రెబల్ ఫ్యాన్స్ ని ఊపేసే అప్డేట్..!

రెబల్ స్టార్ ప్రభాస్ గురించి ఎలాంటి వార్త వచ్చినా సరే ఫ్యాన్స్ కి సూపర్ కిక్ అన్నట్టే లెక్క. కల్కితో మరోసారి బాక్సాఫీస్ రారాజుగా తన వీర ప్రతాపం చూపించిన ప్రభాస్ ప్రస్తుతం తన నెక్స్ట్ సినిమాలతో బిజీ బిజీగా ఉన్నాడు. ప్రభాస్ మారుతి కాంబోలో తెరకెక్కుతున్న రాజా సాబ్ తో పాటు హను రాఘవపుడితో చేస్తున్న ఫౌజి సెట్స్ మీద ఉన్నాయి. వీటితో పాటు సందీప్ వంగాతో స్పిరిట్ కూడా త్వరలోనే షూటింగ్ స్టార్ట్ కానుంది.

ఈ సినిమాలతో ప్రభాస్ బిజీ బిజీగా ఉన్నాడు. ఐతే రాజా సాబ్ సినిమా నుంచి ఎలాంటి అప్డేట్స్ రావట్లేదని ఫ్యాన్స్ కొంత అసంతృప్తిగా ఉన్నారు. ప్రభాస్ బర్త్ డేకి కూడా మోషన్ పోస్టర్ తోనే సరిపెట్టారు. సినిమా టీజర్ కోసం ఫ్యాన్స్ ఆసక్తిగా ఎదురుచూస్తున్నారు. ఐతే రెబల్ ఫ్యాన్స్ కి ఒక సూపర్ అప్డేట్ బయటకు వచ్చింది. ఇక న్యూ ఇయర్ కే రాజా సాబ్ అప్డేట్ అనుకున్న ఫ్యాన్స్ కి క్రిస్ మస్ కే స్పెషల్ గిఫ్ట్ ప్లాన్ చేస్తున్నారని తెలుస్తుంది.

ప్రస్తుతం రాజా సాబ్ టీం షూటింగ్ లో బిజీగా ఉన్నారు. సినిమాలో హవా హవా సాంగ్ రీమిక్స్ ఉంటుందని టాక్ నడుస్తుంది. దీనికి బలం చేకూరుస్తూ రీసెంట్ గా థమన్ ఒక ఓల్డ్ సాంగ్ రీమిక్స్ ఉంటుందని అన్నాడు. ఐతే హవా హవా సాంగ్ ను జనవరిలో షూట్ చేస్తారని తెలుస్తుంది. ఈ సాంగ్ ను యూరప్ లో హీరోయిన్ మాళవికతో కలిసి షూట్ చేస్తారట. అంతేకాదు సినిమాలో ఒక ఫైట్ రెబల్ ఫ్యాన్స్ కి సూపర్ ట్రీట్ అందిస్తుందని అంటున్నారు.

ప్రభాస్ వైట్ అండ్ బ్లాక్ కాంబో డ్రస్ లో అదిరిపోయే యాక్షన్ సీన్ చేస్తాడట. ఫ్యాన్స్ కు మాత్రమే కాదు ఇది ఆడియన్స్ కు కూడా ఐ ఫీస్ట్ అందిస్తుందని అంటున్నారు. థ్రిల్లర్ జోనర్ లో తెరకెక్కుతున్న ప్రభాస్ రాజా సాబ్ సినిమాను 2025 ఏప్రిల్ 10న రిలీజ్ లాక్ చేశారు. ఈ సినిమా విషయంలో మారుతి చాలా ఫోకస్ తో పనిచేస్తున్నారు.

రెబల్ ఫ్యాన్స్ అంచనాలను ఏమాత్రం తగ్గకుండా సినిమా తెరకెక్కిస్తున్నారు మారుతి. సినిమాలో మారుతి మార్క్ ఎంటర్టైన్మెంట్ ఉంటూనే రెబల్ స్టార్ రేంజ్ కి తగిన కమర్షియల్ హంగులు ఉంటాయని తెలుస్తుంది. సినిమాలో మాళవిక మోహనన్ కథానాయికగా నటిస్తుండగా ఈ సినిమాతో అమ్మడు తెలుగులోకి ఎంట్రీ ఇస్తుంది.