బుట్టబొమ్మకి ఎట్టకేలకు ఓ బిగ్‌ ఛాన్స్‌

టాలీవుడ్ లో దాదాపు స్టార్ హీరోలు అందరితో కూడా నటించిన ముద్దుగుమ్మ పూజా హెగ్డే. ఒకానొక సమయంలో స్టార్ హీరోలకు సైతం డేట్స్ ఇవ్వలేనంత బిజీగా కెరియర్ ని కొనసాగించిన హాట్ బ్యూటీ పూజా హెగ్డే ప్రస్తుతం చేతిలో ఒక్క ఆఫర్ కూడా లేక పోవడంతో దిక్కులు చూడాల్సిన పరిస్థితి.

సూపర్ స్టార్ మహేష్ బాబు హీరోగా త్రివిక్రమ్ దర్శకత్వంలో రూపొందుతున్న గుంటూరు కారం సినిమాలో హీరోయిన్ గా ఎంపిక అయి కొన్ని రోజులు షూటింగ్ లో కూడా పాల్గొన్న తర్వాత పూజా హెగ్డేను తొలగించడం జరిగింది. ఆ స్థానంలో కొత్త హీరోయిన్ శ్రీ లీలను ఎంపిక చేయడంతో పూజా హెగ్డే పని అయిపోయిందని అంతా భావించారు.

ఆ మధ్య హరీష్‌ శంకర్ దర్శకత్వంలో పవన్ కళ్యాణ్ హీరో గా రుపొందుతున్న ఉస్తాద్‌ భగత్ సింగ్ సినిమాలో కూడా పూజా హెగ్డే ని హీరోయిన్ గా అనుకున్నారు. కానీ ఆ సినిమా నుంచి కూడా ఈ ముద్దుగుమ్మని తొలగించారని తెలుస్తోంది.

మొత్తానికి చేతిలో ఒక్క ఆఫర్ లేక పోవడంతో పూజ హెగ్డే కనుమరుగవు పోతుందేమో అని అంత భావిస్తున్నారు. అయితే సోషల్ మీడియాలో తన హాట్ ఫోటో షూట్స్ ఇంకా బాలీవుడ్ పరిచయాల కారణంగా షాహిద్ కపూర్ కి జోడిగా ఒక బడా చిత్రంలో నటించే అవకాశం దక్కించుకుంది.

మలయాళ చిత్ర దర్శకుడు ఆండ్రూస్ దర్శకత్వంలో షాహిద్ కపూర్ హీరోగా రూపొందబోతున్న సినిమాలో పూజా హెగ్డే దాదాపుగా కన్ఫర్మ్ అయిందని హిందీ మీడియా వర్గాల ద్వారా కూడా సమాచారం అందుతుంది.

వచ్చే నెల నుండి రెగ్యులర్ షూటింగ్ ప్రారంభించి కేవలం మూడు నెలల్లోనే సినిమాను పూర్తి చేసి వచ్చే ఏడాది సమ్మర్ లో ప్రేక్షకుల ముందుకు తీసుకు వచ్చేలా ప్లాన్ చేస్తున్నారు. షాహిద్ కపూర్ తో పూజా హెగ్డే నటించబోతున్న సినిమా మంచి విజయాన్ని సొంతం చేసుకుంటే ఖచ్చితంగా బాలీవుడ్ తో పాటు మళ్ళీ సౌత్ లో కూడా పూజా హెగ్డే సందడి మూడు నాలుగు సంవత్సరాలు కనిపించే అవకాశాలు ఉన్నాయి.

ఒకవేళ మహేష్ బాబు, పవన్ కళ్యాణ్ సినిమాల మాదిరిగానే షాహిద్ కపూర్ సినిమా కూడా చివరి నిమిషంలో చేజారితే పూజా హెగ్డే ఇక కోలుకోవడం కష్టమే అంటూ సోషల్ మీడియాలో కొందరు కామెంట్స్ చేస్తున్నారు.