పెదకాపు కోసం కేటీఆర్.. స్టార్ డైరెక్టర్స్?

ప్రముఖ టాలీవుడ్ డైరెక్టర్ శ్రీకాంత్ అడ్డాల దర్శకత్వంలో వస్తున్న తాజా చిత్రం పెద కాపు. ఈ మూవీ విడుదలకు దగ్గరపడింది. ఇప్పటికే ఈ మూవీ ఫస్ట్ లుక్ పోస్టర్లు, ట్రైలర్లతో అంచనాలు భారీగా పెంచేసింది. ఈ మూవీతో విరాట్ కర్ణ హీరోగా పరిచయం అవుతున్నాడు. ప్రముఖ నిర్మాత మిర్యాల రవీందర్ రెడ్డి అల్లుడే ఈ విరాట్ కృష్ణ.

కాగా, శ్రీకాంత్ అడ్డాల తన గత సినిమాల స్టైల్ ని పూర్తిగా మార్చి, డిఫరెంట్ కాన్సెప్ట్ తో ప్రేక్షకుల ముందుకు వస్తున్న సినిమా ఇది. దీంతో, అంచనాలు మరింత పెరిగాయి. ఇది రాజకీయ నేపథ్యంలో ఈ మూవీ సాగుతోంది అనే విషయం ఇప్పటికే అర్థమైంది. మూవీ విడుదల దగ్గరపడుతుండటంతో, ప్రీ రిలీజ్ ఫంక్షన్ చేయాలని భావిస్తున్నారు. అయితే, చీఫ్ గెస్ట్ గా తెలంగాణ మంత్రి కేటీఆర్ వస్తున్నట్లు తెలుస్తోంది.

ఇప్పటికే, మూవీ టీమ్ కి వెళ్లి మంత్రి కేటీఆర్ ని అడిగారట. ఈ ఫంక్షన్ కి రావడానికి ఆయన కూడా అంగీకరించినట్లు తెలుస్తోంది. ఇక, కేటీఆర్ తో పాటు మరి కొందరు సినీ ప్రముఖులను కూడా ఆహ్వానించాలని అనుకుంటన్నారట. ఆ ప్రముఖుల్లో దర్శక ధీరుడు రాజమౌళి, సుకుమార్, త్రివిక్రమ్ లాంటివారు కూడా ఉన్నారు. అయితే, వీరి రాక అయితే ఇంకా కన్ఫామ్ కాలేదు. కానీ, వారిని కూడా తీసుకువచ్చేందుకు మూవీ టీమ్ గట్టిగా ప్రయత్నాలు చేస్తున్నట్లు తెలుస్తోంది. మరి వారు వస్తారో లేదో చూడాలి.ఇక, ఈ సినిమా

ఇక, ఈ పెదకాపు మూవీ ని ద్వారకా క్రియేషన్స్‌ తెరకెక్కిస్తోంది. మిర్యాల సత్యనారాయణ రెడ్డి సమర్పణలో మిర్యాల రవీందర్ రెడ్డి నిర్మిస్తున్నారు. ఇందులో విరాట్ కర్ణ, ప్రగతి శ్రీవాస్తవ జంటగా నటిస్తున్నారు. వీరిద్దరికీ ఇదే తొలి సినిమా కావడం విశేషం.

మిక్కీ జే మేయర్ ఈ మూవీకి సంగీతం అందిస్తున్నారు. శ్రీకాంత్ అడ్డాల ఈ మూవీలో విలన్ పాత్ర పోషించడం సినిమాకు అదనపు ఆకర్షణ. చివరగా, శ్రీకాంత్ అడ్డాల వెంకటేష్ తో కలిసి నారప్ప తో ప్రేక్షకుల ముందుకు వచ్చారు. ఆ తర్వాత వస్తున్న సినిమా ఇదే. కాగా, మరి ఈ మూవీ ఎంత వరకు ఆకట్టుకుంటుందో చూడాలి.