నా చుట్టూ ఉన్న వాళ్లే నన్ను మోసం చేశారు

సింగర్‌ సునీత గురించి ప్రత్యేకంగా తెలుగు సినీ ప్రేక్షకులకు పరిచయం అక్కర్లేదు. హీరోయిన్‌ రేంజ్ అందం అంటూ ఆమెను గొంతుతో పాటు అందాన్ని కూడా అభిమానించే వారు చాలా మంది ఉన్నారు. సునీత చిన్న వయసులోనే చాలా కష్టాలు ఎదుర్కొన్నారు. ఫ్యామిలీ ఇష్యూస్ వల్ల 17 ఏళ్ల వయసులోనే పెళ్లి చేసుకుని చిన్న వయసులోనే ఇద్దరు పిల్లలకు తల్లి అయింది.

ఇద్దరు పిల్లలను చూసుకుంటూ, భర్తతో ఇబ్బందులు పడుతూ తన కుటుంబం ను ఆర్థిక సమస్యల నుంచి బయటకు తీసుకు రావడానికి ఆమె పడ్డ కష్టం అంతా ఇంతా కాదు. ఆ విషయాలను సునీత చాలా సార్లు చాలా ఇంటర్వ్యూలో చెప్పింది. 35 ఏళ్ల వయసు వరకు అంటే దాదాపుగా 20 ఏళ్లు ఆమె తీవ్రమైన ఇబ్బందులు ఎదుర్కొంటూనే ఉంది.

ఈ మధ్య కాలంలో ఆమె పిల్లలు మరియు వ్యక్తిగత విషయాల వల్ల కాస్త సంతోషంగా ఉందట. చిన్న వయసులోనే కెరీర్‌ లో మంచి గుర్తింపు దక్కింది, ఉన్నత స్థాయికి చేరుకోగలిగాను. కానీ నా చుట్టు ఉన్న వారు మోసం చేయడంతో చాలా ఇబ్బందులు ఎదుర్కొన్నాను. కెరీర్‌ పరంగా మరియు ఆర్థిక విషయాల పరంగా నేను మోస పోయాను అంది.

స్టూడియో లోకి అడుగు పెట్టే సమయంలో నా వ్యక్తిగత జీవితం గురించి పూర్తిగా మర్చి పోతాను. ఎలాగైతే గుడిలోకి వెళ్లేప్పుడు చెప్పులు వదిలేస్తామో అలాగే స్టూడియోలో నేను చాలా ప్రశాంతంగా ఉండేందుకు ప్రయత్నిస్తాను. అందుకే నా పాటలపై నా వ్యక్తిగత జీవిత ప్రభావం లేదని సునీత పేర్కొంది.

సునీత సింగర్‌ గానే కాకుండా డబ్బింగ్‌ ఆర్టిస్ట్‌ గా కూడా సక్సెస్ అయింది. అలాంటి అద్భుతమైన గొంతు ఉన్న సునీత ను చాలా మంది గొంతు సరిగా లేదు అంటూ కెరీర్‌ ఆరంభంలో విమర్శించారట. వారంతా కూడా ఇప్పుడు సునీత పాటకు ఫ్యాన్స్ అయ్యి ఉంటారేమో.