రిలీజ్ కి ముందే షారుక్ ని ఒణికిస్తోన్న స‌లార్!
`ప‌ఠాన్`..`జ‌వాన్` విజ‌యాల‌తో షారుక్ ఖాన్ రెట్టించిన ఉత్సాహంలో ఉన్నాడు. ఆ రెండు సినిమాలు రెండు వేల కోట్ల‌కు పైగా వ‌సూళ్ల‌ని సాధించాయి.
By: Tupaki Desk | 1 Oct 2023 7:28 AM GMT
`ప‌ఠాన్`..`జ‌వాన్` విజ‌యాల‌తో షారుక్ ఖాన్ రెట్టించిన ఉత్సాహంలో ఉన్నాడు. ఆ రెండు సినిమాలు రెండు వేల కోట్ల‌కు పైగా వ‌సూళ్ల‌ని సాధించాయి. ఇదే ఊపులో `డంకీ`తోనూ భారీ విజ‌యాన్ని ఖాతాలో వేసి హ్యాట్రిక్ న‌మోదు చేయాల‌ని చూస్తున్నారు. `డంకీ `హిట్ టాక్ తెచ్చుకుంటే 1500 కోట్ల వ‌ర‌కు రాబ‌ట్టే అవ‌కాశం ఉంద‌ని ఇప్ప‌టికే ట్రేడ్ అంచ‌నా వేస్తుంది. షారుక్ ఇమేజ్..రాజ్ కుమార్ హిరాణీ మేకింగ్ తో ఆ వ‌సూళ్లు పెద్ద క‌ష్ట‌మేం కాద‌ని ట్రేండ్ భావిస్తోంది.
డిసెంబ‌ర్ 22న రిలీజ్ తో ప్రేక్ష‌కుల ముందుకు రాబోతున్నారు. అయితే స‌రిగ్గా ఇదే రోజున పాన్ ఇండియా స్టార్ ప్ర‌భాస్ న‌టించిన `స‌లార్` కూడా ఫిక్సైంది. `డంకీ`తో సంబంధం లేకుండా `స‌లార్` చిత్రాన్ని రిలీజ్ చేస్తున్నారు. ఎవ‌రి సినిమా స‌త్తా వారిదనే కాన్పిడెన్స్ తో స‌లార్ బ‌రిలోకి దిగుతుంది. దీంతో రెండు సినిమాల మ‌ధ్య నువ్వా? నేనా? అన్న రేంజ్లో వార్ న‌డుస్తుంద‌ని తేలిపోయింది. అయితే ఈ వార్ లో షారుక్ ఖాన్ కి ముందుగానే టెన్ష‌న్ ప‌ట్టుకున్న‌ట్లు క‌నిపిస్తోంది. ఆయ‌న చేస్తోన్న కొన్ని ర‌కాల ప్ర‌య‌త్నాలే ఈ సందేహాన్ని క‌లిగిస్తున్నాయి.
`డంకీ` రిలీజ్ లో భాగంగా షారుక్ పెన్ సంస్థ అధినేత మ‌రుధ‌ర్ స‌హాయం కోరిన‌ట్లు స‌మాచారం. డంకీ డిస్ట్రిబ్యూష‌న్ పెన్ సంస్థ‌కి అప్ప‌గించ‌డం ద్వారా నార్త్ లో మేజ‌ర్ పార్ట్ థియేట‌ర్ల‌న్నీ బ్లాక్ చేయోచ్చు అన్న ఆలోచ‌న క‌నిపిస్తోంది. అలాగే రిల‌య‌న్స్ దిగ్గ‌జాన్ని రంగంలోకి దింపి త‌మ చేతిలో ఉన్న థియేట‌ర్లు కూడా డంకీ ఆక్యుపై చేసేలా షారుక్ మంత‌నాలు జ‌రుపుతున్న‌ట్లు స‌మాచారం. ఓటీటీ రైట్స్ కూడా ఇప్ప‌టికే జీయోకే క‌ట్ట‌బెట్టిన నేప‌థ్యంలో వాళ్ల నుంచి పూర్తి స‌హ‌కారం ఉంటుంద‌ని షారుక్ అండ్ కో భావిస్తోందిట.
ఈ సంకేతాల్ని బ‌ట్టి షారుక్ ని `స‌లార్` రిలీజ్ కి ముందు ఒణికిస్తున్న‌ట్లు క‌నిపిస్తోంది. హిందీ రీజియ‌న్ ప్ర‌భాస్ స‌త్తా ఇప్ప‌టికే ప్రూవ్ అయింది. `బాహుబ‌లి` భారీ వ‌సూళ్లు తెచ్చిన సంగ‌తి తెలిసిందే. ప్లాప్ టాక్ తెచ్చుకున్న `సాహో` కూడా హిందీ నుంచి మంచి వ‌సూళ్ల‌ని రాబ‌ట్టింది. భార‌త్ స‌హా వివిధ దేశాల్లోనూ ప్ర‌భాస్ ఇమేజ్ కి తిరుగులేదు. సినిమాకి పాజిటివ్ టాక్ వ‌చ్చిందంటే? బాక్సాఫీస్ వ‌ద్ద కాక మామూలుగా ఉండ‌దు. కోట్ల రూపాయాలు గ‌మ్మ‌రించేస్తుంది. అందుకే షారుక్ ముందుగానే అలెర్ట్ అయిన‌ట్లు క‌నిపిస్తోంది. స్థానికంగా `స‌లార్` నుంచి చిన్న ఇబ్బంది కూడా ఎదురు కాకుండా ముందుగానే సామ.. దాన దండోపాయాలన్నీ సిద్దం చేస్తున్న‌ట్లు క‌నిపిస్తోంది.
