ఎన్టీఆర్-ప్రశాంత్ నీల్.. ఈసారి అలా ఉండదట

ఎన్టీఆర్, ప్రశాంత్ నీల్ కాంబినేషన్‌లో రాబోయే సినిమా గురించి క్రేజీ న్యూస్ వైరల్ అవుతోంది. నవంబర్ చివరిలో ఈ ప్రాజెక్ట్ సెట్స్ పైకి వెళ్లనున్నట్లు సమాచారం. వార్ 2 షూటింగ్ పూర్తి అయిన తర్వాత జనవరి చివరి వారంలో ఎన్టీఆర్ ఈ ప్రాజెక్ట్‌లో చేరతారని అంచనా. ప్రాథమికంగా యంగ్ టైగర్ లేని సన్నివేశాలను మొదటగా చిత్రీకరించనున్నారు.

ప్రశాంత్ నీల్ ఇప్పటి వరకు ఇండియన్ ఫిల్మ్ ఇండస్ట్రీలో కేవలం నాలుగు సినిమాలు మాత్రమే తీశారు. కేజీఎఫ్ ను రెండు భాగాలుగా తెరకెక్కించి దేశవ్యాప్తంగా గుర్తింపు తెచ్చుకున్నారు. కానీ ప్రశాంత్ నీల్ సినిమాలన్నీ బ్లాక్ థీమ్, డార్క్ విజువల్స్‌తోనే సాగుతుండటం వల్ల ప్రేక్షకులకు కొంత రొటీన్ మొనాట‌న‌స్ ఫీలింగ్ కలుగుతోందని భావిస్తున్నారు. ముఖ్యంగా సలార్ సినిమా ట్రైలర్ చూసినప్పుడు బ్లాక్ థీమ్ ఓవర్‌డోస్ అనిపిస్తోందని ఫీడ్‌బ్యాక్ వచ్చింది.

ఈ నేపథ్యంలో ఎన్టీఆర్‌తో తీసే కొత్త ప్రాజెక్ట్ కోసం ప్రశాంత్ కొన్ని మార్పులు చేయాలని నిర్ణయించుకున్నారు. ఈ సినిమాకి కథా నేపథ్యం, విజువల్స్ లో కొత్తదనం చూపించేలా ప్లాన్ చేస్తున్నట్లు యూనిట్ వర్గాల సమాచారం. ఇప్పటికే విడుదల చేసిన ఫస్ట్ లుక్ పోస్టర్‌లోని బ్లాక్ థీమ్, సినిమాలో ఉండదని, ఇది ఒక కొత్త స్టైల్‌లో ఉండబోతుందని తెలుస్తోంది. ప్రశాంత్ తనను తాను కొత్తగా ఆవిష్కరించుకోవడానికి ఈ సినిమాతో ప్రణాళికలు సిద్ధం చేసుకున్నాడు.

నవంబర్ చివర్లో ఈ చిత్రం షూటింగ్ మొదలవుతుందని తెలిసింది. ప్రస్తుతం ఎన్టీఆర్ వార్ 2 షూటింగ్‌లో బిజీగా ఉన్నారు. దీంతో, ఎన్టీఆర్ ఈ చిత్రానికి జనవరి నుండి అందుబాటులోకి వస్తారని భావిస్తున్నారు. ఈ భారీ ప్రాజెక్ట్‌కి మైత్రీ మూవీ మేకర్స్ నిర్మాణ బాధ్యతలు చేపడుతున్నారు. పాన్ ఇండియా స్థాయిలో తెరకెక్కుతున్న ఈ సినిమాను 2026 సంక్రాంతికి విడుదల చేయాలని ప్లాన్ చేస్తున్నారు.

ఈ ప్రాజెక్ట్‌పై ప్రేక్షకులు భారీ అంచనాలు పెట్టుకున్నారు. ఎన్టీఆర్ అభిమానులు కూడా ఈ సినిమాతో అతని పాత్రలో కొత్తదనం ఆశిస్తున్నారు. ఒకవేళ ప్రశాంత్ తన గత సినిమాల థీమ్ నుంచి వేరే తరహాలో ఈ చిత్రాన్ని తెరకెక్కిస్తే, ఇది అభిమానులకు కొత్త అనుభూతిని ఇస్తుందనే నమ్మకం ఉంది. ఇక బంగ్లాదేశ్ బ్యాక్ డ్రాప్ లో సినిమా ఉంటుందని కూడా ఒక టాక్ వచ్చింది. అక్కడ ఉండే తెలుగు వారికి సపోర్ట్ గా హీరో ఎలా నిలిచాడు అనే స్టోరీ లైన్ తో సినిమా కథాంశం ఉంటుందని సమాచారం.