త్రోబ్యాక్ వీడియో: వైర‌ల్ అవుతున్న ప్ర‌భాస్ చెంప‌దెబ్బ‌

అమ్మాయి ఒక స్నాప్ కావాల‌ని అడిగింది. దానికేం భాగ్యం అంటూ ఆ హీరో వెంట‌నే త‌న‌కో ఛాన్సిచ్చాడు. ఫోటోతో స‌రిపోయిందా? అంటే ఇంకా చాలా ఉంది. చ‌టుక్కున‌ ఫోటో దిగి వెళుతూ వెళుతూ అత‌డి బుగ్గ‌పై చిలిపిగా ఒక పంచ్ కూడా ఇచ్చి వెళ్లింది ఆ అమ్మాయి. ఓవ‌ర్ ఎగ్జ‌యిట్ అయిపోతున్న అమ్మాయి అల్ల‌రి వేషం విమానాశ్ర‌యంలో ఉన్న వారంద‌రినీ షాక్ కి గురి చేసింది. ఆపై అంతా క‌డుపుబ్బా న‌వ్వుకున్నారు. ఇంత‌కీ చెంప‌దెబ్బ తిన్న స్టార్ ఎవ‌రో వేరే చెప్పాలా? గాళ్స్ లో విప‌రీత‌మైన ఫాలోయింగ్ ఉన్న డార్లింగ్ ప్ర‌భాస్ గురించే ఇదంతా. విమానాశ్ర‌యంలో అప‌రిచిత అమ్మాయి ఫోటో దిగ‌డ‌మే గాక ప్రభాస్ బుగ్గ‌పై ఒక‌టిచ్చింది!

ఉత్సాహంగా ఉన్న ఒక అభిమాని చెంప దెబ్బ‌కు ప్రభాస్ అస‌లేమీ నొచ్చుకోలేదు. ఎంతో క్యాజువ‌ల్ గా న‌వ్వేస్తూ లైట్ తీస్కున్నాడు. ఇది త్రోబ్యాక్ వీడియో. వాస్తవానికి 2019లో ఆన్‌లైన్‌లో షేర్ చేసిన వీడియో. కానీ ఆన్‌లైన్‌లో మళ్లీ ప్రత్యక్షమైంది. తన ఫేవరెట్ స్టార్‌ని కలిసినందుకు థ్రిల్ గా ఉన్న ఈ అమ్మాయి ప్రభాస్ ముందు ఉత్సాహంతో గెంతుతూ కనిపించింది. ఇద్దరూ ఫోటోలకు పోజులిచ్చారు. అభిమాని కోరిక నెర‌వేర‌గానే ప్రభాస్‌ను సరదాగా చెంప‌పై కొట్టకుండా ఉండలేకపోయింది. ఆ ఎగ్జ‌యిట్ మెంట్ ప్రభాస్‌ సహా అందరినీ షాక్‌కి గురి చేసింది. ఈ వీడియోని మ‌రోసారి ప్రభాస్ అభిమానులు సోష‌ల్ మీడియాల్లో షేర్ చేస్తున్నారు.

ప్ర‌భాస్ న‌టించిన సలార్ డిసెంబర్‌లో 'డుంకీ'తో పాటు విడుదల కానుంది. రెండు సినిమాలు ఒక‌దానితో ఒక‌టి పోటీప‌డ‌నున్నాయి. సలార్ మొదట సెప్టెంబర్ 28న విడుదల కావాల్సి ఉన్నా వాయిదా ప‌డిన సంగ‌తి తెలిసిందే. పోస్ట్ ప్రొడక్షన్ పనులు పెండింగ్ లో ఉండడంతో దర్శకుడు ప్రశాంత్ నీల్ విడుదలను డిసెంబర్ కు వాయిదా వేశారు.

గత వారం కొత్త విడుదల తేదీని నిర్ధారించారు. కమింగ్ బ్లడీ సూన్! #SalaarCeaseFire డిసెంబర్ 22, 2023న ప్రపంచవ్యాప్తంగా విడుదల అని ప్ర‌క‌టించారు. సలార్‌లో ప్రభాస్‌తో పాటు పృథ్వీరాజ్ సుకుమారన్, శృతి హాసన్, మీనాక్షి చౌదరి నటించారు. ఈ చిత్రాన్ని కెజిఎఫ్ - కాంతారా చిత్రాలను నిర్మించిన‌ హోంబలే ఫిల్మ్స్ నిర్మించింది.

ఇదిలా ఉండగా 'డుంకీ'లో షారుఖ్ ఖాన్ హీరోగా నటించాడు. రాజ్‌కుమార్ హిరాణీ దర్శకత్వం వహించారు. ఈ చిత్రంలో తాప్సీపన్ను ప్రధాన పాత్రలో నటించారు. డిసెంబర్ విడుదల తేదీని టీమ్ ఇంకా పరిశీలిస్తోందని గత వారం ఆస్క్ SRK సెషన్‌లో షారుఖ్ ధృవీకరించారు.