కల్కి.. 12 సెకన్ల కోసం రూ.3 కోట్లు ఖర్చా?

పాన్ ఇండియా మోస్ట్ అవైటెడ్ మూవీ కల్కి 2898 ఏడీ. హీరో ప్రభాస్, డైరెక్టర్ నాగ్ అశ్విన్ కాంబోలో వస్తున్న ఈ సినిమాపై ఇప్పటికే ఓ రేంజ్ లో అంచనాలు నెలకొన్నాయి. అమితాబ్ బచ్చన్, కమల్ హాసన్, దీపికా పదుకొణె, దిశా పటానీతో పాటు మరికొందరు స్టార్ నటీనటులు యాక్ట్ చేస్తున్నారు. 6000 ఏళ్ల నాటి కథ కోసం ఏకంగా కొత్త ప్రపంచాన్ని సృష్టించినట్లు ఇప్పటికే నాగ్ అశ్విన్ వెల్లడించి భారీ హైప్ క్రియేట్ చేశారు.

వరల్డ్ వైడ్ గా సినీ ప్రియులతో పాటు ప్రభాస్ ఫ్యాన్స్ అంతా.. కల్కి మూవీ ఎప్పుడు రిలీజ్ అవుతుందా అని వెయిట్ చేస్తున్నారు. ఇప్పటికే షూటింగ్ కంప్లీట్ చేసిన మేకర్స్.. ప్రమోషన్స్ వినూత్నంగా నిర్వహిస్తున్న విషయం తెలిసిందే. ఈ మూవీలో అశ్వత్థామ రోల్ లో యాక్ట్ చేస్తున్న అమితాబ్ బచ్చన్ గ్లింప్స్ ను రిలీజ్ చేశారు మేకర్స్. రీసెంట్ గా స్క్రాచ్-4 వీడియో పేరుతో సినిమాలో ప్రభాస్ వాడిన వెహికల్ ప్రోమోను కూడా విడుదల చేశారు.

ప్రస్తుతం ఐపీఎల్ 17 సీజన్ రసవత్తరంగా సాగుతోంది. దీంతో మేకర్స్.. ప్రమోషన్స్ కోసం ఐపీఎల్ ను సెలెక్ట్ చేసుకున్న విషయం తెలిసిందే. మ్యాచ్ ల మధ్యలో భైరవ యాడ్స్ ఇస్తున్నారు. మ్యాచ్ మధ్యలో ప్రభాస్ ఎంట్రీ ఇచ్చి అందరినీ మెప్పిస్తున్నారు. వాటిని చూసి ఎంజాయ్ చేస్తున్న ఫ్యాన్స్.. సోషల్ మీడియాలో తెగ షేర్ చేస్తున్నారు. అయితే ఈ యాడ్స్ కోసం ఇప్పుడు నెట్టింట జోరుగా చర్చ సాగుతోంది.

ఐపీఎల్ మ్యాచ్ ల మధ్య యాడ్స్ కోసం కల్కి మేకర్స్ కోట్లలో ఖర్చు చేస్తున్నట్లు తెలుస్తోంది. ఒక్క యాడ్ 12 సెకన్లు ఉండగా.. రూ.3 కోట్లు చెల్లిస్తున్నట్లు సమాచారం. తెలుగు, తమిళ, హిందీ సహా పలు భాషల్లో కల్కి మూవీ విడుదల కానుండడం వల్ల మేకర్స్.. ప్రమోషన్స్ విషయంలో ఎక్కడా రాజీ పడడం లేదని టాక్ వినిపిస్తోంది. దానికి తోడు.. మ్యాచ్ ఆడే జట్ల బట్టి వ్యూయర్స్ ఉంటారు. కొన్ని మ్యాచులను 50 మిలియన్లకుపైగా ఐపీఎల్ ఫ్యాన్స్ చూస్తున్నారు.

అందుకే అంత మొత్తంలో మేకర్స్ చెల్లించాల్సి వస్తుందని తెలుస్తోంది. ఇక ఈ సినిమా నార్త్ లో భారీ ఓపెనింగ్స్ సాధిస్తుందని సినీ పండితులు అంచనా వేస్తున్నారు. పలువురు బాలీవుడ్ నటులు మూవీలో భాగమవ్వడం కల్కికి ప్లస్ పాయింట్ అని చెబుతున్నారు. కెరీర్ లో తొలిసారి సైన్స్ ఫిక్షన్ మూవీతో ప్రేక్షకుల ముందుకు రానున్నారు ప్రభాస్. దీంతో ఫ్యాన్స్ ఓ రేంజ్ లో పెట్టుకున్నారు. మరి ఈ సినిమా బాక్సాఫీస్ వద్ద ఎలాంటి రికార్డులు క్రియేట్ చేస్తుందో చూడాలి.