ఇలాంటి రికార్డు పవన్ కి మాత్రమే సొంతం..!

పవన్ స్టార్ పవన్ కళ్యాణ్ సినిమా అంటే ఎంత క్రేజ్ ఉంటుందో స్పెషల్ గా చెప్పక్కర్లేదు. ఆయన వరసగా సినిమాలు చేయాలి అని ఫ్యాన్స్ ఎదురుచూస్తూ ఉంటారు. నిజానికి మధ్యలో కొంతకాలం పవన్ అసలు సినిమాలు వదిలేద్దాం అనుకున్నారు. కానీ, ఫ్యాన్స్ కోసమే ఆయన మూవీలు చేస్తున్నారు. అయితే, డైరెక్ట్ గా సినిమా చూసి చాలా కాలమే అవుతుంది.

చివరగా, పవన్ ఒరిజినల చిత్రం అజ్ఞాతవాసి లో నటించారు. ఈ మూవీ 2018లో ప్రేక్షకుల ముందుకు వచ్చింది. ఆ తర్వాత పవన్ నుంచి మూడు సినిమాలు వచ్చాయి. కానీ, ఆ మూడు సినిమాలు వకీల్ సాబ్, భీమ్లా నాయక్, బ్రో లు రీమేక్ చిత్రాలు. వేరే భాషలో రిలీజ్ అయ్యి హిట్ కొట్టిన ఈ చిత్రాలను రీమేక్ తీశాడు.

అరదశాబ్దానికి పైగా కాలంలో అన్నీ రీమేక్ లు చేసిన ఘనత ఏ హీరోకీ దక్కలేదనే చెప్పాలి. ఇవే కాదు, పవన్ చేతిలో మరో రెండు, మూడు రిమేక్ మూవీలు కూడా ఉన్నాయి. అయితే, అవి ఇప్పట్లో ప్రేక్షకుల ముందుకు వచ్చే అవకాశం లేదు. ఈ మధ్యలో పవన్ చేతిలో ఉన్న ఒరిజినల్ చిత్రం ఏదైనా ఉంది అంటే అది ఓజీ మాత్రమే. ఈ సినిమాకి సుజిత్ దర్శకత్వం వహిస్తున్నారు.

డైరెక్టర్ సుజిత్ రన్ రాజా రన్ తో తన కెరీర్ ని ప్రారంభించాడు. ఈ మూవీ క్లిక్ కావడంతోనే నెక్ట్స్ ప్రభాస్ తో సాహో సినిమా చేశాడు. అయితే, ఈ పాన్ ఇండియా మూవీ పెద్దగా ఆకట్టుకోలేకపోయింది. దీంతో, ఈ మూవీపై చాలా విమర్శలు వచ్చాయి. ఆ మూవీ ప్లాప్ తర్వాత సుజిత్ ఓజీ మూవీ చేస్తున్నాడు. ఈ మూవీ మీద చాలా ఆశలు ఉన్నాయి. ఇది గ్యాంగ్ స్టర్ బ్యాగ్రౌండ్ లో సాగే అవకాశం ఉంది.

ఈ మూవీ కోసం పవన్ మార్షల్ ఆర్ట్స్ శిక్షణ కూడా తీసుకున్నారు. దీనికి సంబంధించిన ఫోటోలు కూడా ఇటీవల లీక్ అయ్యాయి. ఈ మూవీ కనుక క్లిక్ అవ్వకుంటే, మళ్లీ పవన్ రీమేక్ సినిమాలపై పడే అవకాశం ఉంది. అయితే, పవన్ రీమేక్ లు చేయడానికి మరో కారణం కూడా ఉంది. ఆయన త్వరలోననే ఎన్నికలపై ఫోకస్ పెట్టాల్సిన అవసరం ఉంది. అందుకే, రీమేక్ మూవీలు అయితే, త్వరగా అయిపోతుందనే కారణంతోనే ఆయన అవి ఎంచుకుంటుండటం విశేషం.