అక్కడ ఓకే మరి ఇక్కడ పాపని పట్టించుకోరేంటి..?

పాన్ ఇండియా లెవెల్ లో సత్తా చాటుతున్న తెలుగు సినిమాల్లో ఛాన్సుల కోసం అందరు ఎదురుచూస్తున్నారు. ఆల్రెడీ ఇక్కడ స్టార్ డం తెచ్చుకుని ఈమధ్య కాస్త ఫాం కోల్పోయిన హీరోయిన్స్ కూడా మళ్లీ తెలుగులో అవకాశాలు సాధించాలనే గురితో ఉన్నారు. అలాంటి వారిలో బుట్ట బొమ్మ పూజా హెగ్దే లిస్ట్ లో ఫస్ట్ ఉంటుంది. మొన్నటిదాకా తనకు తిరుగు లేదు అనే రేంజ్ లో టాలీవుడ్ లో వరుస ఆఫర్లు అందుకున్న అమ్మడు సడెన్ గా ఖాళీ అయిపోయింది. దాని వెనక కారణాలు ఏంటన్నది తెలియదు కానీ ఒకప్పుడు పూజా హీరోయిన్ గా కావాలని అనుకున్న వారంతా ఇప్పుడు పూర్తిగా ఆమెను అవైడ్ చేస్తున్నారు.

గుంటూరు కారం సినిమా నుంచి పూజా హెగ్దే ఎగ్జిట్ అవ్వడమే ఆమెను టాలీవుడ్ కి దూరం చేసిందని చెబుతున్నా అది కాకపోతే మరో ఛాన్స్ అయినా రావాలిగా అని అంటున్నారు. ఐతే తెలుగులో ఆఫర్లు రాకపోయినా పూజాకి బాలీవుడ్, కోలీవుడ్ నుంచి అవకాశాలు వస్తున్నాయి. హిందీలో ఆల్రెడీ ఒక సినిమాకు సైన్ చేసిన పూజా బేబీ కోలీవుడ్ లో కూడా సూర్య సినిమాలో ఛాన్స్ అందుకుంది.

తెలుగులో తప్పితే పూజాకు అక్కడ బాగానే ఆఫర్లు వస్తున్నా అమ్మడు మాత్రం తెలుగులో ఒక్క ఛాన్స్ అంటున్నట్టు తెలుస్తుంది. ఐతే నాగ చైతన్య నెక్స్ట్ సినిమాలో పూజా హెగ్దేని తీసుకునే అవకాశాలు ఉన్నట్టు చెబుతున్నారు. అదే జరిగితే మాత్రం పూజా హెగ్దేకి మళ్లీ లక్కీ ఛాన్స్ వచ్చినట్టే అని చెప్పొచ్చు. ఈసారి అవకాశం వస్తే తనని మళ్లీ మళ్లీ తీసుకునేలా రెచ్చిపోయేందుకు సిద్ధమైంది పూజా హెగ్దే.

ఇప్పటికే ఆఫర్లు తగ్గాయి అనిపించిన ప్రతిసారి సోషల్ మీడియాలో ఫోటో షూట్స్ తో రెచ్చిపోతున్న పూజా హెగ్దే బాలీవుడ్, కోలీవుడ్ నుంచి అవకాశాలు వస్తున్నా తన ఫోకస్ మాత్రం టాలీవుడ్ మీదే పెట్టింది. మరి అమ్మడు ఇంతగా ఎదురుచూస్తున్న ఆ అవకాశాన్ని ఎవరు ఇస్తారన్నది చూడాలి. పూజా హెగ్దే నెక్స్ట్ తెలుగు సినిమా కోసం ఆమెను అభిమానించే మన ఆడియన్స్ కూడా ఎగ్జైటింగ్ గా ఉన్నారు. స్టార్ ఛాన్సులు కాకపోయినా టైర్ 2 హీరోల సినిమాలు వచ్చినా చేసేందుకు రెడీ అంటుంది పూజా హెగ్దే. కోలీవుడ్ లో మాత్రం సూర్య సినిమాకు ఓకే అవ్వగానే మరో రెండు సినిమాలు డిస్కషన్ లో ఉన్నాయని తెలుస్తుంది.