ఫ్లాప్స్.. రౌడి ఎంత లైట్ తీసుకున్నాడంటే

విజయ్ దేవరకొండ, సమంత జంటగా నటించిన తాజా చిత్రం ఖుషీ. ఈ మూవీ త్వరలోనే ప్రేక్షకుల ముందుకు రానుంది. కాగా, ఈ రోజు ఈ మూవీ ట్రైలర్ లాంఛ్ ఈవెంట్ నిర్వహించారు. ప్రేక్షకులు ఎంతో ఆసక్తిగా ఎదురుచూస్తున్న ట్రైలర్ ని తాజాగా విడుదల చేశారు. ట్రైలర్ ఇప్పుడు నెట్టింట ట్రెండింగ్ గా మారింది.

అయితే, ఈ ఖుషీ మూవీ పుణ్యమా అని చాలా కాలం తర్వాత విజయ్ దేవర కొండకు మైక్ దొరికింది. నిజానికి లైగర్ మూవీ తర్వాత మీడియాతో మాట్లాడటానికి కూడా ఆయన ఆసక్తి చూపించలేదు. మధ్యలో తన తమ్ముడు బేబీ సినిమా సమయంలో మీడియాతో ఇంటారాక్ట్ అయినా, అది కేవలం ఆ మూవీ గురించి మాత్రమే స్పందించాడు. కాగా, చాలా కాలం తర్వాత ఆయన ఈరోజు తన గత సినిమాల గురించి స్పందించాడు.

లైగర్ మూవీ పక్కా హిట్ అవుతుందని చాలా ఆశలుపెట్టుకున్నాడు. పాన్ ఇండియా రేంజ్ గుర్తింపు వస్తుందని అనుకున్నాడు. కానీ, ఆ మూవీ ప్లాప్ అవ్వడం గట్టిగానే దెబ్బేసింది. అయితే, ఖుషీ ట్రైలర్ లాంచ్ ఈవెంట్ లో లైగర్ ప్లాప్ అయ్యిందని అంగీకరించాడు. లైగర్ ఆడలేదనే మాట వాస్తవమేనని, తాను అంతకు ముందు పరాజయాలు చూశాను ఇకపై కూడా హిట్లు ఫ్లాపులు చూస్తానని చెప్పడం విశేషం. సినిమా అన్న తర్వాత హిట్, ప్లాప్ కామన్ అనే విషయాన్ని చెప్పకనే చెప్పాడు.

ఇదిలా ఉండగా, ఖుషీ ట్రైలర్ చూసిన తర్వాత ఇదొక ప్రేమ కథ అనే విషయం స్పష్టంగా అర్థమౌతోంది. అయితే, పాటలు చూసినప్పుడు చాలా మందికి సందేహాలు కలిగాయి. సమంత ముస్లిం లేక, హిందూ నా అని, ఈ విషయంలో ట్రైలర్ లో క్లారిటీ వచ్చింది. పక్కా బ్రాహ్మిణ్ అమ్మాయిని, క్రిస్టియన్ అబ్బాయి ప్రేమించి పెళ్లి చేసుకుంటాడు. తర్వాత ఏమైంది అనేది కథ. వారి పెళ్లికి ఇరు కుటుంబాలు అంగీకరించకున్నా, పెళ్లి చేసుకున్న ఈ జంట ఎలాంటి సమస్యలు ఎదుర్కొందో చూడాలంటే మూవీ చూడాల్సిందే. ఈ ట్రైలర్ చూసిన తర్వాత టూ స్టేట్స్ సినిమా ఛాయలు కొంచెం కనిపించాయి.

ఇక, ఈ మూవీని పాన్ ఇండియా లెవల్ లో విడుదల చేస్తున్నారు. ఈ ఈవెంట్ కి కూడా అన్ని భాషల మీడియా వారు రావడం విశేషం. ఇక ఈ ఈవెంట్ కి సమంత వస్తుందని అందరూ ఆశపడ్డారు. కానీ, సమంత లేకుండానే విజయ్, డైరెక్టర్ శివ నిర్వాణ ఈ వెంట్ ని హ్యాండిల్ చేశారు.