స్పిరిట్.. అసలు హీరో వచ్చేది ఎప్పుడు?

టాలీవుడ్ లో ఎవ్వరు లేనంత స్పీడ్ గా ప్రభాస్ మూవీస్ చేసుకుంటూ వెళ్తున్నాడు. ఎక్కువ గ్యాప్ తీసుకోకుండా బ్యాక్ టూ బ్యాక్ ప్రాజెక్ట్స్ ని లైన్ లో పెడుతున్నాడు. ప్రస్తుతం 'ది రాజాసాబ్' మూవీ షూటింగ్ దశలో ఉంది. ఈ ఏడాది ఆఖరుని మూవీ షూటింగ్ కంప్లీట్ చేసే అవకాశం ఉంది. హను రాఘవపూడి దర్శకత్వంలో తెరకెక్కుతోన్న 'ఫౌజీ' మూవీ షూటింగ్ కూడా స్టార్ట్ అయిపొయింది. అయితే ప్రభాస్ ఈ సినిమా షూటింగ్ లో వచ్చే ఏడాది సంక్రాంతి తర్వాత జాయిన్ అయ్యే అవకాశం ఉందని అనుకుంటున్నారు.

సందీప్ రెడ్డి వంగా దర్శకత్వంలో తెరకెక్కనున్న మోస్ట్ ప్రెస్టీజియస్ ప్రాజెక్ట్ 'స్పిరిట్'. పవర్ ఫుల్ కాప్ స్టోరీతో ఈ సినిమా తెరకెక్కబోతోంది. కచ్చితంగా ఈ మూవీ వండర్స్ క్రియేట్ చేస్తుందని భావిస్తున్నారు. సందీప్ రెడ్డి కెరియర్ లో 'యానిమల్' మూవీ మోస్ట్ వైలెంట్ కథాంశంతో ఉంటుంది. దాని కంటే 'స్పిరిట్' మూవీ ఇంకా వైలెంట్ గా ఉంటుందని టాక్ వినిపిస్తోంది. ఈ సినిమా షూటింగ్ డిసెంబర్ లో మొదలవుతుందని నిర్మాత భూషణ్ కుమార్ ఇప్పటికే క్లారిటీ ఇచ్చారు.

ఇందులో కొరియన్ సూపర్ స్టార్ డాన్ లీ విలన్ గా కనిపించబోతున్నాడనే ప్రచారం స్ట్రాంగ్ గా జరుగుతోంది. దీనిపై మేకర్స్ ఇప్పటి వరకు క్లారిటీ ఇవ్వలేదు. ఇదిలా ఉంటే ఈ సినిమా షూటింగ్ ని డిసెంబర్ లో మొదలు పెట్టిన ప్రభాస్ వెంటనే జాయిన్ అవ్వరని సమాచారం. 2025 మార్చి తర్వాత 'స్పిరిట్' షూటింగ్ లో ప్రభాస్ జాయిన్ అవుతారంట. అప్పటి నుంచి ఏకధాటిగా ఆ మూవీ షూటింగ్ కంటిన్యూ చేస్తారని అనుకుంటున్నారు.

ప్రభాస్ 'స్పిరిట్' సినిమా కోసం ప్రత్యేకమైన లుక్ లో కనిపించాల్సి ఉంటుంది. ముఖ్యంగా పవర్ ఫుల్ మేకోవర్ లో కనిపించబోతున్నారు. 'ఫౌజీ' సినిమా షూటింగ్ కంప్లీట్ చేసాక 'స్పిరిట్' కోసం ప్రభాస్ పూర్తిగా డేట్స్ కేటాయించే అవకాశం ఉందని టాక్. హాలీవుడ్ యాక్టర్ డాన్ లీ ఈ చిత్రంలో నటిస్తే మాత్రం కచ్చితంగా మూవీకి ఇంటర్నేషనల్ లెవల్ లో గుర్తింపు వస్తుంది.

త్వరలో దీనిపై సందీప్ రెడ్డి వంగా క్లారిటీ ఇచ్చే అవకాశం ఉందనే ప్రచారం జరుగుతోంది. ఇక ఈ సినిమాలో ఇతర క్యాస్టింగ్ ఎవరనేది కూడా తెలియాల్సి ఉంది. ఇదిలా ఉంటే మ్యూజిక్ డైరెక్టర్ హర్షవర్ధన్ రామేశ్వర్ 'స్పిరిట్' సినిమా మ్యూజిక్ సిట్టింగ్స్ స్టార్ట్ చేసినట్లు సమాచారం. ఈ సినిమాకి సంగీతం చాలా కీలకం కానున్న నేపథ్యంలో మ్యూజిక్ డైరెక్టర్ ప్రత్యేకంగా ఫోకస్ చేస్తున్నారంట. సందీప్ రెడ్డి ఐడియాలజీ దగ్గరుండి తెలుసుకునే ప్రయత్నం చేస్తున్నట్లు టాక్.