ప్రభాస్ కోపం.. మళ్ళీ ఇన్నాళ్ళకు ఎలా ఉంటుందో

యానిమల్ సినిమాతో దేశ మొత్తాన్ని తనవైపు తిరిగి చూసేలా చేసుకున్న దర్శకుడు సందీప్ రెడ్డి వంగా. అర్జున్ రెడ్డితోనే తన వైబ్రేషన్ ఏంటో పరిచయం చేసిన సందీప్ రెడ్డి వంగా యానిమల్ లో విశ్వరూపం చూపించారు. ఈ సినిమా బాలీవుడ్ మొత్తాన్ని షేక్ చేసింది. ఇప్పటి వరకు రణబీర్ కపూర్ లో పరిచయం కాని యాక్టర్ ని యానిమల్ ద్వారా సందీప్ రెడ్డి వంగా పరిచయం చేశాడు. కేవలం ఇండస్ట్రీలోనే కాకుండా రాజకీయ నాయకులు సైతం యానిమల్ గురించి చర్చించుకునేలా చేశాడు.

ఒక సినిమా చేసిన తర్వాత విమర్శలు, ప్రశంసలు రెండూ ఉంటాయి. యానిమల్ మూవీ విషయంలో కూడా సందీప్ కి రెండూ వచ్చాయి. అంతకు మించి బ్లాక్ బస్టర్ సక్సెస్ ని ఆడియన్స్ ఇచ్చారు. బాబీ డియోల్ కెరియర్ లో గుర్తుండిపోయే రోల్ ని యానిమల్ లో చేశారు. సందీప్ రెడ్డి సినిమా అంటేనే హీరో పాత్రలో విపరీతమైన కోపాన్ని చూపిస్తాడు. ఈ ఎమోషన్ ఎక్స్ట్రీమ్ లో ఉంటుంది.

అంత కోపాన్ని కూడా ఫ్యాన్స్ యాక్సప్ట్ చేయడం వలనే సందీప్ రెడ్డి రెండు సినిమాలు బ్లాక్ బస్టర్ హిట్ అయ్యాయి. నెక్స్ట్ ప్రభాస్ తో స్పిరిట్ మూవీ సందీప్ రెడ్డి స్టార్ట్ చేస్తున్నారు. ఇప్పటికే ఈ మూవీ స్క్రిప్ట్ వర్క్ మొదలు పెట్టినట్లు తెలుస్తోంది. ఈ సినిమాలో ప్రభాస్ పోలీస్ ఆఫీసర్ గా కనిపించబోతున్నాడు. స్పిరిట్ ద్వారా మొదటి సారి కెరియర్ లో కాప్ రోల్ లో దర్శనం ఇవ్వనున్నాడు.

ప్రభాస్ గతంలో రాఘవేంద్ర సినిమాలో కోపం ఎక్కువున్న క్యారెక్టర్ లో నటించాడు. మంచి క్యారెక్టరైజేషన్ అయిన కూడా అప్పట్లో మూవీ వర్క్ అవుట్ కాలేదు. తరువాత చేసిన సినిమాలన్నీ కూడా మల్టీపుల్ ఎమోషన్స్ తో లీడ్ అయ్యేవే. అయితే ఇన్నేళ్ళ తర్వాత మరల స్పిరిట్ మూవీలో కోపదారి హీరోగా సందీప్ రెడ్డి ప్రభాస్ ని ప్రెజెంట్ చేయబోతున్నాడు.

తనకి అలవాటైన క్యారెక్టరైజేషన్ లోనే స్ప్రిరిట్ సినిమాలో ప్రభాస్ ని చూపించబోతున్నాడు. మరి ఈ సారి ప్రభాస్ ఈ యాంగ్రీ రోల్ లో ఎలా మెప్పిస్తాడు అనేది ఇప్పుడు ఆసక్తికరంగా మారింది. గతంలో పోలీస్ స్టొరీ సినిమాలో సాయి కుమార్, అంకుశం సినిమాలో రాజశేఖర్ కోపం ఎక్కువ ఉన్న పోలీస్ ఆఫీసర్స్ పాత్రలలో నటించి హిట్స్ కొట్టారు. ఈ సారి ప్రభాస్ కూడా అలాంటి సక్సెస్ అందుకుంటాడేమో చూడాలి.