ప్రభాస్ మదిలో సిరివెన్నెల జ్ఞాపకాలు..!
ఈ ప్రోమోలో బోటనీ పాట ముందు పాట తాను ఎప్పుడు పాడుతుండేవాడినని.. ఆ సాంగ్ శాస్త్రి గారు రాశారని తెలియదని అన్నారు.
By: Tupaki Desk | 30 Oct 2024 7:33 AM GMT
తెలుగు సినిమా సాహిత్యం అంటే గుర్తుకొచ్చే వారిలో సిరివెన్నెల సీతారామశాస్త్రి ఒకరు. సినిమా పాటని అర్థం చేసుకునేందుకు సాహిత్యం మీద మక్కువ పెంచుకునేలా సీతారామ శాస్త్రి గారి రచనలు ఉండేవి. త్రివిక్రం గారు చెప్పినట్టుగా శాస్త్రి గారి పాటలు ప్రతి ఒక్కరిని మేలుకొలుపుతాయి.. ప్రశ్నిస్తాయి.. ఆలోచించింపచేస్తాయి. అందుకే ఆయన అంత గొప్ప గేయ రచయితగా మారారు. భౌతికంగా మన మధ్య లేకపోయినా ప్రతి పాటలోనూ ఆయన భావం.. ఆయన రూపం ప్రతిభింభిస్తుంది. అందుకే ఆయన జ్ఞాపకాల సమాహారంతో సీతారామ శాస్త్రి గారి జ్ఞాపికగా నా ఉఛ్ఛ్వాసం కవనం స్పెషల్ కార్యక్రమం నడుపుతున్నారు.
ప్రముఖ ఛానెల్ లో ప్రసారమవుతున్న ఈ ప్రోగ్రాంకి సినీ తారలంతా సిరివెన్నెల తో ఉన్న వారి అనుబంధాన్ని.. శాస్త్రి గారితో వారికి ఉన్న జ్ఞాపకాలను గుర్తు చేసుకుంటున్నారు. లేటెస్ట్ గా ఈ షోకి రెబల్ స్టార్ ప్రభాస్ అటెండ్ అయ్యారు. దీనికి సంబంధించిన ప్రోమో ఆల్రెడీ అంతకుముందే ఒకటి రిలీజ్ కాగా లేటెస్ట్ గా నా ఉఛ్ఛ్వాసం కవనం షోకి సంబందించిన ప్రభాస్ స్పెషల్ ఎపిసోడ్ రెండో ప్రోమో రిలీజ్ చేశారు.
ఈ ప్రోమోలో బోటనీ పాట ముందు పాట తాను ఎప్పుడు పాడుతుండేవాడినని.. ఆ సాంగ్ శాస్త్రి గారు రాశారని తెలియదని అన్నారు. అంతేకాదు శ్రీశ్రీ గారి సాహిత్యం లానే సిరివెన్నెల గారి పాటలు వింటే ఉద్వేగానికి గురవుతానని చెప్పాడు ప్రభాస్. స్టార్ హీరోలందరికీ ఇష్టమైన గేయ రచయిత సిరివెన్నెల సీతారామ శాస్త్రి. కథ మాటలు మాత్రమే కాదు పాటలు అంటే సాహిత్యంతో కూడా సినిమా కథ చెప్పొచ్చు. భావాన్ని వ్యక్తం చేయొచ్చు అనే విషయాన్ని ఆయన పాటల ద్వారా చాటి చెప్పారు శాస్త్రి గారు.
అందుకే తెలుగు పాట ఉన్నంతవరకు శాస్త్రి గారి పేరు వినపడుతూనే ఉంటుంది. శాస్త్రి గారితో తమకున్న రిలేషన్ ని స్టార్స్ అంతా కూడా చెబుతూ నా ఉఛ్ఛ్వాసం కవనం షోలో బయట పెట్టి శాస్త్రి గారి అభిమానులను.. సంగీత ప్రియులను అలరిస్తున్నారు. ప్రభాస్ కి శాస్త్రి గారి మీద ఉన్న అభిమానం ఎలాంటిది.. శాస్త్రి గారి జ్ఞాపకాలను ఏ విధంగా పంచుకున్నారన్నది తెలుస్తుంది.
ఇక ప్రభాస్ సినిమాల విషయానికి వస్తే ఈమధ్యనే కల్కి 1 తో సెన్సేషనల్ హిట్ అందుకున్న ప్రభాస్ నెక్స్ట్ రాజా సాబ్ తో రేసులో దిగుతున్నాడు. 2025 సమ్మర్ కి ఈ సినిమా రిలీజ్ ప్లాన్ చేశారు. మారుతి డైరెక్షన్ లో తెరకెక్కుతున్న రాజా సాబ్ సినిమాను పీపుల్ మీడియా ఫ్యాక్టరీ నిర్మిస్తుంది. ఈ సినిమాలో మలయాళ భామ మాళవిక మోహనన్ హీరోయిన్ గా నటిస్తుంది.
