ప్రభాస్‌, బన్నీ ఫ్యాన్స్‌ ఇప్పుడు టెన్షన్‌ ఫ్రీ నా...?

అర్జున్ రెడ్డి మరియు కబీర్ సింగ్‌ తో పాన్‌ ఇండియా రేంజ్ లో తెలుగు దర్శకుడు సందీప్‌ రెడ్డి వంగ కి మంచి గుర్తింపు దక్కింది. కబీర్‌ సింగ్‌ సినిమా హిట్ నేపథ్యం లో ఏకంగా రణబీర్‌ కపూర్ తో సినిమాను చేసే అవకాశంను సందీప్‌ రెడ్డి దక్కించుకుని 'యానిమల్‌' రూపొందించి ఇటీవలే ఆ సినిమాను విడుదల చేయడం జరిగింది.

యానిమల్‌ సినిమా విడుదలకు ముందు ప్రభాస్ తో స్పిరిట్‌ మూవీని మరియు అల్లు అర్జున్ తో ఒక సినిమాను దర్శకుడు సందీప్‌ వంగ ప్రకటించిన విషయం తెల్సిందే. ఈ రెండు సినిమాలు ఎప్పుడు ప్రారంభం అయ్యేది క్లారిటీ లేదు కానీ, ఆయా హీరోల ఫ్యాన్స్ మాత్రం మొన్నటి వరకు చాలా టెన్షన్‌ గా కనిపించారు.

అర్జున్‌ రెడ్డి తరహా సినిమాలు అప్పుడప్పుడు మాత్రమే వస్తాయి. దర్శకుడు సందీప్ వంగ ఒకే ఒకే ఒక్క సినిమాను తీశాడు. అలాంటి సందీప్‌ వంగ తీస్తున్న యానిమల్‌ సినిమా ఎలా ఉంటుందో.. ఆ సినిమా తర్వాత మా హీరోతో ఎలాంటి సినిమా ని తీస్తాడో అంటూ ప్రభాస్ మరియు అల్లు అర్జున్‌ ఫ్యాన్స్ మాట్లాడుకున్నారు.

యానిమల్‌ సినిమా హిట్‌ అవ్వకుంటే మా హీరో ఆ దర్శకుడితో సినిమా చేయక పోవచ్చు అని చాలా మంది కూడా భావించారు. ఇప్పుడు అదే ఫ్యాన్స్ యానిమల్‌ సినిమా విడుదల అయిన తర్వాత సందీప్‌ వంగ దర్శకత్వంలో మా హీరో సినిమా ఎప్పుడు ఉంటుందా అంటూ ఆసక్తిగా ఎదురు చూస్తున్నారు.

కబీర్‌ సింగ్‌/ అర్జున్‌ రెడ్డి గాలి వాటం తో వచ్చిన హిట్‌ కాదని, దర్శకుడిలో కంటెంట్‌ ఉంది.. మంచి ప్రతిభ ఉందని యానిమల్‌ తో నిరూపించాడు. ద్వితీయ విఘ్నం ను దాటిన సందీప్‌ వంగ ఇక ప్రభాస్ మరియు అల్లు అర్జున్‌ లతో కచ్చితంగా బ్లాక్‌ బస్టర్‌ లను ఇవ్వడం ఖాయం అంటున్నారు. కనుక ప్రభాస్‌, బన్నీ ఫ్యాన్స్ ఇప్పుడు టెన్షన్‌ ఫ్రీ అయ్యారు.