ప్రభాస్ ఫ్యాన్స్ ఇది తట్టుకుంటారా?

యంగ్ రెబల్ స్టార్ ప్రభాస్ హీరోగా ప్రశాంత్ నీల్ దర్శకత్వంలో తెరకెక్కుతోన్న మూవీ సలార్. ఈ సినిమా డిసెంబర్ 22న ప్రపంచ వ్యాప్తంగా పాన్ ఇండియా రేంజ్ లో రిలీజ్ కాబోతోంది. భారీ బడ్జెట్ తో తెరకెక్కుతోన్న ఈ సినిమాపై దేశ వ్యాప్తంగా హైఎక్స్ పెక్టేషన్స్ ఉన్నాయి. బాహుబలి సిరీస్ తర్వాత ప్రభాస్ నుంచి సాలిడ్ హిట్ ఇప్పటి వరకు రాలేదు.

సలార్ మూవీతో ఆ కోరిక తీరుతుందని అభిమానులు ఎక్స్ పెక్ట్ చేస్తున్నారు. కేజీఎఫ్ సిరీస్ తర్వాత ప్రశాంత్ నీల్ నుంచి వస్తోన్న మూవీ కావడంతో కచ్చితంగా సూపర్ హిట్ అవుతుందని నమ్మకంగా ఉన్నారు. ఇదిలా ఉంటే ఈ సినిమా ఫస్ట్ ట్రైలర్ ని ప్రభాస్ బర్త్ డే సందర్భంగా ఈ నెల 23న రిలీజ్ చేస్తారని అందరూ ఎక్స్ పెక్ట్ చేశారు.

అయితే సలార్ టీం నుంచి దీనిపై ఇప్పటి వరకు ఎలాంటి అప్డేట్ లేదు. దీంతో బర్త్ డే గిఫ్ట్ గా ట్రైలర్ వచ్చే అవకాశం లేదని తేలిపోయింది. టెక్నికల్ వర్క్స్ ఇంకా పూర్తికాకపోవడం వలన ట్రైలర్ ని అందించలేకపోతున్నట్లు తెలుస్తోంది. దసరా రోజు కూడా మూవీ నుంచి ట్రైలర్, సాంగ్స్ లాంటి అప్డేట్స్ ఉండే ఛాన్స్ అయితే కనిపించడం లేదు.

ఓ విధంగా అభిమానులని ఇది తీవ్ర నిరాశకి గురి చేసే విషయం అని చెప్పాలి. అయితే ఫ్యాన్స్ ని కాస్తా అయిన సంతృప్తి పరిచే విధంగా కల్కి 2898 ఏడీ నుంచి బర్త్ డే విషెస్ పోస్టర్ ని రిలీజ్ చేసే అవకాశం కనిపిస్తోంది. అలాగే ప్రభాస్, మారుతి సినిమా నుంచి కూడా ఏదో ఒక అప్డేట్ వచ్చే ఛాన్స్ ఉంది. సలార్ టీం కూడా పోస్టర్ ని వదిలే అవకాశం ఉంది.

బర్త్ డే కి ట్రైలర్ లేకపోయిన ఈ కొత్త ప్రాజెక్ట్స్ కి సంబందించిన పోస్టర్స్ తో కాస్తా సంతృప్తి చెందాల్సిందే. గుడ్డిలో మెల్ల అన్న చందంగా ఏదో ఒకటి అని డార్లింగ్ అభిమానులు వీటితో సరిపెట్టుకోవాల్సిందే. అంతకు మించి మరో ఛాయస్ అయితే లేదని సలార్ టీమ్ ఈ విధంగా షాక్ ఇచ్చింది.