సలార్.. ఇక ఇది ఫిక్స్ అయిపోండి..

యంగ్ రెబల్ స్టార్ ప్రభాస్ హీరోగా ప్రశాంత్ నీల్ దర్శకత్వంలో తెరకెక్కుతోన్న చిత్రం సలార్. భారీ బడ్జెట్ తో హోంబలే ఫిలిమ్స్ ఈ చిత్రాన్ని రెండు భాగాలుగా నిర్మిస్తోంది. అందులో మొదటి పార్ట్ సలార్ సీజ్ ఫైర్ రిలీజ్ కి సిద్ధం అవుతోంది. ఇప్పటికే రిలీజ్ కావాల్సి ఉన్న పోస్ట్ ప్రొడక్షన్ ఆలస్యం కావడంతో వాయిదా వేశారు. దీంతో డార్లింగ్ ఫ్యాన్స్ కొంత నిరుత్సాహానికి గురయ్యారు.

అయితే రిలీజ్ డేట్ పై గత కొద్ది రోజులుగా భిన్నమైన ప్రచారాలు తెరపైకి వచ్చాయి. వచ్చే ఏడాది సంక్రాంతికి రిలీజ్ అనే టాక్ నడిచింది. తరువాత మార్చిలో చేసే అవకాశాలు ఉన్నాయని ప్రచారం నడిచింది. అయితే మెజారిటీ వర్గాలు మాత్రం డిసెంబర్ లో రిలీజ్ చేయొచ్చని భావించారు. ఫైనల్ గా అదే నెలలో రిలీజ్ ని కన్ఫర్మ్ చేశారు.

డిసెంబర్ 22న సలార్ చిత్రాన్ని ప్రపంచ వ్యాప్తంగా రిలీజ్ చేయనున్నట్లు కన్ఫర్మ్ చేశారు. క్రిస్మస్ కానుకగా డార్లింగ్ ప్రభాస్ సలార్ తో అలరించడానికి సిద్ధం అవుతున్నట్లే తెలుస్తోంది. ఈ డేట్ ప్రకారం చూసుకుంటే ఇంకా గట్టిగా 2 నెలలు మాత్రం సలార్ రిలీజ్ కి ఉంది. ఈ రెండు నెలల్లో అవుట్ పుట్ పెర్ఫెక్ట్ గా సిద్దం చేయడంతో ప్రమోషన్స్ కూడా స్టార్ట్ చేసి బలంగా జనంలోకి సినిమాని పంపించాలి.

అదే రోజు షారుఖ్ ఖాన్ డుంకీ మూవీ కూడా రిలీజ్ కానున్న నేపథ్యంలో పోటీ మాత్రం గట్టిగా ఉంటుంది. బాలీవుడ్ లో సలార్ కంటే షారుఖ్ ఖాన్ డుంకీ సినిమాకి ఎక్కువ బజ్ ఉండే అవకాశాలు ఉన్నాయి. మరో వైపు విక్టరీ వెంకటేష్ సైంధవ్ సినిమాతో కూడా అదే రోజు రావాలని అనుకుంటున్నారు. ఆ సినిమా సలార్ కి పెద్ద పోటీ కాకపోయిన థియేటర్స్ పరంగా చాలెంజ్ అయ్యే అవకాశాలు కనిపిస్తున్నాయి.

మరి సలార్ 2 డేట్ ఫిక్స్ అయిన నేపథ్యంలో సినిమా రోరింగ్ ఎలా ఉండబోతోందనేది సర్వత్రా ఆసక్తికరంగా మారింది. మూవీ సక్సెస్ అయ్యి వెయ్యి కోట్ల గ్రాస్ పడితే టాలీవుడ్ కి ఈ ఏడాది మరల బూస్టింగ్ దొరికినట్లు అవుతుంది.