సలార్ అఫీషియల్.. మొదటి కిక్కు రెడీ!

ప్రభాస్ ఫ్యాన్స్ మాత్రమే కాకుండా ఎంతో మంది సినీ అవర్స్ ఎదురుచూస్తున్న సినిమాల్లో సలార్ టాప్ లిస్టులో ఉంటుంది అని చెప్పవచ్చు. ఇక ఈ సినిమాకు సంబదించిన ప్రతీ చిన్న గాసిప్ కూడా ఒక రేంజ్ లో వైరల్ అవుతోంది. ప్రమోషన్స్ కాస్త ఆలస్యంగా స్టార్ట్ చేసినప్పటికీ సినిమాపై బజ్ ఏ స్థాయిలో ఉందొ అర్థం చేసుకోవచ్చు.

ఇక సలార్ సినిమా ట్రైలర్ డేట్ విషయంలో కూడా అధికారికంగా క్లారిటీ ఇచ్చారు. మొన్నటి వరకు సినిమా ట్రైలర్ పై చాలా రకాల గాసిప్స్ వచ్చాయి. ట్రైలర్ ను ఒకటే భాషలో విడుదల చేయబోతున్నారు అని కూడా టాక్ వచ్చింది. అయితే ఈ విషయంలో ఇప్పటివరకు చిత్ర యూనిట్ నుంచి ఎలాంటి క్లారిటీ అయితే రాలేదు.

ఇక మొత్తానికి ట్రైలర్ అయితే డిసెంబర్ 1న రాబోతున్నట్లు అధికారికంగా ఒక పోస్టర్ కూడా విడుదల చేశారు. అందులో ప్రభాస్ ఒక జీపుపై నిలబడిన గన్ను పట్టుకొని ఉన్నాడు. ఈ క్యారెక్టర్ లో డార్లింగ్ చాలా పవర్ఫుల్ గా కనిపిస్తున్నాడు. చూస్తుంటే సినిమాలో ప్రభాస్ యాక్షన్ తో సరికొత్త కిక్కు ఇచ్చేలా ఉన్నట్లుగా అర్థమవుతుంది.

ఈ సినిమాలో ప్రభాస్ రెండు విభిన్నమైన పాత్రలలో కనిపిస్తున్నాడు అని ముఖ్యంగా ఫ్లాష్ బ్యాక్ లో వచ్చి తండ్రి పాత్ర కూడా ఒక రేంజ్ లో ఉంటుందని ఇప్పటికే కొన్ని లీకులు కూడా అంచనాలను పెంచేసాయి. ఇక దర్శకుడు ప్రశాంత్ నీల్ ఫైనల్ అవుట్ ఫుట్ నమ్మకంగా అనిపించే వరకు కూడా రెగ్యులర్ ప్రమోషన్స్ స్టార్ట్ చేయకూడదని అనుకున్నాడు.

అసలైతే సెప్టెంబర్ లొనే సినిమాను విడుదల చేయాలని ఫిక్స్ అయిన విషయం తెలిసిందే. కానీ ఆ తర్వాత మళ్లీ పోస్ట్ ప్రొడక్షన్ పనులు ఆలస్యం కావడంతో డిసెంబర్ కు షిఫ్ట్ చేశారు. ఇక మొత్తానికి ఇప్పుడు అనుకున్న డేట్ ప్రకారం డిసెంబర్ 22వ తేదీన సలార్ సినిమా విడుదల చేయబోతున్నారని లేటెస్ట్ పోస్టర్ లో తెలియజేశారు. ఇక సినిమా రెగ్యులర్ ప్రమోషన్ స్టార్ట్ కావడంతో ఫాన్స్ లో కూడా జోష్ వచ్చింది. ఇక డిసెంబర్ తర్వాత సినిమాకు సంబంధించిన పోస్టర్లు అలాగే సాంగ్స్ కూడా విడుదల చేసే అవకాశం ఉన్నట్లు తెలుస్తుంది.