గామి విజువల్స్ కు ప్రభాస్ ఫిదా

టాలెంటెడ్ హీరో విశ్వక్ సేన్ నటించిన గామి సినిమా ట్రైలర్ ఇటీవల విడుదలైన విషయం తెలిసిందే. గతంలో ఎప్పుడూ లేనంత డిఫరెంట్ కాన్సెప్ట్ తో రాబోతున్న ఈ సినిమాపై ఒక్కసారి అంచనాలు పెరిగిపోయాయి. మొదట టీజర్ పోస్టర్స్ ద్వారానే సినిమా టీమ్ మంచి పాజిటివ్ వైబ్రేషన్స్ క్రియేట్ చేసింది. ఇక ఇప్పుడు ట్రైలర్ అంతకుమించి అనేలా ఉండడంతో తప్పకుండా బాక్సాఫీస్ వద్ద ఈ సినిమా సెన్సేషన్ క్రియేట్ చేస్తుంది అని చెప్పవచ్చు.

గామి సినిమాలో హీరో విశ్వక్ సేన్ అఘోర పాత్రలో నటించిన విధానం చాలామంది నటీ నటులను కూడా ఆకట్టుకుంది. ఇక ఈ సినిమాపై పాన్ ఇండియా స్టార్ ప్రభాస్ కూడా చాలా పాజిటివ్ గా రియాక్ట్ అయ్యారు. ప్రత్యేకంగా ట్రైలర్ పై ఆయన ప్రశంసలు కురిపించారు. దీంతో అందుకు సంబంధించిన వీడియో కూడా ప్రస్తుతం సోషల్ మీడియాలో వైరల్ గా మారింది.

కానీ ట్రైలర్ చూసిన తర్వాత ప్రభాస్ ఈ విధంగా వివరణ ఇచ్చారు. సినిమా ట్రైలర్ చూడగానే చాలా కొత్తగా అనిపించింది చాలా ఎక్సైట్ అయ్యాను. చాలా బాగా నచ్చేసింది. సినిమాకు వర్క్ చేసిన అన్ని డిపార్ట్మెంట్స్ కూడా పర్ఫెక్ట్ గా వర్క్ చేశాయి అని అనిపిస్తోంది. ఇక హీరో విశ్వక్ ఎప్పుడు కూడా చాలా కొత్తగా ట్రై చేస్తూ ఉంటాడు. గామి సినిమా మేకర్స్ కు మంచి సక్సెస్ ఇవ్వాలి. ట్రైలర్లోనే టెక్నీషియన్స్ హార్డ్ వర్క్ కనిపించింది అని చెప్పిన ప్రభాస్ ఈనెల 8వ తేదీన సినిమా విడుదల కాబోతోంది అని ఆరోజు కోసం తాను ఎంతో ఆసక్తిగా ఎదురు చూస్తున్నట్లుగా వివరణ ఇచ్చారు.

ఇక ప్రభాస్ ప్రశంసలు అందుకున్న గామి ఇప్పుడు మరింత హాట్ టాపిక్ గా మారిపోయింది. సినిమాలో విజువల్స్ కూడా చాలా ప్రత్యేకంగా ఉండబోతున్నట్లు ట్రైలర్ లోనే హైలెట్ చేశారు. తక్కువ బడ్జెట్ లోనే మేకర్స్ మంచి క్వాలిటీ ఉన్న అవుట్ ఫుట్ ఇవ్వబోతున్నట్లుగా తెలుస్తోంది. ఇక ఈ సినిమా కథ కూడా ఎప్పుడు చూడనంత కొత్తగా ఉండబోతోంది.

అఘోర పాత్రలో కనిపించే హీరో విశ్వక్ మనుషులకు దూరంగా ఉండాలని అనుకుంటాడు. ఒక తెలియని సమస్యతో అతను ఇబ్బంది పడుతూ ఉంటాడు. ఇక అలాంటి పరిస్థితిని నుంచి అతను హిమాలయాలకు వెళ్లాల్సి వస్తుంది. ఈ ప్రయాణంలో అతని ఎదుర్కొన్న సవాళ్లు ఏంటి అనే అంశాలు కూడా ఈ సినిమాలో హైలెట్ కాబోతున్నాయి. మరి సినిమా బాక్సాఫీస్ వద్ద ఎలాంటి కలెక్షన్స్ అందుకుంటుందో చూడాలి.