డార్లింగ్ దిగేసాడు.. మారుతి ప‌రుగులెట్టించాల్సిందే!

పాన్ ఇండియా స్టార్ ప్ర‌భాస్ విదేశీ వెకేష‌న్ పూర్త‌యింది. రెండు నెలలుగా విదేశాల్లో ఉన్న డార్లింగ్ భాగ్య‌న‌గ‌రానికి చేరుకున్నారు. మ‌ళ్లీ ఇప్పుడు షూటింగ్ లో బిజీ అవ్వ‌డానికి రెడీ అవుతున్నారు. ఈ నేప‌థ్యంలో ముందుగా మారుతి సినిమా పూర్తిచేసే ప్లాన్ లో ఉన్న‌ట్లు తెలిసింది. ఇప్ప‌టికే వీళ్లిద్ద‌రి కాంబినేష‌న్ లో ఓ సినిమా తెర‌కెక్కుతోన్న సంగ‌తి తెలిసిందే. కొద్ది భాగం షూటింగ్ కూడా పూర్త‌యింది. ఇదే స‌మ‌యంలో `ప్రాజెక్ట్-కె`..`స‌లార్` షూటింగ్ ల్లోనూ పాల్గొనేవారు.

`స‌లార్` చిత్రీక‌ర‌ణ పూర్త‌వ్వ‌డంతో లాంగ్ బ్రేక్ తీసుకున్నారు. ఈ క్ర‌మంలో `ప్రాజెక్ట్-కె` ప‌బ్లిసిటీ ప‌నులు స‌హా త‌న వెకేష‌న్ ని కూడా ప్లాన్ చేసుకున్నారు. `ప్రాజెక్ట్ -కె` టీమ్ అమెరికా కామిక్ కాన్ కి బ‌య‌ల్దేర‌దానికి ముందుగానే డార్లింగ్ విదేశాలు చేరుకున్నాడు. అక్క‌డ నుంచి నేరుగా యూఎస్ చేరుకుని ఆ ప‌నులు ముగించుకున్నారు. తాజాగా వెకేష‌న్ కూడా పూర్త‌వ్వ‌డంతో ఇండియాకి చేరుకున్నారు. ఈ నేప‌థ్యంలో వ‌చ్చే వారం నుంచి కొత్త షెడ్యూల్ హైద‌రాబాద్ లో ప్రారంభం అవుతుంది.

అందుకోసం ప్ర‌త్యేక‌మైన సెట్ ని సిద్దం చేసారు. ఇందులో ప్ర‌భాస్ తో పాటు.. ఇత‌ర తార‌గ‌ణంపై చిత్రీక‌ర‌ణ జ‌ర‌ప‌నున్నారు. ఈనెల‌ఖ‌రు వ‌ర‌కూఈ షెడ్యూల్ ఉంటుంద‌ని స‌మాచారం. ఇదే ఊపులో మారుతి షూటింగ్ మొత్తం పూర్తి చేయాల్సి ఉందిట‌. ప్రాజెక్ట్ -కె షూటింగ్ కి విరామం ప్ర‌క‌టించిన నేప‌థ్యంలో ఈ గ్యాప్ లో మారుతిని షూట్ మొత్తం పూర్తి చేయాల్సిందే ఆదేశాలిచ్చిన‌ట్లు స‌మాచారం.

అందుకే ఈనెలంతా ఒకే షెడ్యూల్ లో కీల‌క స‌న్నివేశాలు మొత్తం పూర్తిచేసే ప్లాన్ లో ఉన్న‌ట్లు తెలుస్తోంది. దీంతో ప్ర‌భాస్ పై షూట్ దాదాపు పూర్త‌వుతుంద‌ని చెప్పొచ్చు. బ్యాలెన్స్ షూటింగ్ మారుతి రిలాక్స్ గా చేసుకునే అవ‌కాశం ఉంటుంది. అయితే సెట్ లో ప్ర‌భాస్ ఉన్న‌న్ని రోజులు మారుతి టీమ్ ని ప‌రుగులు పెట్టించాల్సిందే. ఎంత వీలైతే అంత తొంద‌ర‌గా డార్లింగ్ ని పంపించాలి. మారుతి ముందున్న పెద్ద ప‌ని అది.

ప్ర‌భాస్ ఎంతో కీల‌క‌మైన స‌మ‌యాన్ని మారుతి సినిమా కోసం కేటాయించారు. మారుతితో సినిమా ఏంటి? అన్న విమ‌ర్శ‌లు తెర‌పైకి వ‌చ్చాయి. వాట‌న్నింటికి స‌మాధానంగా మారుతి వీలైనంత వేగంగా సినిమా పూర్తి చేసి ప్రేక్ష‌కుల ముందుకు తీసుకొచ్చి హిట్ ఇవ్వ‌డ‌మే. మారుతిపై విమ‌ర్శ‌ల‌కు హిట్ మాత్ర‌మే చెక్ పెడుతుంది. ఇది ప‌క్కా మారుతి మార్క్ ఎంట‌ర్ టైన‌ర్. థ్రిల్ల‌ర్ -రొమాంటిక్ చిత్రం. ఇందులో ముగ్గురు భామ‌లు హీరోయిన్ల‌గా న‌టిస్తోన్న సంగ‌తి తెలిసిందే.