రెండున్న‌రేళ్ల త‌ర్వాత బుట్టబొమ్మ బ‌రిలోకి!
ప్ర‌స్తుతం ద‌ళ‌ప‌తి విజ‌య్ 69వ చిత్రంలో హీరోయిన్ గా ఎంపికైన సంగ‌తి తెలిసిందే. సినిమా షూటింగ్ కూడా ఇప్ప‌టికే ప్రారంభ‌మైంది.
By: Tupaki Desk | 26 Nov 2024 11:30 AM GMT
ముంబై బ్యూటీ పూజాహెగ్డే మ‌ళ్లీ సౌత్ లో కంబ్యాక్ అవుతోన్న సంగ‌తి తెలిసిందే. ఎంత వేగంగా సౌత్ ని వ‌దిలి నార్త్ కి వెళ్లిందో? అంతే వేగంగా మ‌ళ్లీ తిరిగొచ్చింది. బాలీవుడ్ లో ప‌రాజ‌యాలు అమ్మ‌డినికి బ్యాక్ టూ పెవిలీయ‌న్ అనిపించాయి. ల‌క్కీగా కోలీవుడ్...టాలీవుడ్ లో అవ‌కాశాలు వ‌చ్చాయి. సాధార‌ణంగా ఇలా వెళ్లిన హీరోయిన్ కి ఛాన్సులు రావు. ఆవిష‌యంలో అమ్మ‌డు ఎంతో ల‌క్కీ అనే చెప్పాలి. ఇక అమ్మ‌డు త‌మిళ్ లో రెండున్న‌రేళ్ల త‌ర్వాత మ‌ళ్లీ మ్యాక‌ప్ వేసుకుంది.
ప్ర‌స్తుతం ద‌ళ‌ప‌తి విజ‌య్ 69వ చిత్రంలో హీరోయిన్ గా ఎంపికైన సంగ‌తి తెలిసిందే. సినిమా షూటింగ్ కూడా ఇప్ప‌టికే ప్రారంభ‌మైంది. విజ‌య్ లేని స‌న్నివేశాలు చిత్రీక‌రిస్తున్నారు. తాజాగా పూజాహెగ్డే కూడా టీమ్ తో జాయిన్ అయింది. నిన్న‌టి నుంచి టీమ్ తో క‌లిసి ప‌నిచేస్తుంది. విజ‌య్ సినిమా త‌ర్వాతే బాలీవుడ్ కి వెళ్లిపోయింది. మ‌ళ్లీ అదే విజ‌య్ సినిమాతో కంబ్యాక్ అవుతోంది. విజ‌య్ హీరోగా న‌టించిన `బీస్ట్` లో అమ్మ‌డు న‌టించిన సంగ‌తి తెలిసిందే.
ఆ సినిమా రిలీజ్ అయి రెండున్న‌రేళ్లు అవుతుంది. ఆ త‌ర్వాత మ‌ళ్లీ కోలీవుడ్ సినిమా చేయ‌లేదు. బాలీవుడ్ లో బిజీగా ఉండ‌టంతో ఇక్క‌డి సినిమాల‌పై ఫోక‌స్ పెట్ట‌లేదు. అలా కోలీవుడ్ కి దూర‌మైన పూజా మ‌ళ్లీ అదే విజ‌య్ సినిమాతో కంబ్యాక్ అవ్వ‌డం విశేషం. ఈసినిమాలో అవ‌కాశం రావ‌డం ప‌ట్ల విజ‌య్ కూడా కీల‌క పాత్ర పోషించిన‌ట్లు తెలుస్తోంది. `బీస్డ్` లో అమ్మ‌డి పెర్పార్మెన్స్ న‌చ్చ‌డంతోనే ద‌ర్శ‌కుడు హెచ్. వినోధ్ పూజాహెగ్డే పేరును ప‌రిశీలిం చ‌మ‌ని సూచించారు.
అందులో న‌ట‌న‌తో పాటు, డాన్సుల్లోనూ బాగా చేసింది. దీంతో వినోధ్ కూడా పూజాని ఫైనల్ చేసారు. ఇటీవ‌లే సూర్య 44వ చిత్రానికి కూడా క‌మిట్ అయింది. ఇటు తెలుగులోనూ పూజాహెగ్డే కొన్ని సినిమాల‌కు సైన్ చేసిన సంగ‌తి తెలిసిందే. నాగ‌చైత‌న్య, సాయితేజ్ హీరోలుగా న‌టిస్తున్న కొత్త చిత్రాల్లో బుట్ట‌బొమ్మ‌నే హీరోయిన్.
