ప్రభాస్ - మారుతి.. ఆ బిగ్ స్టార్ రంగంలోకి

ప్రభాస్ మారుతి కాంబినేషన్లో రాబోతున్న సినిమా పై ఇప్పటివరకు అఫీషియల్ గా ఎలాంటి క్లారిటీ ఇవ్వలేదు. అయినప్పటికీ ఈ సినిమా షూటింగ్ అయితే ఏ మాత్రం స్లో అవ్వకుండా స్పీడ్ పెంచుకుంటుంది. దర్శకుడు మారుతి కంటెంట్ పై అయితే చాలా నమ్మకంగా ఉన్నాడు. అలాగే ప్రభాస్ ఈ సినిమాలో చాలా హ్యాండ్సమ్ గా కూడా కనిపిస్తాడు అని ఫ్యాన్స్ లో చాలా హోప్స్ అయితే ఉన్నాయి.

ఇక ప్రాజెక్ట్ షూటింగ్ దాదాపు సగం వరకు పూర్తయినట్లుగా ఇదివరకే ఒక టాక్ వినిపించిన విషయం తెలిసిందే. ఇక సినిమా షూటింగ్ ఎంత వేగంగా కొనసాగుతున్న కూడా నిర్మాణ సంస్థ పీపుల్స్ మీడియాతో పాటు దర్శకుడు మారుతి అలాగే హీరో ప్రభాస్ ఎవరూ కూడా సరైన అప్డేట్ అయితే ఇవ్వడం లేదు. దానికి ఇంకా చాలా టైం ఉందని చెబుతూ వస్తున్నారు.

ప్రభాస్ అయితే కల్కి సినిమా షూటింగ్లో కూడా బిజీగా ఉన్నాడు. మరో వారం రోజుల్లో సలార్ రెగ్యులర్ ప్రమోషన్స్ కూడా మొదలయ్యే అవకాశం ఉంది. ఇక మారుతి తో చేయబోతున్న సినిమాలో బాలీవుడ్ స్టార్ సంజయ్ దత్ కూడా ఒక ప్రత్యేకమైన పాత్రలో కనిపించబోతున్నట్లు ఇదివరకే ఒక క్లారిటీ వచ్చిన విషయం తెలిసిందే. ప్రస్తుతం ఆయనకు సంబంధించిన ఒక లుక్ టెస్ట్ అయితే ముంబైలో జరుగుతోంది.

అందుకోసం దర్శకుడు మారుతి కూడా ముంబై వెళ్ళాడు. ఈ వారంలో ఫైనల్ లుక్ ను ఫిక్స్ చేసుకొని ఆయనతో కూడా షూటింగ్ మొదలు పెట్టడానికి రెడీ అయ్యారు. ఈనెల 18వ తేదీన మరొక కీలకమైన షెడ్యూల్ మొదలు కాబోతోంది. అందులో సంజయ్ కూడా పాల్గొంటారని తెలుస్తోంది. ఇక ప్రభాస్ సలార్ సినిమా ప్రమోషన్ చూసుకొని సినిమా రిలీజ్ తర్వాత మారుతి సినిమా షూటింగ్లో పాల్గొనే అవకాశం ఉంది.

ఇక గ్యాప్ లేకుండా ప్రభాస్ ఒక రెండు వారాలపాటు మారుతి సినిమాకే డేట్స్ కేటాయించినట్లుగా తెలుస్తోంది. అనంతరం మళ్లీ నాగ్ అశ్విన్ కల్కి తో కూడా ప్రభాస్ బిజీ కానున్నాడు. ఆ సినిమా షూటింగ్ ను కూడా వీలైనంత తొందరగా పూర్తి చేయాలని ఆలోచనలో ఉన్నాడు. ఇక లిస్టులో హను రాఘవపూడి తో కూడా ఒక సినిమాను స్టార్ట్ చేయాల్సి ఉంది. ఈ ప్రాజెక్టుపై కూడా త్వరలోనే అఫీషియల్ గా అనౌన్స్మెంట్ వచ్చే ఛాన్స్ ఉంది.