ప్రభాస్ కోసం ప్రతి వీకెండ్ అలా!

స్టార్ హీరో ప్రభాస్.. ప్రస్తుతం చేతి నిండా పాన్ ఇండియా చిత్రాలతో బిజీగా ఉన్న విషయం తెలిసిందే. మరికొద్ది రోజుల్లో కల్కి సినిమాతో ప్రేక్షకుల ముందుకు రాబోతున్నారు. నాగ్ అశ్విన్ తెరకెక్కిస్తున్న ఈ సైన్స్ ఫిక్షన్ డిస్టోపియన్ మూవీపై ఆడియన్స్ లో భారీ అంచనాలే ఉన్నాయి. రీసెంట్ గా రాజా సాబ్ సెట్స్ లో కూడా అడుగుపెట్టారు ప్రభాస్. డార్లింగ్ అప్ కమింగ్ మూవీల కోసం అంతా ఎంతో ఎదురుచూస్తున్నారు.

సినీ ఇండస్ట్రీలో ప్రభాస్ ను చాలా మంది సెలబ్రిటీలు పొగుడుతుంటారు. తన సినిమాల హీరోయిన్స్.. ప్రభాస్ పెట్టే ఫుడ్ తో పాటు ఆయన మంచితనం గురించి వివిధ సందర్భాల్లో అభినందిస్తుంటారు. ఇప్పుడు హీరోయిన్ పాయల్ రాజ్ పుత్.. ప్రభాస్ గురించి చేసిన ఆసక్తికర వ్యాఖ్యలు నెట్టింట వైరల్ గా మారాయి. తానే స్వయంగా వంట చేసి ప్రభాస్ కు వడ్డిస్తానని, ఛాన్స్ వస్తే తన చేత్తో తినిపిస్తానని కూడా చెప్పి షాకిచ్చింది పాయల్!

అయితే ప్రభాస్.. రీసెంట్ గా పెట్టిన ఓ పోస్ట్ ఎంతటి వైరల్ అయిందో అందరికీ తెలిసిందే. మన జీవితాల్లో ఒక స్పెషల్ రాబోతున్నారని పోస్ట్ చేశారు. దీంతో అందరూ ఆ పోస్ట్ ప్రభాస్ పెళ్లి మ్యాటర్ కోసమేనని అనుకున్నారు. కానీ తర్వాత అదంతా తూచ్ అని తేలిపోయింది. కల్కి మూవీ ప్రమోషన్లలో భాగంగా ఆయన అలా పోస్ట్ పెట్టారని క్లారిటీ వచ్చింది. అదే సమయంలో పాయల్ తన సోషల్ మీడియా అకౌంట్ లో ఓ ఫోటో షేర్ చేసింది.

"నేను కూడా ఒకరికి డార్లింగ్ ను.. ఎవరికో గెస్ చేయండి" అని పాయల్ క్యాప్షన్ ఇచ్చింది. దీంతో ప్రభాస్, పాయల్ మధ్య ఏదో ఉందని నెట్టింట వార్తలు వచ్చాయి. అదే సమయంలో రీసెంట్ గా ఓ ఇంటర్వ్యూలో ప్రభాస్ గురించి పాయల్ చేసిన వ్యాఖ్యలు వైరల్ అయ్యాయి. ప్రభాస్ అంటే తనకు చాలా ఇష్టమని ఆ ఇంటర్య్వూలో తెలిపింది. ఆదివారాలు సపరేట్ గా ప్రభాస్ కోసం కేటాయిస్తానని, ఆయన కోసం స్వయంగా వంట చేసి లంచ్ ఏర్పాటు చేస్తానని తెలిపింది.

తన ఫేవరెట్ రాజ్మా రైస్ ను స్పెషల్ గా వండి, ఛాన్స్ వస్తే చేత్తో ప్రభాస్ కు తినిపిస్తానని చెప్పింది పాయల్. దీంతో ఈ బ్యూటీ ప్రభాస్ కు ఇంత పెద్ద అభిమానా అని అంతా ఆశ్చర్యపోతున్నారు. అయితే ఆర్ ఎక్స్ 100 మూవీతో హీరోయిన్ గా పరిచయమైన పాయల్.. ఫస్ట్ మూవీతో మంచి హిట్ కొట్టింది. ఆ తర్వాత ఛాన్సులు అందుకోలేకపోయింది. రీసెంట్ గా 'మంగళవారం' సినిమాతో మరో హిట్ సాధించింది పాయల్ రాజ్ పుత్.