లీకులిస్తున్నారా?..లేక చ‌ర‌ణ్ ఫ్యాన్స్‌తో మైండ్ గేమ్ ఆడుతున్నారా?

ఈ మ‌ధ్య సినిమా ప్ర‌మోష‌న్స్ కోసం చాలా వ‌ర‌కు మేక‌ర్స్‌, డైరెక్ట‌ర్స్ ఎంత హైప్‌ని క్రియేట్ చేయాలో అంతా చేయ‌డానికి వెనుకాడ‌టం లేదు. పాన్ ఇండియా వైడ్‌గా సినిమాల మార్కెట్ పెరిగిన నేప‌థ్యంలో కొత్త ట్రిక్‌లు ప్లే చేస్తూ త‌మ సినిమాల‌కు భారీ హైప్‌ని క్రియేట్ చేసుకుంటున్నారు. సోష‌ల్ మీడియా వేదిక‌గా త‌మ సినిమాల‌కు సంబంధించిన అప్ డేట్‌లు, లీకులు ఇచ్చేస్తూ అభిమానుల్లో చ‌ర్చ‌కు తెర తీస్తున్నారు. దీని ద్వారా భారీ ఓపెనింగ్స్‌ని రాబ‌ట్టొచ్చ‌ని ప్లాన్ చేసుకుంటున్నారు. తాజాగా ఇదే ప్లాన్‌ని 'లియో' టీమ్ వేసిందా? అనే అనుమానాలు వ్య‌క్త‌మ‌వుతున్నాయి.

ద‌ళ‌ప‌తి విజ‌య్ న‌టించిన గ్యాంగ్ స్ట‌ర్ యాక్ష‌న్ డ్రామా 'లియో'. లోకేష్ క‌న‌గ‌రాజ్ సినిమాటిక్ యూవ‌ర్స్‌లో భాగంగా తెర‌కెక్కించిన ఈ సినిమా అక్టోబ‌ర్ 19న భారీ స్థాయిలో రిలీజ్ కాబోతోంది. ఈ సినిమాలో చ‌ర‌ణ్ 'విక్ర‌మ్‌'లో సూర్య త‌ర‌హాలో గెస్ట్ క్యారెక్ట‌ర్ చేస్తున్నారంటూ ప్ర‌చారం జ‌రుగుతోంది. దీనిపై రెండు మూడు రోజులుగా చ‌ర‌ణ్ ఫ్యాన్స్ మ‌ధ్య భారీ చ‌ర్చే జ‌రుగుతోంది. కానీ అది ప్ర‌చారం మాత్ర‌మేన‌ని, అందులో ఎలాంటి నిజం ఉండే అవ‌కాశం లేద‌ని ఇన్ సైడ్ టాక్‌.

క‌మ‌ల్ హాస‌న్‌తో లోకేష్ క‌న‌గ‌రాజ్ తెర‌కెక్కించి యాక్ష‌న్ థ్రిల్ల‌ర్‌ డ్రామా 'విక్ర‌మ్‌'. డ్ర‌గ్స్ కింగ్ పిన్‌ని ప‌ట్టుకునే క్ర‌మంలో బ్లాక్ స్క్వాడ్ క‌మాండ‌ర్ ఏం చేశాడు? . ఈ క్ర‌మంలో ఎలాంటి అవ‌రోధాల్ని అత‌ను, అత‌ని టీమ్ ఎదుర్కొంది? అనే క‌థ‌తో 'విక్ర‌మ్‌'ని రూపొందించారు. ఎండింగ్‌లో రోలెక్స్ పాత్ర‌లో డ్ర‌గ్ కింగ్ పిన్‌గా సూర్య టెర్రిఫిక్ ఎంట్రీ సినిమాకు ప్ర‌ధాన హైలైట్‌గా నిలిచింది. అత‌న్ని ప‌ట్టుకోవ‌డానికి విక్ర‌మ్ ఎంట్రీ ఇవ్వ‌డం.. ఆ త‌రువాత క‌థ‌లోకి ఢిల్లీ (కార్తి ఖైదీ) రంగ ప్ర‌వేశం చేస్తార‌ని ఎండింగ్‌లో చూపించారు.

ఇక క‌మ‌ల్ మ‌న‌వ‌డితో విదేశాల‌కు వెళ్లిపోవ‌డం, అక్క‌డ అత‌న్ని పెంచ‌డం మ‌రో క‌థ‌. ఆ పాత్ర‌లో రామ్ చ‌ర‌ణ్ ఈ ఎల్ సీయూ వ‌ర‌ల్డ్ లోకి ఎంట్రీ ఇస్తాడ‌ని, దాన్ని 'విక్ర‌మ్ 2'లో చూపిస్తారని కూడా వార్త‌లు వినిపించాయి. అయితే తాజాగా విజ‌య్ 'లియో' రిలీజ్‌కు సిద్ధ‌మైన నేప‌థ్యంలో ఈ మూవీలోనే చ‌ర‌ణ్ క‌నిపిస్తాడ‌ని, గెస్ట్ క్యారెక్ట‌ర్‌లో అప్పియ‌రెన్స్ ఇస్తాడ‌ని సోష‌ల్ మీడియాలో ప్ర‌చారం మొద‌లైంది. క‌థ ప్ర‌కారం అలా జ‌రిగే ఛాన్సే లేదు. కానీ 'లియో'లో రామ్ చ‌ర‌ణ్ గెస్ట్ పాత్ర‌లో క‌నిపించ‌నున్నాడ‌ని ప్ర‌చారం చేస్తున్నారు.

సినిమాకు హైప్‌ని పెంచేసిన భారీ ఓపెనింగ్స్‌ని రాబ‌ట్టాల‌నే స్ట్రాట‌జీలో భాగంగానే 'లియో'లో చ‌ర‌ణ్ ఉన్నాడ‌నే లీకులు ఇస్తున్నార‌ని, ఇందులో ఎలాంటి నిజం లేద‌ని ట్రేడ్ వ‌ర్గాలు అంటున్నాయి. తెలుగులో ఈ సినిమాపై హైప్‌ని క్రియేట్ చేయ‌డం కోస‌మే చ‌ర‌ణ్ ఫ్యాన్స్‌తో కొంత మంది మైండ్ గేమ్ ఆడుతున్నార‌ని కొట్టి పారేస్తున్నారు. ఇంత జ‌రుగుతున్నా 'లియో' టీమ్ నుంచి ఎలాంటి ప్ర‌క‌ట‌న‌, ఖండ‌న రాక‌పోవ‌డం అనుమానాల‌కు తావిస్తోంది.