ప్రభాస్ - నీల్.. ఇంకా క్లారిటీ రాలేదుగా..

ప్రశాంత్ నీల్ దర్శకత్వంలో ప్రభాస్ హీరోగా తెరకెక్కి సూపర్ హిట్ అయిన మూవీ సలార్. ఈ మూవీ 730 కోట్ల వరకు ప్రపంచ వ్యాప్తంగా కలెక్ట్ చేసింది. సలార్ సీక్వెల్ గా శౌర్యంగ పర్వం కూడా ఉండబోతోందని హీంట్ ఇచ్చారు. అలాగే సలార్ లో వదిలేసిన చాలా ప్రశ్నలకి సీక్వెల్ లో ప్రశాంత్ నీల్ సమాధానం చెప్పాల్సిన అవసరం ఉంది. ఈ మూవీని వచ్చే ఏడాది రిలీజ్ చేస్తామని నిర్మాత విజయ్ గతంలో ప్రకటించారు.

అయితే సలార్ 2 మూవీ షూటింగ్ కి సంబంధించి ప్రశాంత్ నీల్ నుంచి ఇప్పటి వరకు ఎలాంటి అప్డేట్ లేదు. వీలైనంత త్వరగా ప్రారంభించి కంప్లీట్ చేస్తారని అందరూ భావించారు. కానీ ఎందుకనో మూవీ షూటింగ్ పైన స్పష్టత ఇవ్వలేదు. ప్రస్తుతం ప్రభాస్ కల్కి 2898 ఏడీ మూవీ షూటింగ్ లో ఉన్నట్లు తెలుస్తోంది. ఈ సినిమా కోసం హైదరాబాద్ శివార్లలో వేసిన ప్రత్యేక సెట్స్ లో షూటింగ్ చేస్తున్నారంట.

కల్కి కంప్లీట్ అయ్యాక సలార్ 2 షూటింగ్ ఏమైనా ప్రశాంత్ స్టార్ట్ చేస్తారా అనేది తెలియాల్సి ఉంది. ఈ మూవీ తర్వాత ప్రశాంత్ నీల్ ఎన్టీఆర్ తో సినిమాని సెట్స్ పైకి తీసుకొని వెళ్లాల్సి ఉంది. తారక్ కాల్ షీట్స్ అయితే ఇప్పట్లో దొరికేలా పరిస్థితి కనిపించడం లేదు. వచ్చే ఏడాదిలోనే ఆ మూవీ పట్టాలు ఎక్కొచ్చని భావిస్తున్నారు. ఈ ఏడాదిలో దేవర ఫినిష్ చేసి వార్ 2పైన తారక్ ఫోకస్ చేయనున్నాడు.

రాకింగ్ స్టార్ యష్ తో కేజీఎఫ్ చాప్టర్ 3 కూడా ఉంటుందని గతంలో నిర్మాత క్లారిటీ ఇచ్చారు. ఇవన్నీ కూడా సలార్ 2 తర్వాతనే స్టార్ట్ అయ్యే అవకాశాలు ఉన్నాయి. ప్రభాస్ డేట్స్ ఎప్పుడు ఇస్తాడనేది చూసుకొని ప్రశాంత్ నీల్ సలార్ 2 షూటింగ్ స్టార్ట్ చేయడానికి సిద్ధంగా ఉన్నాడనే ప్రచారం కూడా నడుస్తోంది. ప్రభాస్ కూడా వీలైనంత వేగంగా సలార్ 2 మూవీ పూర్తి చేయాల్సిన అవసరం ఉంది.

దాని తర్వాత స్పిరిట్, హను రాఘవపూడి సినిమాలు లైన్ లో ఉన్నాయి. ఇంకొంత మంది దర్శకులు కూడా యూనివర్శల్ కథలతో ప్రభాస్ డేట్స్ కోసం వెయిట్ చేస్తున్నారు. మరి సలార్ 2పై ప్రశాంత్ నీల్ ఎప్పుడు స్పష్టత ఇస్తాడనేది తెలుసుకోవడం కోసం ఫ్యాన్స్ కూడా ఆసక్తిగా వెయిట్ చేస్తున్నారు.