సంక్రాంతికి ప్రభాస్ సినిమా..?

ఆదిపురుష్ తర్వాత ప్రభాస్ సలార్ అసలైతే ఈ నెల చివరన రిలీజ్ అవ్వాల్సి ఉంది. కానీ సీజీ వర్క్ పూర్తి కాకపోవడంతో ఆ సినిమా వాయిదా వేసినట్టు తెలుస్తుంది. అయితే సెప్టెంబర్ మిస్ అయిన ఈ సినిమా నవంబర్ దివాళి రేసులో దించుతారని టాక్. అయితే నవంబర్ కన్నా డిసెంబర్ లేదా జనవరి సంక్రాంతి సీజన్ అయితే బెటర్ అనే ఆలోచన కూడా చేస్తున్నారట మేకర్స్. హోంబలే ప్రొడక్షన్స్ లో ప్రశాంత్ నీల్ డైరెక్ట్ చేస్తున్న సలార్ పార్ట్ 1 రిలీజ్ పై క్లారిటీ రావాల్సి ఉంది.

ఇక ఈ సినిమాతో పాటుగా ప్రభాస్ నాగ్ అశ్విన్ డైరెక్షన్ లో కల్కి 2898 ఏడి సినిమా చేస్తున్నాడు. హాలీవుడ్ స్టాండర్డ్స్ లో తెరకెక్కుతున్న ఈ సినిమా 2024 సమ్మర్ రిలీజ్ ఫిక్స్ చేసుకుంది. ఈ మూవీతో పాటుగా మారుతి డైరెక్షన్ లో ప్రభాస్ సినిమా సెట్స్ మీద ఉంది. రాజా డీలక్స్, రాయల్ టైటిల్స్ పరిశీలనలో ఉన్న ఈ సినిమా రిలీజ్ ఎప్పుడన్నది తెలియాల్సి ఉంది. ఈ సినిమాను సంక్రాంతికి రిలీజ్ చేస్తే ఎలా ఉంటుంది అనే ఆలోచనలో ఉన్నారట దర్శక నిర్మాతలు.

ఎలాగు సంక్రాంతికి మహేష్ ఒక్కడు తప్ప వేరే స్టార్ రావట్లేదు. రవితేజ ఈగల్ కూడా పొంగల్ రేసులో దిగుతుంది. పవన్ ఓజీ, విజయ్ దేవరకొండ ఫ్యామిలీ స్టార్ కూడా సంక్రాంతికి వస్తాయని టాక్. అయితే రేసులో ప్రభాస్ ఉంటే మాత్రం ఈ లెక్కలు మారే అవకాశం ఉంటుంది. మారుతి ప్రభాస్ కాంబోలో థ్రిల్లర్ జోనర్ లో సినిమా తెరకెక్కుతుంది. ఈ సినిమాలో ప్రభాస్ సరసన మాళవిక మోహనన్ హీరోయిన్ గా నటిస్తుంది.

బాహుబలి తర్వాత ప్రభాస్ చేస్తున్న మీడియం రేంజ్ బడ్జెట్ సినిమా ఇదే అని చెప్పొచ్చు. మారుతి కూడా తన కెరీర్ లో స్టార్ హీరోతో చేస్తున్న సినిమా కూడా ఇదే. ఆల్రెడీ వెంకటేష్ లాంటి పెద్ద హీరోతో చేసినా ఈ తరం స్టార్ ప్రభాస్ ని డైరెక్ట్ చేస్తున్నాడు. మారుతి ప్రభాస్ సినిమాకు థమన్ మ్యూజిక్ అందిస్తున్నారు. ఈ సినిమాలో ప్రబాస్ లుక్ అండ్ స్టైల్ కూడా అదిరిపోతాయని టాక్. మొదట్లో మారుతితో సినిమా ఏంటని ప్రభాస్ ఫ్యాన్స్ కాస్త అసంతృప్తి వ్యక్తం చేసినా సినిమా నుంచి వస్తున్న ఫోటోస్ చూసి శాటిస్ఫై అయ్యారు. మరి ఈ కాంబోలో వస్తున్న ఈ సినిమా ఎలాంటి సెన్సేషన్స్ క్రియేట్ చేస్తుందో చూడాలి.