16ఏళ్ల తర్వాత ప్రభాస్​-నయన్​.. ఏ సినిమాలో అంటే

పాన్ ఇండియా స్టార్స్​ ప్రభాస్ - నయనతార చాలా ఏళ్ల తర్వాత మళ్లీ కలిసి నటించనున్నారా? అంటే అవుననే సమాధానం వినిపిస్తోంది. 2007లో యోగి సినిమాలో జంటగా నటించిన వీరిద్దరు.. ఇప్పుడు మళ్లీ 16 ఏళ్ల తర్వాత కలిసి నటించేందుకు సిద్ధమయ్యారట. ఇంతకీ ఈ ఇద్దరు స్టార్స్​ కలిసి నటించనున్న సినిమా ఏంటో తెలుసా?

వివరాళ్లోకి వెళితే... మంచు విష్ణు కలల ప్రాజెక్ట్​ 'కన్నప్ప'. ఈ చిత్రం ఇటీవలే సెట్స్​పైకి వెళ్లింది. ముఖేశ్​ కుమార్‌ సింగ్‌ దర్శకత్వంలో పాన్‌ ఇండియా సినిమాగా రూపొందుతోంది. డైలాగ్ కింగ్​ మోహన్‌బాబు, ఆయన తనయుడు విష్ణు కలిసి సంయుక్తంగా చిత్రాన్ని నిర్మిస్తున్నారు. విష్ణు ప్రధాన పాత్రలో నటిస్తున్నారు. ఇందులో ప్రభాస్ కూడా గెస్ట్ రోల్​లో కనిపించనున్నారు. అది కూడా శివుడి పాత్రలో అని ప్రచారం సాగగా.. మంచు విష్ణు కూడా ఓ ట్వీట్​తో ఈ విషయాన్ని కన్ఫామ్ చేశారు.

అయితే ఇప్పుడిదే సినిమాలో నయనతార యాక్ట్ చేయనుందని తెలిసింది. ఈ విషయాన్ని సీనియర్ నటి మధు బాల కన్ఫామ్ చేశారు. ఆమె తన కొత్త సినిమాల గురించి మాట్లాడుతూ.. ప్రభాస్-నయతార ప్రాజెక్ట్ లో భగమయ్యారని స్పష్టత ఇచ్చారు. అయితే ప్రభాస్ శివుడి పాత్రకు జోడీగా నయన్​ పార్వతిగా కనిపించనుందని బయట టాక్ వినిపిస్తోంది.

అంటే యోగి సినిమా తర్వాత అంటే.. దాదాపు 16ఏళ్ల తర్వాత కలిసి మళ్లీ ప్రభాస్-నయన్​ నటిస్తున్నారు. కాగా, ఇప్పటికే నయన్​.. పలు సినిమాల్లో అమ్మవారిగా కనిపించి ప్రేక్షకుల్ని బాగానే ఆకట్టుకుంది. ఇకపోతే కన్నప్ప చిత్రం విషయానికొస్తే.. మహాకవి ధూర్జటి రాసిన శ్రీకాళహస్తీశ్వర శతకంలోని భక్త కన్నప్ప చరిత్రను స్ఫూర్తిగా తీసుకొని రూపొందిస్తున్నారు. మణిశర్మ, స్టీఫెన్‌ దేవాసి స్వరాలు సమకూరుస్తున్నారు. విదేశాల్లో ఈ సినిమా చిత్రీకరణ జరుపుకోనుంది.

కాగా, ప్రభాస్ త్వరలోనే సలార్, ప్రాజెక్ట్​ కె కల్కి, స్పిరిట్​, మారుతి దర్శకత్వంలో ఓ సినిమాతో పలకరించనున్నారు. ఇక నయనతార ఇటీవలే షారుక్ ఖాన్​ తో కలిసి జవాన్​ చిత్రంతో ఆడియెన్స్ ముందుకు వచ్చింది.