్రస్తుతం అల్లు అర్జున్ కోసం కథను సిద్ధం చేస్తున్నట్లు టాక్ వినిపిస్తోంది. అలాగే మరొక మీడియం రేంజ్ హీరోలతో మల్టీస్టారర్ సినిమా కూడా చేసే అవకాశం ఉందని ఇటీవల కథనాలు వెలుపడ్డాయి. మరి త్రివిక్రమ్ పవన్ ప్రాజెక్ట్ ఎప్పుడు తెరపైకి వస్తుందో చూడాలి.