వీడియో: ఆద‌మ‌రిచి క‌ల‌లుగంటున్న పూజా
ఆహ్లాద‌క‌రంగా అలా మైమ‌రిచి నిదుర‌పోతున్న పూజా పొట్టి దుస్తుల్లో ఎంతో రోమాంచితంగా క‌నిపిస్తోందంటూ అభిమానులు కామెంట్ చేస్తున్నారు.
By: Tupaki Desk | 12 Oct 2023 5:22 PM GMT
పూజా హెగ్డే క‌నిపించ‌డం లేదు. ఇటీవల టాలీవుడ్ స‌ర్కిల్స్ నుంచి మిస్స‌యిన ఈ బ్యూటీ ఇప్పుడు ఏం చేస్తోందో కూడా జాడ లేదు. DJ: దువ్వాడ జగన్నాధం-మహర్షి-అల వైకుంఠపురములో వంటి బ్లాక్ బ‌స్ట‌ర్ల‌లో న‌టించింది ఈ బ్యూటీ. కానీ కొద్ది కాలంగా టాలీవుడ్ లో మిస్స‌యింది. దీనికి ఆజ్యం పోస్తూ ఇప్పుడు తాను అన్ అవైల‌బుల్ అని చెబుతూ సోష‌ల్ మీడియాలో ఒక ఫోటోని షేర్ చేసింది.
ఆస‌క్తిక‌రంగా ఈ బ్యూటీ ముంబైలో ఒక ప్ర‌ముఖ యువ క్రికెటర్‌కి స‌న్నిహితురాలైంద‌ని ఇంత‌కుముందు క‌థ‌నాలొచ్చాయి. త‌న‌తో పూజా వివాహం జరగబోతోందనే ఊహాగానాలు సాగాయి. అభిమానుల్లో దీనిపై బోలెడంత చర్చ సాగింది.
అయితే అవ‌న్నీ పుకార్లుగానే ఇప్ప‌టికీ భావించాల్సి వ‌స్తోంది. పూజా హెగ్డే ఒక క్రికెటర్‌తో లింక్ అప్ అవ్వ‌డం ఇదే మొదటిసారి కాదు. ఇంత‌కుముందు కర్ణాటకకు చెందిన క్రికెటర్ ని పూజా వివాహం చేసుకోవాలని భావిస్తున్న‌ట్టు క‌థ‌నాలొచ్చాయి. కానీ తరువాత ఆమె ఆ వార్త‌లు అవాస్త‌వ‌మ‌ని తెలిపింది.
పూజా వ్యక్తిగత జీవితంపై ఊహాగానాలు సాగుతున్నా కానీ, ఇటీవల వృత్తిపరమైన వైఫల్యాలను ఎదుర్కొంటోంది. టాలీవుడ్ కోలీవుడ్ లో పాన్-ఇండియా ప్రాజెక్ట్‌లన్నీ ఫ్లాపుల‌య్యాయి. రాధేశ్యామ్-ఆచార్య-స‌ర్క‌స్-బీస్ట్- కిసీ కా భాయ్ కిసీ కి జాన్ ఇవ‌న్నీ ఫ్లాపుల‌య్యాయి. దీనికి తోడు మ‌హేష్ - త్రివిక్ర‌మ్ కాంబినేష‌న్ లోని గుంటూరు కారం అవ‌కాశాన్ని పూజా కోల్పోవ‌డం బ్యాడ్ లక్. కార‌ణం ఏదైనా కానీ పూజా తెలుగు సినీస‌ర్కిల్స్ నుంచి మిస్స‌యింది.
అయితే యాధృచ్ఛికంగానే ప్ర‌స్తుతం తాను అందుబాటులో లేన‌ని చెబుతూ ఒక ఆస‌క్తిక‌ర వీడియోని షేర్ చేసింది. ఇది బులుగు జిలుగు స‌ముద్ర తీరంలో పూల్ సైడ్ సేద దీరుతున్న అంద‌మైన లుక్ కావ‌డంతో అంత‌టా వైర‌ల్ గా మారుతోంది. ఆహ్లాద‌క‌రంగా అలా మైమ‌రిచి నిదుర‌పోతున్న పూజా పొట్టి దుస్తుల్లో ఎంతో రోమాంచితంగా క‌నిపిస్తోందంటూ అభిమానులు కామెంట్ చేస్తున్నారు.
ప్ర‌స్తుతం ఈ వీడియో అంత‌ర్జాలంలో వైర‌ల్ గా మారింది. నిజంగానే పూజా మిస్స‌యిన‌ట్టే క‌నిపిస్తోంది. సుదూర తీరంలోని ఒంట‌రి దీవుల‌కు ప్రియుడితో జంప్ అయిపోయిందేమో! అనే సందేహాల్ని రేకెత్తిస్తోంది.
