డార్లింగ్ మంచితనం గురించి ప్రత్యేకంగా చెప్పాలా..?

పాన్ ఇండియా ఇమేజ్ వచ్చిన సరే డార్లింగ్ ప్రభాస్ ఏమాత్రం మారలేదు. మంచితనానికి కేరాఫ్ అడ్రస్ అంటే అది ప్రభాసే అని అతనితో పరిచయం ఉన్న వారు చెబుతారు. లేటెస్ట్ గా ప్రభాస్ కైండ్ నెస్ గురించి మరోసారి అందరికీ తెలిసింది. యువ హీరో కార్తికేయ నటించిన భజే వాయువేగం సినిమాకు కొన్ని ఇంపార్టెంట్ సీన్స్ జాగ్వార్ కార్ తో చేయాల్సి ఉండగా ప్రభాస్ ని అడగ్గానే వెంటనే కార్ పంపించాడట. షూటింగ్ కోసం కార్ అంటే ఏదో ఒకటి రెండు రోజులు సరదాగా పంపిస్తారు కానీ భజే వాయు వేగం సినిమాకు ఒక షెడ్యూల్ మొత్తం ఆ కారు అవసరం పడింది.

ఐతే డార్లింగ్ ప్రభాస్ మాత్రం అసలేమాత్రం ఆలోచించకుండా కారుని ఇచ్చేశాడట. ప్రభాస్ దగ్గర చాలా కాస్ట్ లీ కార్ కలెక్షన్ ఉంటుంది. ఐతే కార్తికేయ నటించిన ఈ సినిమాకు ఆ కారు అవసరం పడటంతో ప్రభాస్ ని అడగడం ఆయన ఓకే అనడంతో అలా కుదిరింది. భజే వాయు వేగం సినిమా యువి క్రియేషన్స్ వారు నిర్మించారు. యువి వంశీ ప్రమోద్ లు ప్రభాస్ కి మంచి స్నేహితులు. అందుకోసమే స్నేహితుల కోసం తన కారుని షూటింగ్ కు ఇచ్చాడు ప్రభాస్. సినిమాకు తన కారు ఇచ్చి సాయం చేసిన ప్రభాస్ కు థాంక్స్ చెప్పాడు కార్తికేయ. అంతేకాదు ఈ సినిమాకు మహేష్ బాబు ఫస్ట్ లుక్ పోస్టర్ రిలీజ్ చేయగా.. చిరంజీవి టీజర్ రిలీజ్ చేశారు. మూవీకి సపోర్ట్ చేసిన హీరోలందరికీ కృతజ్ఞతలు తెలిపాడు కార్తికేయ. షూటింగ్ కి కారు పంపించాడని తెలిసి డార్లింగ్ ప్రభాస్ ని అందరు మెచ్చుకుంటున్నారు.

ఇక నిన్న రిలీజైన కార్తికేయ భజే వాయు వేగం సినిమా ఆడియన్స్ నుంచి మంచి రెస్పాన్స్ తెచ్చుకుంది. ఈ సినిమా విషయంలో కార్తికేయ ముందునుంచి చాలా కాన్ఫిడెంట్ గా ఉంటూ వచ్చాడు. లాస్ట్ ఇయర్ బెదురులంక 2012తో సక్సెస్ అందుకున్న కార్తికేయ మళ్లీ భజే వాయు వేగం సినిమాతో మెప్పించాడు.

ప్రభాస్ సినిమాల విషయానికి వస్తే కల్కి గా జూన్ 27న రాబోతున్నాడు. నాగ్ అశ్విన్ డైరెక్షన్ లో వస్తున్న ఈ సినిమాలో దీపిక పదుకొనె, అమితాబ్, కమల్ హాసన్, దిశా పటాని లాంటి క్రేజీ స్టార్స్ నటిస్తున్నారు. కల్కి వరల్డ్ ని పరిచయం చేస్తూ లేటెస్ట్ గా రిలీజ్ చేసిన కల్కి ప్రీల్యూడ్ యానిమేషన్ సీరీస్ కూడా ప్రేక్షకుల నుంచి మంచి రెస్పాన్స్ అందుకుంది.