ప్రభాస్ సినిమా.. బ్లడ్ పెట్టేస్తున్నా అంటున్న దర్శకుడు..!

చిన్న సినిమాలతో దర్శకుడిగా పరిచయమై మీడియం రేంజ్ సినిమాలు చేస్తూ ఆ డైరెక్టర్ సినిమా అంటే పక్కా పైసా వసూల్ అనే రేంజ్ కి ఎదిగాడు దర్శకుడు మారుతి. ఆయన చేస్తున్న ఏ సినిమా అయినా సరే ఆడియన్స్ ఎంటర్టైన్ అవడం ఫిక్స్ అని చెప్పొచ్చు. హిట్ రేషియో.. కమర్షియల్ లెక్కలు పక్కన పెడితే ఈ తరం దర్శకుల్లో మీడియం రేంజ్ సినిమాలు చేస్తూ సక్సెస్ ఫుల్ కెరీర్ కొనసాగిస్తున్న వారిలో మారుతి టాప్ 3 లో ఉంటాడని చెప్పొచ్చు.

అలాంటి మీడియం రేంజ్ డైరెక్టర్ కి బాహుబలి ప్రభాస్ సినిమా ఛాన్స్ వచ్చింది. సినిమా ఎలా కుదిరింది.. ఎప్పుడు మొదలైంది అన్నది పక్కన పెడితే మారుతి సినిమా అనగానే రెబల్ స్టార్ ఫ్యాన్స్ కాస్త డిజప్పాయింట్ అయ్యారు. కానీ మారుతి మాత్రం ప్రాజెక్ట్ మీద చాలా కాన్ఫిడెంట్ గా ఉన్నాడు. ప్రభాస్ సినిమా గురించి రీసెంట్ గా మీడియాతో మాట్లాడిన మారుతి తన కెరీర్ లో ప్రభాస్ లాంటి హీరోతో సినిమా చేయడం ఎగ్జైటింగ్ గా ఉన్నాను.

ప్రభాస్ సినిమా కోసం తన స్వెట్, బ్లడ్, టియర్స్ పెట్టేస్తున్నా అన్నారు మారుతి. మామూలుగానే తన ప్రతి సినిమాకు మారుతి చాలా ఫోకస్ గా పనిచేస్తాడు. సినిమా ఓపెనింగ్ చేస్తాడు పూర్తి చేసి రిలీజ్ చేస్తాడు. మధ్యలో షూటింగ్ కి సంబంధించిన ఎలాంటి అప్డేట్స్ బయటకు రావు.. కానీ అవుట్ పుట్ మాత్రం అదిరిపోతుంది. అదే ఫార్ములాని ప్రభాస్ సినిమాకు అప్లై చేస్తున్నాడు మారుతి.

ప్రభాస్ తో చేస్తున్న సినిమా అప్డేట్స్ కోసం ఫ్యాన్స్ ఎంతో ఆసక్తిగా ఎదురుచూస్తున్నారు. కానీ మారుతి మాత్రం సినిమాకు సంబంధించి ఎలాంటి క్లూస్ ఇవ్వట్లేదు. కనీసం ఫస్ట్ లుక్ లాంటిది కూడా వదల్లేదు. అయితే సినిమా పూర్తి చేశాక రిలీజ్ టైం లో ప్రమోషన్స్ స్టార్ట్ చేస్తామని అంటున్నారు. ప్రభాస్ చేస్తున్న భారీ సినిమాల మధ్యలో ఈ థ్రిల్లర్ ఎంటర్టైనర్ ప్రేక్షకులను సర్ ప్రైజ్ చేస్తుందని చెబుతున్నారు. మారుతి ప్రభాస్ కాంబోలో వస్తున్న ఈ సినిమాలో మలయాళ భామ మాళవిక మోహనన్ హీరోయిన్ గా నటిస్తుంది. యువి క్రియేషన్స్ బ్యానర్ లో వస్తున్న ఈ సినిమాకు థమన్ మ్యూజిక్ అందిస్తున్నారు. ఈ సినిమాను నెక్స్ట్ ఇయర్ సెకండ్ హాఫ్ లో రిలీజ్ ప్లాన్ చేస్తున్నట్టు తెలుస్తుంది. డిసెంబర్ 23న ప్రభాస్ సలార్ 1 రిలీజ్ అవుతుంది.