గామి.. ప్రభాస్ సూపర్ బూస్ట్

టాలీవుడ్ సినీ ప్రియులు మాస్ కా దాస్ అని ముద్దుగా పిలుచుకునే యంగ్ హీరో విశ్వక్ సేన్ వరుస సినిమాలతో దూసుకెళ్తున్నారు. గతేడాది దాస్ కా ధమ్కీ హిట్ తో కొట్టిన విశ్వక్.. ఈ ఏడాది రెండు మూడు చిత్రాలతో అలరించనున్నారు. నాలుగేళ్లుగా షూటింగ్ జరుపుకుంటున్న గామి మూవీని ఇటీవల రేసులోకి తీసుకొచ్చారు విశ్వక్. శివరాత్రి కానుకగా ప్రేక్షకుల ముందుకు తీసుకురానున్నారు.

అయితే ఇప్పటి వరకు మాస్ రోల్స్ ఎక్కువగా చేసిన విశ్వక్ సేన్.. గామి మూవీలో వైవిధ్యమైన పాత్రలో అలరించనున్నారు. మానవ స్పర్శ తట్టుకోలేని ఓ అఘోరగా కనిపించనున్నారు. ఇప్పటికే ఈ మూవీ నుంచి వచ్చిన ప్రమోషనల్ కంటెంట్ సినిమాపై ఆసక్తిని పెంచింది. ఈ సినిమా మేకర్స్ ఇటీవల రిలీజ్ చేసిన టీజర్.. సినిమాపై మరింత హైప్ క్రియేట్ చేసింది. యూట్యూబ్ లో నెం.1 ట్రెండింగ్ లో ఉంది.

తాజాగా ఈ సినిమా టీజర్ పై పాన్ ఇండియా స్టార్ ప్రభాస్ ఇన్ స్టాగ్రామ్ వేదికగా ప్రశంసలు కురిపించారు. మూవీ టీమ్ కు బిగ్ బూస్టింగ్ ఇచ్చారు. టీజర్ ఎక్స్ ట్రార్డినరీగా ఉందని ప్రభాస్ తెలిపారు. ఫిబ్రవరి 29వ తేదీన రిలీజ్ కానున్న ట్రైలర్ కోసం వేచి చూస్తున్నట్లు చెప్పారు. ప్రభాస్ ఇన్‌ స్టా స్టోరీని రీ షేర్ చేశారు విశ్వక్ సేన్. అయితే ప్రభాస్ ఎంత బిజీగా ఉన్నా.. కంటెంట్ ఉన్న సినిమాలను ఎంకరేజ్ చేయడంలో ముందు ఉంటారని ఫ్యాన్స్ కామెంట్లు పెడుతున్నారు.

గామి మూవీలో విశ్వక్ సేన్ కు జోడీగా చాందినీ చౌదరి నటించింది. ఆమెతోపాటు ఎంజీ అభినయ, మహ్మద్‌ సమద్‌, దయానంద్‌ రెడ్డి, హారికా తదితరులు కీలక పాత్రల్లో నటిస్తున్నారు కనిపించనున్నారు. వీరందరి పాత్రలను టీజర్ లో పరిచయం చేశారు మేకర్స్. గామి వరల్డ్ స్టోరీ ఏ మాత్రం ఎక్కడా రివీల్ కాకుండా చాలా జాగ్రత్తగా టీజర్ ను మేకర్స్ కట్ చేశారు. మొదట్లో వచ్చిన మ్యాప్ ఇంట్రెస్టింగ్ గా ఉంది.

వి.సెల్యూలాయిడ్‌ బ్యానర్ పై కార్తీక్ శబరీష్‌ గామి చిత్రాన్ని నిర్మిస్తున్నారు. విద్యాధర్ కగిత దర్శకత్వం వహించిన ఈ సినిమాకు సంబంధించి విశ్వక్ సేన్‌, చాందినీ చౌదరి తమ డబ్బింగ్‌ పార్ట్ ను పూర్తి చేశారట. మార్చి 8న థియేటర్లలో విడుదల కానుంది ఈ సినిమా. అయితే మార్చి 8న విశ్వక్ సేన్ హీరోగా నటించిన మరో మూవీ గ్యాంగ్స్ ఆఫ్ గోదావరి విడుదల కావాల్సి ఉంది. కానీ ఆ స్థానంలోకి ఇప్పుడు గామి చిత్రం వచ్చింది.