రాజాసాబ్ రాఖీ సెలబ్రేషన్‌
సినిమా స్టార్స్‌ పండుగ సెలబ్రేషన్స్‌ ఫోటోలు సోషల్ మీడియాలో రెగ్యులర్‌ గా వైరల్‌ అవుతూ ఉంటాయి.
By: Tupaki Desk | 21 Aug 2024 9:31 AM GMT
సినిమా స్టార్స్‌ పండుగ సెలబ్రేషన్స్‌ ఫోటోలు సోషల్ మీడియాలో రెగ్యులర్‌ గా వైరల్‌ అవుతూ ఉంటాయి. తాజాగా రాఖీ పండుగ సందర్భంగా చాలా మంది సెలబ్రిటీలు రాఖీ కట్టుకుంటూ ఫోటోలు వీడియోలను షేర్‌ చేయడం జరిగింది. యంగ్‌ రెబల్‌ స్టార్‌ ప్రభాస్ కూడా తన సోదరితో జరుపుకున్న రాఖీ పండుగ ఫోటో ప్రస్తుతం సోషల్ మీడియాలో వైరల్‌ అవుతోంది. ప్రభాస్ ఏ ఫోటో అయినా సోషల్ మీడియాలో పెద్ద ఎత్తున వైరల్‌ అవ్వడం మనం చూస్తూ ఉంటాం. ఇప్పుడు సోదరితో రక్షా బంధన్‌ జరుపుకుంటున్న ఫోటో అవ్వడంతో అంతకు మించి అన్నట్లుగా వైరల్‌ అవుతున్నాయి.
ప్రభాస్ తన పెదనాన్న కృష్ణంరాజు కుమార్తెలను సొంతం చెల్లెల్లుగా భావిస్తాడు. వారితోనే రెగ్యులర్‌ గా రాఖీ కట్టించుకోవడం, ఆ ఫోటోలను షేర్‌ చేయడం చేస్తూ ఉంటాడు. ఈసారి కూడా ప్రభాస్ సోదరి ప్రసీద రాఖీ కట్టిన ఫోటోలు వైరల్‌ అవుతున్నాయి. అన్న చెల్లి మధ్య చాలా సన్నిహిత సంబంధాలు ఉన్నాయి. ఆ అనుబంధంతోనే ప్రసీద నిర్మాణంలో ప్రభాస్ ఒక సినిమాను కూడా చేయడం జరిగింది. యూవీ క్రియేషన్స్ బ్యానర్‌ నిర్మాతలతో కలిసి ప్రసీద రాధేశ్యామ్‌ సినిమా నిర్మాణ బాగస్వామిగా వ్యవహరించింది.
ముందు ముందు పెదనాన్న బ్యానర్‌ లో ప్రసీద నిర్మాణంలో ప్రభాస్ మరిన్ని సినిమాలు చేసే అవకాశం ఉందని కుటుంబ సభ్యుల ద్వారా సమాచారం అందుతోంది. ప్రస్తుతం ఈ అన్న చెల్లెలు రాఖీ పండుగ కి సంబంధించిన ఫోటోలు వైరల్‌ అవుతున్నాయి. అసలే పెద్ద మనసు ఉన్న ప్రభాస్ తన చెల్లి రాఖీ కడితే ఏం ఇచ్చి ఉంటాడో కదా అంటూ అంతా కూడా ఆసక్తిగా చర్చించుకుంటున్నారు. ప్రభాస్ తన అనుకున్న వారికి ఎంతటి సాయం చేసేందుకు అయినా, తనవారి కోసం ఎంత దూరం అయినా వెళ్లేందుకు సిద్ధం అన్నట్టుగా ఉంటాడు. కనుక ప్రసీద నిజంగా ప్రభాస్ సోదరి అవ్వడం లక్కీ అంటూ నెటిజన్స్ కామెంట్స్ చేస్తున్నారు.
ఇక ప్రభాస్ సినిమాల విషయానికి వస్తే సలార్‌ మరియు కల్కి సినిమాలతో భారీ విజయాలను సొంతం చేసుకున్నాడు. ప్రస్తుతం రాజాసాబ్ సినిమాతో పాటు హను రాఘవపూడి దర్శకత్వంలో ఫౌజీ సినిమాలో నటిస్తున్న విషయం తెల్సిందే. మరో వైపు సలార్‌ 2, కల్కి 2 మరియు స్పిరిట్‌ సినిమాలు కూడా రాబోయే రోజుల్లో సెట్స్ పైకి వెళ్లబోతున్నాయి. సీతారామం సినిమాతో సూపర్‌ హిట్ ను దక్కించుకున్న దర్శకుడు హను రాఘవపూడి ఇటీవలే ఫౌజీ సినిమాను మొదలు పెట్టాడు. ప్రభాస్ ను సరికొత్త పాత్రలో చూపించేందుకు హను రెడీ అవుతున్నాడు. రాబోయే రెండేళ్ల పాటు ప్రభాస్ నుంచి మూడు నాలుగు సినిమాలు బ్యాక్ టు బ్యాక్ వచ్చే అవకాశాలు ఉన్నాయి.
